1 SAMUEL 31:10 - Khasi CL Bible (BSI)

¹⁰ Nangta ki buh ïa ki tiar ïapom jong u ha ka ïing mane jong ka blei Astarte, bad ki sahnar ïa ka met jong u ha ka kynroh jong ka nongbah Beth Shan.

KA BAIBL

¹⁰ Bad ki la buh ïa ki atiar jong u ha ka ïing ki Ashtaroth: te ïa ka met jong u ki la sahnar ha ka kynroh ka Beth-shan.

1 SAMUEL 31:10 ပူးပေါင်းရင်းမြစ်များ

JOSHUA 17:11

Hapoh ka ri Issakhar bad Asher, ki Manasseh ki ïohkynti ïa ka Beth Shan bad ka Ibleam, lem bad ki nongrit kiba sawdong jong ki, kumjuh ruh ïa ka Dor (kata kaba harud duriaw), ka Endor, ka Taanakh, ka Megiddo, bad ki nongrit kiba sawdong jong ki.

NONGBISHAR 1:27

Ki jait Manasseh kim shym la beh noh ïa ki briew kiba shong basah ha Beth Shan, Taanakh, Dor, Ibleam, Megiddo bad ha ki nongrit kiba hajan; ki Kanaan ki dang shong hangta.

NONGBISHAR 2:13

Ki la sangeh ban mane ïa U Trai bad ki la shakri ïa ki blei Baal bad Astarte.

1 SAMUEL 21:9

U Ahimelekh u jubab, “Nga don ka waitlam u Goliath u nong Philistia ïa uba phi la pynïap ha ka Them Elah; ka don ha lyndet ka ephod, kaba la sop da ka jaiñ. Lada phi kwah ïa ka, to shim — dei tang ma ka, ka atiar hangne.” “Ai ïa ka ha nga,” u Dabid u ong. “Ym don hangno hangno ka waitlam kaba kham bha!”

1 SAMUEL 31:12

baroh ki riewshlur ki leit bad ki ïaid baroh shi miet sha Beth Shan. Ki shim noh ïa ki met jong u Saul bad jong ki khun shynrang jong u na kata ka kynroh, ki wallam pat ïa ki sha Jabesh, bad ki thang ïa ki hangta.

1 SAMUEL 7:3

U Samuel u ong ha ki paid Israel, “Lada phin phai sha U Trai da ka dohnud jong phi baroh, phi dei ban bret noh ïa ki blei nongwei baroh bad ïa ki dur jong ka blei Astarte. Pynkyntang lut ïa lade sha U Trai bad mane tang ïa u, te un pyllait ïa phi na ka bor ki Philistia.”