1 SAMUEL 3:17 - Khasi CL Bible (BSI)

¹⁷ “U Trai u ïathuh aïu ha phi?” u Eli u kylli. “Wat buhrieh ei ei na nga. U Blei un pynshitom jur ïa phi lada phim ïathuh lut ha nga kat ïa kaba u la ong.”

KA BAIBL

¹⁷ Bad u la ong, “Kaei kata kaba U Trai u la kren ha me? Nga kyrpad ïa me wat buhrieh ïa ka na nga: U Blei un leh kumne ïa me, bad tam ruh, lada men buhrieh ei ei na nga na kita kiei kiei baroh kiba u la kren ha me.”

1 SAMUEL 3:17 ပူးပေါင်းရင်းမြစ်များ

2 SAMUEL 14:18

U syiem u jubab, “Ngan kylli ei ei na pha, bad pha dei ban ïathuh ha nga ïa ka jingshisha baroh.” “Kylli ïa kano kano na nga, ko Syiem Kynrad,” ka la jubab.

2 SAMUEL 19:13

U Dabid u la bthah ruh ïa ki ban ong ha u Amasa, “Phi dei u ba-ha-ïing jong nga. Naduh mynta nga buh ïa phi ban ïalam ïa ka kynhun shipai ha ka jaka jong u Joab. To U Blei un shoh ïap ïa nga lada ngam leh kumta!”

2 SAMUEL 3:35

Baroh shi sngi ki briew ki wan kyntu ïa u Dabid ban bam ei ei, hynrei u Dabid u la pynlong ka kular kaba shongkhia, “Ieh U Blei un shoh ïap ïa nga lada nga bam ei ei shuwa ba ka sngi kan sep!”

2 SAMUEL 3:9

U Trai u la kular ha u Dabid ba un shim noh ïa ka hima na u Saul bad ki khun ki ksiew jong u, bad un thung ïa u Dabid kum u syiem jong ki Israel bad ki Judah, naduh na kawei ka tduh sha kawei pat ka tduh jong ka ri. Mynta to U Blei un shoh ïap ïa nga lada ngam pynurlong shisha ïa kane!”

1 SYIEM 22:16

Hynrei u Ahab u jubab, “Haba phi kren ha nga ha ka kyrteng U Trai, ïathuh ïa ka jingshisha! Katno sien ba nga hap ban ong ha phi ïa kata?”

2 SYIEM 6:31

U kyang, “Ai ba U Blei un shoh ïap ïa nga lada u Elisha um shah khrai khlieh shuwa ba ka sngi kan kut!”

SALM 141:5

U briew uba bha u lah ban pynshitom ïa nga bad sneng ïa nga ha ka jingsbun, hynrei ngan ym lah ban pdiang ïa ka burom na ki briew kiba sniew. Namar nga ju duwai borabor pyrshah ïa ki kam basniew jong ki.

JEREMAÏAH 38:14

Ha kawei pat ka por u syiem Sedekaïah u la phah wallam ïa nga sha u ha ka khyrdop kaba lai sha ka Templ, bad u la ong, “Ngan kylli ïa phi ka jingkylli, bad nga kwah ba phin ïathuh ïa nga ïa ka jingshisha baroh.”

JEREMAÏAH 42:4

Nga la jubab, “To kata. Ngan duwai ha U Trai U Blei jong phi, kumba phi la kyrpad, bad kaei kaei kaba u ong, ngan sa ïathuh ïa phi. Ngan ym buhrieh ei ei na phi.”

DANIEL 4:19

Ha kane, u Daniel, ïa uba la khot ruh u Belteshassar, u la sngewsheptieng katta katta ba um lah ban ong ei ei. U syiem u la ong ha u, “Ko Belteshassar, wat ai ba ka jingphohsniew bad ka khubor jong ka kin pynsheptieng ïa me.” U Belteshassar u la phai ktien, “Ko Syiem Kynrad, nga kwah ba ka jingphohsniew bad ka jingbatai ïa ka kan dei ïa ki nongshun jong phi bad ym ïa phi.

MIKAH 2:7

Hato phi pyrkhat ba ki paid Israel ki don hapoh ka jingtim? Hato U Trai u la duh noh ïa la ka jingïaishah? Hato un da leh shisha ïa kine kiei kiei? Hato um shym kren bha ïa kito kiba leh ïa kaba dei?”

JINGKHEIÑ 23:17

Kumta u la leit phai pat bad u la lap ïa u Balak ba u dang ïeng harud ka jingainguh thang jong u lem bad ki nongïalam ka Moab. U Balak u la kylli aïu U Trai u la ong,

MATHAÏOS 26:63

Hynrei U Jisu u shu sngap. Sa shisien pat u Rangbah Lyngdoh u la kren ha u, “Ha ka kyrteng jong U Blei uba im, mynta nga buh ïa me ha ka jingsmai: Ïathuh ïa ngi lada me dei u Messaïah, U Khun U Blei.”

RUTH 1:17

Hangno hangno ba phi ïap, hangta ngan ïap, bad dei hangta ba yn tep ïa nga. Ai ba ka jingpynshitom bashyrkhei eh jong U Trai kan wan hap halor jong nga lada nga shah ïa kaei kaei lait noh ka jingïap hi ka ban pynïakhlad ïa nga na phi!”

1 SAMUEL 14:44

U Saul u ong ha u, “Ai ba U Blei un shoh ïap ïa nga lada yn ym pynïap ïa me!”

1 SAMUEL 20:13

Lada i thmu ban pynsniew ïa phi, to U Trai un shoh ïap ïa nga lada ngam pyntip ïa phi ïa kata bad ba phin ïohlait na ka jingma. To U Trai un long lem bad phi kumba u la long bad i pa jong nga!

1 SAMUEL 25:22

To U Blei un shoh ïap ïa nga lada ngam shym pynïap ïa uba khatduh eh na kito ki briew ha shuwa ban mih ka step!”

1 SAMUEL 3:16

U Eli u la khot ïa u, “Ko Samuel, ko khun jong nga!” “Oi, kynrad,” u Samuel u jubab.