1 SAMUEL 30:6 - Khasi CL Bible (BSI)

⁶ U Dabid u don mynta ha ka jingma kaba khraw, namar ki briew jong u kiba la sngewkthang haba ki la duh ïa la ki khun ki kti bad ki byrngem ban lynthem maw ïa u; hynrei U Trai U Blei jong u, u ai ha u ka jingshlur.

KA BAIBL

⁶ Te u Dabid u la sngewpisa eh; naba kita ki paidbah ki la ïa-ong ban lynthem maw ïa u, namar ki mynsiem jong kita ki briew baroh ki la kthang, uwei pa uwei namar la ki khun shynrang bad namar la ki khun kynthei; hynrei, u Dabid u la pynkhlaiñ ïa lade ha U Trai U Blei jong u.

1 SAMUEL 30:6 ပူးပေါင်းရင်းမြစ်များ

JENESIS 32:7

U Jakob u la sheptieng bad khuslai. U la pynbynta ar kynhun ïa ki briew kiba don lem bad u, bad kumjuh ruh ïa ki langbrot, ki blang, ki jingri bad ki ut.

2 SAMUEL 17:8

Phi tip ba u Dabid, u kpa jong phi bad ki rangbah jong u ki long ki nongïaleh kiba satar, bad ba ki long kiba shyrkhei kum ka dngiem kmie kaba la shah knieh ïa ki khun jong ka. U kpa jong phi u dei u shipai uba la mlien bha bad um ju sah bad la ki rangbah mynmiet.

2 SYIEM 4:27

hynrei haba ka la wan ha u Elisha ka la nguh ngon ha khmat jong u bad ka la bat ïa ki kjat jong u. U Gehasi u la mut sa ban khynñiat ïa ka sharud, hynrei u Elisha u ong, “Wat pynwit ïa ka. Mem ïohi ba ka khuslai jur? Bad U Trai um shym ïathuh ei ei shaphang kata.”

Ka Kitab U Job 13:15

Nga la duh baroh ka jingkyrmen, te yn lei lada U Blei u pynïap noh ïa nga? Ngan leit ban ïasaid ïa ka kam jong nga ha u.

SALM 116:10

Nga la ïaineh ha ka jingngeit, wat haba nga ong, “La pynlwet khoit ïa nga,”

SALM 138:3

Me jubab ïa nga haba nga khot kyrpad ïa me; da ka jingkhlaiñ jong me, me pynshaitbor ïa nga.

SALM 18:2

U Trai u long u nongïada jong nga; u long ka kut baskhem jong nga. U Blei jong nga u long ka jingïada jong nga, bad ha u nga sngewshngain. U da ïa nga kum ka stieh; u kyrshan ïa nga bad u ri pynim ïa nga.

SALM 18:6

Ha ka jingjynjar jong nga, nga la khot kyrpad ïa U Trai; Nga la khot kyrpad ïa U Blei jong nga ban ïoh jingïarap. Ha ka Templ jong u, u la ïohsngew ïa ka sur jong nga, bad u la shahshkor ïa ka jingkyang jong nga ban ïoh jingïarap.

SALM 25:17

Pyllait ïa nga na ki jingkhuslai jong nga bad ïada ïa nga na ki jingjynjar jong nga baroh.

SALM 27:14

To shaniah ha U Trai, to ngeit, wat duh jingkyrmen. To shaniah ha U Trai.

SALM 31:24

To long kiba khlaiñ, to long kiba shlur, phi baroh kiba kyrmen ha U Trai.

SALM 42:11

Balei ba nga sngewsih haduh katta katta? Balei ba nga sngew jynjar sat? Ngan buh ïa ka jingkyrmen jong nga ha U Blei, bad sa shisien pat ngan ïaroh ïa u, u nongpynim jong nga bad U Blei jong nga.

SALM 42:5

Balei ba nga sngewsih haduh katta katta? balei ba nga jynjar sat? Ngan buh ïa ka jingkyrmen jong nga ha U Blei, bad sa shisien pat ngan ïaroh ïa u, u nongpynim jong nga bad U Blei jong nga.

SALM 56:11

Ha u nga shaniah, bad ngan ym sheptieng. U briew un lah ban leh aïu ïa nga?

SALM 62:1

Nga ap da ka jingïaishah slem ïa U Blei ban pynim ïa nga; nga shaniah tang ha u hi.

SALM 62:5

Nga shaniah tang ha U Blei hi; nga buh ïa la ka jingkyrmen ha u.

SALM 71:4

A Blei jong nga, to pyllait im ïa nga na ki bymman, na ka bor jong kito kiba runar bad kiba sniew.

SALM 71:5

A Trai U Nongsynshar, nga buh ïa ka jingkyrmen jong nga ha me; nga la shaniah ha me naduh ba nga dang samla.

EKSODOS 17:4

U Moses u la duwai jur ha U Trai, bad u ong, “Aïu nga lah ban leh bad kine ki briew? Mynta ki khreh sa ban lynthem maw ïa nga!”

PROBERB 18:10

U Trai u long kum ka kut baskhem, sha kaba kiba hok ki lah ban leit bad sngewshngain.

