1 SAMUEL 30:26 - Khasi CL Bible (BSI)

²⁶ Ynda u Dabid u la wan phai sha Siklag, u phah ai bynta na kata ka mar lute sha ki paralok jong u, ki nongïalam ka Judah, bad ka khubor, “Kane ka jingai sngewbha ïa phi na ka jinglute ba ngi la shim na ki nongshun U Trai.”

KA BAIBL

²⁶ Bad haba u Dabid u la poi sha Siklag, u la phah ai na kata ka jinglute ha ki tymmen basan ka Judah, kata, ha kita ki lok jong u, u da ong, “Ha khmih kane ka jingai sngewbha ha phi na ka jinglute ki nongshun U Trai;”

1 SAMUEL 30:26 ပူးပေါင်းရင်းမြစ်များ

JENESIS 33:11

Sngewbha pdiang ïa kane ka jingai sngewbha kaba nga la wallam ïa phi; U Blei u la lehsbun ïa nga, bad u la ai ïa nga baroh kaba nga donkam.” U Jakob u la ïai kyrpad ïa u haduh ba un da pdiang.

2 SAMUEL 1:1

Hadien ka jingïap u Saul, u Dabid u wan phai na ka jingjop jong u ïa ki Amalek bad u sah ar sngi ha Siklag.

2 SYIEM 5:15

U la leit phai pat sha u Elisha lem bad baroh ki rangbah jong u bad u ong, “Mynta nga tip ba ym don uno uno u blei hynrei tang U Blei ki Israel; kumta sngewbha, ko kynrad, pdiang ïa ka jingai sngewbha na nga.”

SALM 35:27

Ai ba kito kiba kwah ban ïohi ïa ka jingpynksan jong nga kin risa da ka jingkmen, bad kin ïai-ong, “Katno Uba khraw long U Trai! uba sngewbha ha ka jingjop u shakri jong u!”

SALM 68:18

U kiew sha kiba kynjang, u da ïalam bad u shibun ki koidi; u pdiang ki jingai sngewbha na ki briew kiba ïeng ïaleh pyrshah. U Trai U Blei un ïoh shong hangta.

ISAÏAH 32:8

Hynrei u briew uba donburom u lehhok bad u ïeng skhem na ka bynta kaei kaba dei.

2 KORINTH 9:5

Kumta nga la pyrkhat ba ka long kaba donkam ban kyntu ïa kine ki parabangeit ban leit ha shuwa jong nga sha phi bad ïoh pynkhreh lypa ïa ka jingai kaba phi la kular. Te kan long kaba la pynkhreh haba nga poi, bad kan pyn-i ba phi ai namar ba phi kwah ban leh kumta, ym namar ba phi dei ban leh kumta.

1 SAMUEL 18:17

Nangta u Saul u ong ha u Dabid, “Kane ka dei ka Merab ka khun jong nga kaba kham shuwa. Ngan ai ïa ka ha me kum ka tnga jong me halor ka kyndon ba me dei ban shakri ïa nga kum u shipai bashlur bad baïaineh, bad ïaleh ïa ki thma U Trai.” (U Saul u nang pyrkhat ba ha kane ka rukom ki Philistia kin ïoh pynïap ïa u Dabid bad um da donkam ban leh da lade.)

1 SAMUEL 25:27

Sngewbha, ko kynrad, pdiang ïa kane ka jingai sngewbha kaba nga la wallam ïa phi, bad ai ïa ka ha ki briew jong phi.

1 SAMUEL 25:28

Sngewbha map ïa nga, ko kynrad, na ka bynta kano kano ka jingbakla kaba nga la leh. U Trai un pynlong ïa phi u syiem, bad ïa ki khun ki ksiew jong phi ruh, naba phi ïaleh ïa ki thma jong u; bad phin ym leh kano kano kaba sniew katba phi dang im.

1 SAMUEL 30:20

U la ïohknieh ruh ïa ki kynhun langbrot bad ki kynhun masi baroh; ki briew jong u ki ñiah ïa kita ki jingri ha shuwa jong ki bad ki ong, “Kane ka dei ka jong u Dabid!”

1 SAMUEL 30:25

U Dabid u la buh ïa kane kum ka aiñ bad la ju bud ha Israel hadien kata.