1 SAMUEL 3:19 - Khasi CL Bible (BSI)

¹⁹ Katba u Samuel u nang san, U Trai u la don ryngkat bad u, bad u pynurlong ïa baroh kaba u Samuel u ong.

KA BAIBL

¹⁹ Bad u Samuel u la nang roi, bad U Trai u la don lem bad u, bad um shym shah ïa kawei na ki ktien jong u ban hap duh noh.

1 SAMUEL 3:19 ပူးပေါင်းရင်းမြစ်များ

JENESIS 21:22

Ha kata ka por, u Abimelekh u leit bad u Phikol, u rangbah ai hukum jong ka kynhun shipai jong u, bad u ong ha u Abraham, “U Blei u long ryngkat bad me ha kaei kaei baroh ba me leh.

JENESIS 28:15

To kynmaw, ba ngan long ryngkat bad me bad ïada ïa me kat shaba me leit, bad ngan wallam pat ïa me sha kane ka ri. Ngan ym iehnoh ïa me tad haduh ba ngan da pyndep ïa kata baroh ïa kaba nga la kular ha me.”

JENESIS 39:2

U Trai u la don ryngkat lem bad u Joseph bad u la pynmanbha ïa u.

JENESIS 39:3

U la shong la sah ha ka ïing jong u nong Ijipt uba long u kynrad jong u, uba la ïohi ba U Trai u don ryngkat lem bad u Joseph bad ba u la pynmanbha ïa u ha kaei kaei kaba u leh.

1 SYIEM 8:56

U da ong, “Ïaroh ïa U Trai uba la ai ka jingsuk ïa ki briew jong u, kumba u la kular ban leh. U la bat ïa baroh ki jingkular basbun kaba u la pynlong lyngba u Moses u shakri jong u.

2 SYIEM 10:10

Kane ka pynshisha ba baroh kaba U Trai u la ong shaphang ki khun ki ksiew jong u Ahab ka wan jia shisha. U Trai u la leh ïa kaei kaba u la kular lyngba u Elijah u nongïathuhlypa jong u.”

2 SYIEM 15:12

Kumta ïa ka jingkular la pyndep ïa kaba U Trai u la kular ha u syiem Jehu: “Ki khun ki ksiew jong me, haduh ka pateng kaba saw, kin long ki syiem ha Israel.”

2 SYIEM 22:16

“Ngan sa pynshitom ïa ka Jerusalem bad ïa ki briew jong ka baroh, kumba la thoh ha ka Kitab ba u syiem u la pule.

ISAÏAH 43:2

Haba phi ïaid lyngba ïa ki um bajylliew, ngan long ryngkat bad phi; ki jingeh kin ym tyllep ïa phi. Haba phi ïaid lyngba ka ding, phin ym ing; ki jingtynjuh ba-eh kiba wan kin ym pynmynsaw ïa phi.

ISAÏAH 44:26

Hynrei haba u shakri jong nga u pynlong ka jingïathuh lypa, haba nga phah ïa u nonglamktien ban pynpaw ïa ki jingthmu jong nga, Nga pynlong ïa kito ki jingthmu bad ki jingïathuh lypa ban jia shisha. Nga ïathuh ïa ka Jerusalem ba ki briew kin shong biang hangta, bad ïa ki nongbah jong ka Judah yn sa tei pat. Kito ki nongbah kin ïeng na ki jingjot.

ISAÏAH 55:11

Kumta ruh kan long ka ktien kaba nga kren — kan ym pep ban pyndep ïa kaei kaba nga thmu na ka bynta jong ka; kan pynlong ïa kiei kiei baroh kiba nga phah ïa ka ban leh.

MATHAÏOS 1:23

“Ka Theisotti kan punkhun bad kan kha ïa u khun, bad yn khot kyrteng ïa u, U Immanuel” (kaba mut “U Blei u long lem bad ngi”).

LOUKAS 1:28

U angel u la wan sha ka bad u la ong, “To ka jingsuk kan long lem bad pha! U Trai u long ryngkat bad pha bad u la kyrkhu eh ïa pha!”

