1 SAMUEL 28:8 - Khasi CL Bible (BSI)

⁸ Kumta u Saul u riam pher ïa lade da kaba phong da kiwei pat ki jaiñ, bad ynda la dum ma u bad ar ngut na ki rangbah jong u ki leit sha kata ka kynthei. “Wad jingtip na ki mynsiem na ka bynta jong nga bad to ïathuh ïa nga kaei ka ban sa jia,” u ong ha ka. “Khot ïa uta u mynsiem jong uta u briew uba nga khot kyrteng.”

KA BAIBL

⁸ Bad u Saul u la pynpher ïa lade, bad u la kup da kiwei pat ki jaiñ, bad u la leit, ma u bad ar ngut ki rangbah lem bad u, bad ki la poi sha kata ka kynthei mynmiet. Bad u la ong ha ka, “Nga kyrpad ïa pha, to kylli ksuid ïa nga, bad to pynmih ha nga ïa uta uba ngan ïathuh ha pha.”

1 SAMUEL 28:8 ပူးပေါင်းရင်းမြစ်များ

1 SYIEM 22:30

U Ahab u ong ha u Jehoshaphat, “Katba ngi dang leit sha ka thma, ngan riam pher ïa lade, hynrei phi riam ha ki jaiñphong syiem jong phi.” Kumta u syiem Israel u leit sha ka thma da jingriam pher.

1 SYIEM 22:34

Pynban ka jia ryngkhat hangta ba uwei u shipai Syria u siat da u khnam uba leit dei ïa u syiem Ahab napdeng ki jingpyndait ka jingkieng atiar jong u. “Nga la mynsaw!” u lynñiar ha u nongñiah kali ïapom jong u. “Phai bad kynran noh na ka thma!”

1 KHRONIKL 10:13

U Saul u la ïap namar ka jingbymïaineh jong u ha U Trai. Um shym la kohnguh ïa ki hukum U Trai; u pyrshang ban wad jingshai da kaba kylli na ki mynsiem jong kiba la ïap, ha ka jaka ba un kylli na U Trai.

2 KHRONIKL 18:29

U Ahab u ong ïa u Jehoshaphat, “Haba ngi leit sha ka thma, ngan riam pher ïa lade, hynrei ma phi, phong ïa ki jaiñ syiem jong phi.” Kumta u syiem Israel u leit sha thma ha ka jingriam pher.

2 KHRONIKL 35:22

Hynrei u Josaïah u kut jingmut ban ïaleh. U kyntait ban shahshkor ïa kaei kaba U Blei u la ong lyngba u syiem Neko, kumta u riam pher ïa lade bad u leit sha ka thma ha ka them jong ka Megiddo.

ISAÏAH 8:19

Hynrei ki briew kin ong ïa me ban kylli ïa ki khubor na ki nongbatai kupar bad ki nongkren byrtong kiba kren jam bad kiba kren mian mian. Kin ong, “Nalor baroh, ki briew ki dei ban kylli ïa ki khubor na ki mynsiem bad kylli na kiba ïap na ka bynta kiba im.”

JEREMAÏAH 23:24

Ym don uba lah ban rieh ha kaba ngam lah ban ïohi ïa u. Hato phim tip ba nga don ha ki jaka baroh ha bneng bad ha khyndew?

ESEKIEL 12:6

Shah ïa ki ban khmih ba me tawah ïa la ka song halor ka tyrpeng jong me bad mih shabar sha kaba dum da kaba tap ïa ki khmat jong me, khnang ba men ym ïohi shano me leit. Kaei kaba me leh kan long ka jingmaham ïa ki Israel.”

ÏOANNIS 3:19

Kane ka long kumno ka jingbishar ka trei: Ka jingshai ka la wan sha ka pyrthei, hynrei ki briew ki ieit ïa ka jingdum ban ïa ka jingshai, namar ba ki kam jong ki, ki long kiba sniew.