1 SAMUEL 29:9 - Khasi CL Bible (BSI)

⁹ “Nga mynjur,” u Akhish u jubab, “Nga ñiew ïa phi uba hok kum u angel U Blei. Hynrei kiwei pat ki syiem Philistia ki ong ba phim dei ban leit ryngkat bad ngi sha ka thma.

KA BAIBL

⁹ Te u Akhish u la ïathuh bad u la ong ha u Dabid, “Nga tip keiñ ba me long u babha ha khmat jong nga, kum u angel U Blei keiñ: hynrei, kine ki nongïalam ki Philistia ki la ong, ‘Un ym ïoh leit kiew bad ngi sha kane ka thma.’

1 SAMUEL 29:9 ပူးပေါင်းရင်းမြစ်များ

2 SAMUEL 14:17

Nga la ong ha lade ba ki kular jong phi, ko Kynrad, kin pynshngain ïa nga, namar ba u syiem u long kum u angel jong U Blei bad u lah ban pynïapher ïa kaba bha na kaba sniew. To U Trai U Blei jong phi un long lem bad phi!”

2 SAMUEL 14:20

Hynrei u la leh ïa ka khnang ban pynbeit ïa kane ka kam. U Syiem Kynrad u long uba stad kum u angel jong U Blei bad u tip ïa kaei kaei baroh kaba jia.”

2 SAMUEL 19:27

U la lamler shaphang jong nga ha phi ko Syiem kynrad; hynrei phi, phi long kum u angel U Blei, kumta leh ïa kaei kaba idei ïa phi.

GALATIA 4:14

Hynrei wat la ka jinglong ka met jong nga ka la long ka jingtynjuh bakhraw ïa phi, phim shym la ibeiñ ne kyntait ïa nga. Pynban phi la pdiang ïa nga kumba phi pdiang ïa u angel na bneng; phi la pdiang ïa nga kumba phi pdiang ïa U Khrist Jisu hi.

1 SAMUEL 29:4

Hynrei ki nongïalam jong ki Philistia ki bitar ïa u Akhish, bad ki ong ha u, “Phah un leit noh sha ka jaka kaba phi la ai ïa u. Wat shah ba un leit bad ngi sha ka thma, ïoh u phai pyrshah ïa ngi katba ngi dang ïaleh. Naba na-ei un ïoh ka lad kaba kham bha ban pynsngewbha biang ïa la u kynrad? Hato ym dei da ka jingïap ki briew jong ngi?