LOUKAS 1:80

U khynnah u la nang san bad nang khraw ha ka met bad ka mynsiem. U la shong la sah ha ka ri shyiap tad haduh ka sngi ba u la paw paidbah ha ki paid Israel.

LOUKAS 2:40

U khynnah u la san bad u la nang khlaiñ; u la dap da ka jingstad, bad ki jingkyrkhu U Blei ki la long halor jong u.

LOUKAS 2:52

U Jisu u la nang san ha ka met bad ha ka jingstad, da kaba ïoh ïa ka jingsngewbha bad U Blei lem bad ki briew.

2 KORINTH 13:11

Bad mynta, ko parabangeit jong nga, khublei! To ïabeh sha ka jingjanai; to shahshkor ïa ki jingkyrpad jong nga, to don kajuh ka jingmut para ma phi, to ïa-im ha ka jingsuk. Bad U Blei ka jingieit bad ka jingsuk un long ryngkat bad phi.

2 KORINTH 13:14

Ka jingaiei jong U Jisu Khrist uba U Trai, ka jingieit jong U Blei bad ka jingïasyllok jong U Mynsiem Bakhuid kin long lem bad phi baroh.

DEUTERONOMI 18:22

Lada u nongïathuhlypa u kren ha ka kyrteng U Trai bad kata kaba u kren kam shym urlong, kata kam dei ka khubor U Trai. Uta u nongïathuhlypa u la kren na lade hi, bad phim dei ban sheptieng ïa u.

2 TIMOTHI 4:22

U Trai un long lem bad ka mynsiem jong phi. Ka jingaiei jong U Blei kan long bad phi baroh. Amen.

JOSHUA 21:45

U Trai u la bat ïa kawei pa kawei na ki jingkular kiba u la pynlong ha ki paid Israel.

NONGBISHAR 13:24

Kata ka briew ka kha ïa u khun shynrang bad ka ai kyrteng ïa u, u Samson. Uta u khunlung u la nang san bad U Trai u la kyrkhu ïa u.

1 SAMUEL 10:7

Haba kine kiei kiei kin jia, leh ïa kaba U Blei u ïalam ïa me ban leh.

1 SAMUEL 12:2

bad mynta une u syiem un ïalam ïa phi. Nga te nga la tymmen bad phuh 'ñiuhlieh, hynrei ki khun shynrang jong nga ki don bad phi. Nga la long u nongïalam jong phi naduh ba nga dang samla haduh mynta.

1 SAMUEL 16:18

Uwei na kita ki nongap jong u, u ong, “U Jesse, uba na ka shnong Bethlehem, u don u khun uba long u nongtem nongput uba tbit. U long ruh uba shlur bad uba bhabriew, u shipai uba bha bad uba pnah thylliej. U Trai u don ryngkat bad u.”

1 SAMUEL 18:12

U Saul u sheptieng ïa u Dabid namar ba U Trai u don ryngkat bad u Dabid hynrei U la kynriah noh na u Saul.

1 SAMUEL 18:14

U Dabid u ïalam ïa la ki briew sha ka thma bad u jop ha kat kaba u leh, namar U Trai u don ryngkat bad u.

1 SAMUEL 18:5

U Dabid u la pyndep hok ïa ki kam baroh ïa kiba u Saul u la phah ïa u, bad kumta u Saul u pynlong ïa u, u nongïalam ha ka kynhun shipai jong u. Kane ka la pynsngewbha ïa baroh ki nongïalam bad ki rangbah jong u Saul.

1 SAMUEL 2:21

U Trai u da kyrkhu shisha ïa ka Hannah, bad ka ïoh sa lai ngut ki khun shynrang bad ar ngut ki khun kynthei. Uta u khynnah Samuel, u nang san ha kaba shakri ïa U Trai.

1 SAMUEL 2:26

Uta u khynnah Samuel, u nang san bad u nang shem ïa ka jingsngewbha na U Trai bad na ki briew.

1 SAMUEL 9:6

Uta u shakri u jubab, “Ap, don uwei u briew bakhuid ha kane ka shnong uba ki briew ki burom bha namar kat kaba u ong ka urlong shisha. Ïa ngin ïaleit sha u bad lehse u lah ban ïathuh ïa ngi hangno ba ngin shem ïa ki kada.”