1 SAMUEL 30:8 - Khasi CL Bible (BSI)

⁸ U Dabid u kylli na U Trai, “Ngan leit beh ne em ïa kine ki nonglute? Ngan lap ne em ïa ki?” U jubab, “Khie leit beh ïa ki; men lap ïa ki, bad men pyllait ïa kiba la shah ringmraw.”

KA BAIBL

⁸ Te u Dabid u la kylli na U Trai, u da ong, “Lada ngan beh nadien une u paid, ngan lap ïa u ne em?” U ruh U la ïathuh ha u, “To beh; namar men lap shisha, bad da shisha men ïoh pat ïa kiei kiei baroh.”

1 SAMUEL 30:8 ပူးပေါင်းရင်းမြစ်များ

JENESIS 14:16

U wan ïalam pat ruh ïa u Lot, u pyrsa jong u lem bad ïa ki jingdon jingem jong u, ryngkat ruh bad ïa ki kynthei bad ïa kiwei pat ki koidi.

2 SAMUEL 5:19

U Dabid u kylli na U Trai, “Hato ngan tur ïaleh ïa ki Philistia? Hato men ai ha nga ïa ka jingjop?” “Ho-oid, khie tur ïaleh!” U Trai u la jubab. “Ngan ai ha me ka jingjop!”

2 SAMUEL 5:23

Sa shisien u Dabid u kylli na U Trai, uba jubab, “Wat tur ïaleh ïa ki nangne, hynrei leit sawdong bad pynkhreh ban tur ïaleh ïa ki na kawei ka liang, najan ki dieng Balsam.

SALM 50:15

Khot kyrpad ïa nga haba ka jingeh ka wan; ngan pyllait ïa phi, bad phin ïaroh ïa nga.”

SALM 91:15

Haba ki khot ïa nga, ngan jubab ïa ki; haba ki don ha ka jingjynjar, ngan long ryngkat bad ki. Ngan pyllait im ïa ki bad ngan pyndonburom ïa ki.

EKSODOS 15:9

U nongshun u ong, ‘Ngan beh kthong bad kem ïa ki, ngan ïabynta ïa ka spah jong ki, bad ngan shim kat ïa kaba nga mon; ngan sei ïa la ka waitlam, bad ngan shim ïa baroh kaba ki don.’

JINGKHEIÑ 27:21

Un hap shaniah ha u Eleasar u lyngdoh, ban wad ïa ka mon jong nga da kaba pyndonkam ïa u Urim bad u Thummim. Da kumne u Eleasar un kdew ïa u Joshua bad u paid Israel ha ki kam jong ki baroh.”

NONGBISHAR 20:18

Ki Israel ki leit sha ka jaka mane ha Bethel, bad hangta ki kylli na U Blei, “Ka jait jongno ka ban leit ïaleh nyngkong ïa ki Benjamin?” U Trai u jubab, “Ka jait Judah.”

NONGBISHAR 8:4

Ha kane ka por, u Gideon bad la ki laispah ngut ki rangbah ki la wan sha ka wah Jordan bad jam sha shiliang ïa ka. Ki la thait hi ïan, hynrei ki dang beh kthong ïa ki nongshun.

1 SAMUEL 10:22

ki kylli na U Trai, “Dang don shuh mano mano?” U Trai u jubab, “u Saul u don hangtai, u rieh ha lyndet ki jingkit.”

1 SAMUEL 14:37

Kumta u Saul u kylli ïa U Blei, “Hato ngan tur ïaleh ïa ki Philistia? Hato men ai ha ngi ka jingjop?” Hynrei U Blei um shym jubab ha kata ka sngi.

1 SAMUEL 23:2

Kumta u kylli na U Trai, “Hato ngan leit bad tur ïaleh ïa ki Philistia?” “Ho-oid” U Trai u jubab. “Tur ïaleh ïa ki bad pyllait im ïa ka Keilah.”

1 SAMUEL 23:4

Kumta u Dabid u kylli sa shisien na U Trai, bad U Trai u ong ha u, “Khie leit bad tur ïaleh ïa ka Keilah, namar ngan ai ha me ka jingjop halor ki Philistia.”

1 SAMUEL 28:6

bad kumta u la kylli ïa U Trai kaei ba un leh. Hynrei U Trai um shym jubab ei ei ïa u, la ha ki jingphohsniew, lane da u Urim bad u Thummim, lane da ki nongïathuhlypa.

1 SAMUEL 30:18

U Dabid u la pyllait im ïa baroh bad ïa kiei kiei baroh kiba ki Amalek ki la knieh kynthup ïa ki tnga jong u ar ngut.

1 SAMUEL 30:19

Ym don ei ei kaba jah. U Dabid u ïoh pat ïa ki khun shynrang bad ki khun kynthei baroh jong ki briew jong u, bad ïa ki mar lute baroh ba ki Amalek ki la kit.