ISAÏAH 25:4

Kiba duk bad ki bym don jingïarap ki phet sha me bad ki shongshngain ha ki por ka jingjynjar. Me ai jakarieh ïa ki na ki 'erïong bad ka jakarieh tngen na ka jingshit kyr-ang. Ki riewrunar ki tur ïaleh kum ka 'erïong tlang,

JEREMAÏAH 16:19

A Trai, me long uta uba ïada ïa nga bad uba ai ha nga ka jingkhlaiñ; me ïarap ïa nga ha ki por jingjynjar. Ki jaitbynriew kin wan sha me na kiba kut jong ka pyrthei bad ong, “Ki kpa tymmen jong ngi kim shym la don ei ei hynrei tang ki blei thala, ym don ei ei hynrei tang ki bleithaw bymmyntoi.

JONAH 2:2

“Ha ka jingjynjar jong nga, A Trai, nga la khot kyrpad ïa me, bad me la jubab ïa nga. Na ka jingjylliew jong ka pyrthei kiba ïap nga la khot kyrpad na ka bynta ka jingïarap, bad me la ïohsngew ïa nga.

JINGKHEIÑ 14:10

Ka kynhun baroh kawei ka la byrngem ban lynthem maw ïa ki, hynrei kynsan ki paidbah ki la ïohi ïa ka jingshai batyngshaiñ jong ka jingdon ryngkat U Trai ba ka paw halor ka Ïingjaiñ.

MATHAÏOS 21:9

Ki paidbah kiba la ïaid ha khmat jong U Jisu bad kito kiba la bud nadien ki la sdang ban pyrta, “To ïaroh ïa U khun u Dabid! U Blei u kyrkhu ïa uta uba wan ha ka kyrteng jong U Trai! To ïaroh ïa U Blei!”

MATHAÏOS 27:22

“Kaei, te, ngan leh ïa U Jisu uba la khot U Messaïah?” “Sahnarphna ïa u!” Baroh ki la jubab.

ÏOANNIS 8:59

Nangta ki la ïa-khar ïa ki maw ban lynthem ïa u, hynrei U Jisu u la buhrieh ïa lade bad u la mihnoh na ka Templ.

Ka Shithi U Paul Sha Ki Nong Rom 4:18

U Abraham u la ngeit bad u la kyrmen, wat mynba ym shym don ka daw ban kyrmen, bad kumta u la long “U kpa jong ki jaitbynriew babun.” Kumba ka Jingthoh Bakhuid ka ong, “Kiba hiarpateng na me kin bun kat ki khlur.”

Ka Shithi U Paul Sha Ki Nong Rom 4:20

Ka jingngeit jong u kam shym la mihnoh na u, bad um shym la artatien ïa ka jingkular U Blei; ka jingngeit jong u ka la pyndap ïa u da ka bor, bad u ai ka jingïaroh ïa U Blei.

Ka Shithi U Paul Sha Ki Nong Rom 8:31

Halor kane baroh, kaei kaba ngi lah ban ong? Lada U Blei u long na ka bynta jong ngi, mano ba lah ban ïaleh pyrshah ïa ngi?

2 KORINTH 1:6

Lada ngi shahshitom, ka long na ka bynta ka jingïarap bad ka jingpynim jong phi; lada la ïarap ïa ngi, te la ïarap ïa phi ruh bad la ai ïa ka bor ban ïaineh lem da ka jingïaishah ha kita kijuh ki jingshahshitom ba ngi ruh ngi la ïaineh.

2 KORINTH 4:8

La pynjynjar ïa ngi bunsien, hynrei ym shym la pynlwet noh; teng teng hapdeng ka jingartatien, hynrei da lei lei ym ha ka jingduh jingkyrmen; don bun ki nongshun, hynrei ngim ju duh paralok; bad wat la ngi jur ka jingmong hateng hateng, ym shym la pynjot noh ïa ngi.

2 KORINTH 7:5

Wat hadien ba ngi la poi ha Makedonia, ngim shym la ïoh shongthait. Ki la don ki jingjynjar ha kylleng sawdong, ki jingïakajia bad kiwei pat, ki jingsheptieng ha ki dohnud jong ngi.

HEBRU 13:6

To ngin long shlur, te, bad ong, “U Trai u long u nongïarap jong nga, ngan ym sheptieng. Uei uba lah ban leh ei ei ïa nga?”

NONGBISHAR 18:25

Ki rangbah na Dan ki ong, “Kan bha ba phin ym bunktien lymda phi kwah ïa kine ki briew ban bitar bad ban kynrup ïa phi. Nangta ma phi bad ka longïing jong phi baroh phin ïap.”

NONGBISHAR 20:22

Te ki khun Israel ki leit kiew sha jaka mane Blei bad ki ïamkthang ha khmat U Trai haduh janmiet. Ki kylli ïa u, “Hato ngin leit ïaleh thma pyrshah ïa ki para jait jong ngi ki Benjamin?” U Trai u jubab, “Ho-oid.” Kumta ki paidïapom ki Israel ki la ïoh mynsiem, bad ki pynïeng ïa la ki shipai ha kajuh ka rukom kumba ki la leh ha ka sngi kaba la dep.

1 SAMUEL 23:16

U Jonathan u la leit sha u hangta bad u la pynshlur ïa u da ka jingpynthikna ïa ka jingïada jong U Blei,

1 SAMUEL 28:15

U Samuel u ong ha u Saul, “Balei me la pynthut ïa nga? Balei me pynlong ïa nga ban wan pat?” U Saul u jubab, “Nga la poi ha ka khim khait! Ki Philistia ki ïaleh thma ïa nga, bad U Blei u la iehnoh ïa nga. Um shym jubab shuh ïa nga, la da ki nongïathuhlypa, lane da ki jingphohsniew. Bad kumta nga la khot ïa phi ba phin ïathuh ïa nga aïu nga dei ban leh.”