1 SAMUEL 3:2 - Khasi CL Bible (BSI)

² Ha kawei ka miet u Eli, uba la kham byr-ïe ki khmat, u thiah ha la ka kamra;

KA BAIBL

² Te ha kata ka por, mynba u Eli u dang thiah ha la ka jaka, haba ki khmat jong u ki la sdang ban byrïe, ba um lah ban ïohi,

1 SAMUEL 3:2 ပူးပေါင်းရင်းမြစ်များ

JENESIS 27:1

U Isaak mynta u la tymmen bad u la kylla matlah. U la phah khot ïa u khun nyngkong jong u, u Iso u bad u ong ïa u, “Ko khun!” “Oi,” u jubab.

JENESIS 48:10

U Jakob, namar ba u la tymmen, u la byr-ïe ki khmat, bad um imat bha shuh. U Joseph u ïalam ïa ki hajan jong u; u ruh u piam u kdup ïa ki bad u doh de ïa ki.

JENESIS 48:19

Hynrei u kpa jong u, u kyrngah, bad u ong, “Nga tip, khun; nga tip. Ki khun ki ksiew jong u Manasseh ruh kin sa kylla long ka jaitbynriew kaba khraw. Hynrei u para jong u un kham khraw ban ïa u, bad ki khun ki ksiew jong u kin kylla long ki jaitbynriew kiba khraw.”

1 SYIEM 14:4

Kumta ka leit sha ka ïing jong u Ahijah ha Shiloh. Ka jinglong tymmen ka la pynlong ïa u Ahijah ban matlah.

SALM 90:10

Hynñiewphew snem ka long baroh kaba ngi don — phraphew snem, lada ngi khlaiñ; pynban baroh kaba ki wallam ïa ngi ka long tang ka jynjar bad ka jingsngewsih; ka jingim shen ka wai noh, bad ngim don shuh.

EKLESIASTIS 12:3

Nangta ki kti jong phi, kiba la ïada ïa phi, kin khynñiuh, bad ki kjat jong phi, kiba khlaiñ mynta, kin sdang tlot. Ki bniat jong phi kin long tang khyndiat eh ban ktha ïa ka jingbam jong phi, bad ki khmat jong phi ki byr-ïe shaba palat ban ïohi shai kdar.

1 SAMUEL 2:22

U Eli mynta u la tymmen bha. U la ju ïohsngew ïa kiei kiei baroh ba ki khun shynrang jong u ki la leh ïa ki Israel, bad ba ki la ju ïathiah ruh bad ki kynthei kiba trei ha ka khyrdop ka Ïingjaiñ Ka Jingdon Ryngkat U Trai.

1 SAMUEL 4:15

(Ha kata ka por u Eli u la dap khyndaiphew phra snem bad u la jan matlah).