1 SAMUEL 3:13 - Khasi CL Bible (BSI)

¹³ Nga lah da ïathuh ha u ba ngan pynshitom ïa ka ïing jong u junom, namar ki khun shynrang jong u ki la kren sniew pyrshah ïa nga. U Eli u tip ba ki leh kumne hynrei bad um shym la khang ïa ki.

KA BAIBL

¹³ Namar nga la ong ha u hi ba ngan bishar pynrem junom ïa ka ïing jong u, namar kata ka jingbymman kaba u tip ma u, naba ki khun jong u ki la pynlong ka jingtim ïa lade, u te um shym la khang ïa ki.

1 SAMUEL 3:13 ပူးပေါင်းရင်းမြစ်များ

1 SYIEM 2:44

Me tip biang biang ïa ka jingleh bakla baroh kaba me la leh ïa u Dabid u kpa jong nga. U Trai un pynshitom ïa me namar kata.

2 KHRONIKL 20:12

Me long U Blei jong ngi! Pynshitom ïa ki, naba ngim lah leh ei ei ruh em ha khmat jong kane ka kynhun shipai babun paid kaba tur ïaleh ïa ngi. Ngim tip kumno ngin leh, hynrei ngi phai sha me na ka bynta ka jingïarap.”

PROBERB 19:18

Pynbeit ïa la ki khun katba ki dang lung ban shah hikai. Lada phim leh kumta, phi ïarap ïa ki ban pynjot da ki hi.

PROBERB 29:15

Ka jingsneng bad ka jingpynbeit ki long kiba bha ïa ki khynnah. Lada u khynnah u ïoh leh katba u mon, u pynlehrain ïa la ka kmie.

EKLESIASTIS 7:22

bad phi tip ïa lade ba phi la ibeiñ ïa kiwei ki briew bun bunsien.

ESEKIEL 18:30

“Mynta, ma nga U Trai Nongsynshar, nga ong ïa phi ki Israel ba ngan bishar ïa phi iwei pa iwei da kaei kaba phi la leh. To phai noh na kaba sniew baroh kaba phi leh, bad wat shah ba ka pop jong phi kan pynjot ïa phi.

ESEKIEL 7:3

“Ko Israel, kaba kut ka la wan. Phan sa sngew ïa ka jingbitar jong nga; naba ngan bishar ïa pha ïa kaei kaba pha la leh. Ngan pynshitom ïa pha namar ki kam ijli jong pha baroh.

JOEL 3:12

“Ki jaitbynriew ki dei ban long kiba la kloi bad wan sha ka Them jong ka Jingbishar. Hangta ma nga, U Trai, ngan shong ban bishar ïa baroh ki jaitbynriew ba don sawdong.

MATHAÏOS 10:37

“Uno uno uba ieit kham bun shah ïa la u kpa lane ka kmie ban ïa nga um long uba bit ban long u synran jong nga; uno uno uba ieit kham bun shah ïa la u khun lane ka khun ban ïa nga, um long uba bit ban long u synran jong nga.

DEUTERONOMI 17:12

Uno uno uba nud ban ïaleh pyrshah ïa u nongbishar lane ïa u lyngdoh uba shakri ha kata ka por ha khmat U Trai U Blei jong phi; u dei ban shah pynïap. Da kumta phin pynkhuid ïa kata ka jingbymman na Israel.

DEUTERONOMI 21:18

“Lada u briew u don u khun uba mutlop bad uba tamsneng, u bymkohnguh ïa la ki kmie ki kpa, wat la ki sneng ki sympat ïa u,

1 ÏOANNIS 3:20

Lada ka jingïatiplem jong ngi ka pynrem ïa ngi, ngi tip ba U Blei u kham khraw ban ïa ka jingïatiplem jong ngi bad ba u tip ïa kiei kiei baroh.

1 SAMUEL 2:12

Ki khun shynrang u Eli ki dei ki riewbymman. Kim ju shahshkor ïa U Trai

1 SAMUEL 2:17

Kumta ka pop jong ki khun u Eli ka long kaba la shyrkhei palat ha khmat U Trai, namar ba ki la ñiew khlem ka jingburom ïa ki jingainguh ha U Trai.