1 SAMUEL 29:6 - Khasi CL Bible (BSI)

⁶ U Akhish u khot ïa u Dabid, bad u ong ha u, “Nga smai ha U Blei uba im jong ki Israel ba phi long uba hok ïa nga; bad nga hi nga sngewdei ba phin leit ryngkat bad nga sha ka thma; naba ngam shym la shem kano kano ka jingbakla ha phi naduh ka sngi ba phi wan sha nga haduh kane ka sngi. Hynrei kiwei pat ki syiem kim pdiang ïa phi.

KA BAIBL

⁶ Ynda kumta, u Akhish u la khot ïa u Dabid, bad u la ong ha u, “Katba im U Trai, me la long u bahok, bad ka jingmih shabar jong me bad ka jingwan shapoh jong me lem bad nga ha ka jaka shong dara ka la long kaba sngewbha ha khmat jong nga: namar ngam shym shem ïa ka pop ei ei ha me naduh kata ka sngi kaba me la wan sha nga haduh kane ka sngi: hynrei, kine ki doloi kim sngewbha ïa me.

1 SAMUEL 29:6 ပူးပေါင်းရင်းမြစ်များ

JENESIS 16:6

U Abram u ong, “Ñiuma, ka dei ka mraw jong pha bad hapoh ka jingpynïaid jong pha; leh ïa ka katba pha sngewbit.” Kumta ka Sarai ka lehbeiñ tyngeh ïa ka kat haduh ba ka la phet noh.

2 SAMUEL 3:25

U la wan shane ban shukor ïa phi bad ban tip ïa kaei kaei baroh kaba phi leh bad ïa ka leit ka wan jong phi. Khlem pep, phi tip ïa kata!”

2 SYIEM 19:27

“Hynrei nga tip lut shaphang jong me, kaei ba me leh bad shano ba me leit. Nga tip kumno me bitar shla pyrshah ïa nga.

SALM 121:8

Un ïada ïa phi ha ka leit ka wan jong phi, naduh mynta bad haduh bymjukut.

ISAÏAH 37:28

Hynrei nga tip lut shaphang jong me, kaei ba me leh bad shano me leit, bad nga tip kumno ba me bitar shla pyrshah ïa nga.

ISAÏAH 65:16

Te uno uno uba ha ka ri uba pan ïa ka jingkyrkhu, un pan ban ïoh jingkyrkhu na U Blei uba ïaineh. Uno uno uba shim smai un smai ha ka kyrteng U Blei uba ïaineh; Ki jingjynjar kiba mynshuwa kin leit noh bad yn klet noh.”

JEREMAÏAH 12:16

Lada kin pdiang da ka dohnud jong ki baroh ïa ka niam jong ki briew jong nga bad kin smai, ‘Kumba U Trai u im’ — kumba shisien ki la hikai ïa ki briew jong nga ban smai da u Baal — nangta ki ruh kin long ka bynta jong ki briew jong nga ban kin manbha.

JINGKHEIÑ 27:17

bad uba lah ban ai hukum ïa ki ha ka madan thma, khnang ba u paidlang jong me un ym long kum ki langbrot kiba khlem nongsharai.”

MATHAÏOS 5:16

Ha kajuh ka rukom ka jingshai jong phi ka dei ban shai ha khmat ki briew, khnang ba kin ïohi ïa kiei kiei kiba bha kiba phi leh bad ïaroh ïa u Kpa jong phi uba ha bneng.

DEUTERONOMI 10:20

Kohnguh ïa U Trai U Blei jong phi bad mane ruh tang ïa u. Ïaineh ha u bad kular skhem tang ha ka kyrteng jong u.

JOSHUA 22:30

U Phinehas u lyngdoh bad ki shiphew ngut ki riewkhmat jong ka kynhun kaba don bad u, ki khlieh jong ki longïing jong ki jait ba sha sepngi, ki la ïohsngew ïa kaei ba u paidbah jong ki jait Reuben, Gad, bad Manasseh ba sha Mihngi ki don ban ong, bad ki la sngewhun.

1 PETROS 2:12

Ka rukom im jong phi hapdeng ki bymngeit ka dei ban long kaba bha kumta ba haba ki mudui ïa phi kum ki nongleh bymman, kin hap ban ithuh shai ïa ki kam babha jong phi bad kumta kin ïaroh ïa U Blei ha ka Sngi ka jingwan jong u.

1 PETROS 3:16

hynrei, to leh ïa kata ha ka jingjai jai bad da kaba burom. To sumar khuid ïa ka jingïatiplem jong phi, khnang ba haba phi shah krenbeiñ, kita kiba kren sniew ïa ka jinglong jingim babha jong phi kum ki nongbud jong U Khrist kin shah lehrain na ka bynta kaei kaba ki ong.

1 SAMUEL 20:3

Hynrei u Dabid u jubab, “I pa jong phi i tip bha katno ba phi sngewieit ïa nga, bad i la rai ba phin ym tip ïa kaei ba i thmu ban leh, namar ba phin sa sngewkthang eh. Nga smai ha phi da U Trai uba im ba nga don sa tang shisien jam na ka jingïap!”

1 SAMUEL 28:10

Mynta u Saul u pynlong ka jingsmai kaba kyntang ha ka ha ka kyrteng U Trai, “Da U Trai uba im, nga kular ba phin ym shah pynshitom ei ei namar ba phi leh ïa kane,” u ong ha ka.

1 SAMUEL 29:3

Ki nongïalam jong ki Philistia haba ki ïohi ïa ki, ki kylli, “Kine ki Hebru ki wan leh aïu hangne?” U Akhish u jubab, “Une u dei u Dabid, uba ju long u shakri jong u Saul, u syiem Israel. La kham slem mynta u la don ryngkat bad nga. Naduh ba u la wan phet sha nga, haduh kane ka sngi, ngam shym lap ba u la leh bakla ei ei.”

1 SAMUEL 29:7

Kumta khie leit phai noh sha ïing da kaba suk, bad wat leh ei ei kaba pynsngewsih ïa ki.”

1 SAMUEL 5:8

Kumta ki phah ïa ki nonglamktien bad khot lang ïa baroh san ngut ki syiem Philistia bad kylli ïa ki, “Ngin leh kumno ïa kane ka Synduk ka Jutang jong U Blei ki Israel?” “Leit rah ïa ka sha Gath,” ki la jubab; kumta ki bah ïa ka sha Gath, kawei pat ka nongbah ki Philistia.