1 SAMUEL 28:7 - Khasi CL Bible (BSI)

⁷ Kumta u Saul u ong ha ki rangbah synshar jong u, “Khie wad ka kynthei kaba kren byrtong, bad ngan leit kylli na ka.” “Don kawei ka nongkren byrtong ha Endor,” ki jubab.

KA BAIBL

⁷ Ynda kumta, u Saul u la ong ha la ki shakri, “To wad keiñ ha nga da ka kynthei kaba shong ksuid, ba ngan ïoh leit sha ka, bad ba ngan kylli na ka.” Bad kita ki shakri jong u ki la ïathuh ha u, “Ha khmih, ka don kawei ka kynthei kaba shong ksuid ha Endor.”

1 SAMUEL 28:7 ပူးပေါင်းရင်းမြစ်များ

2 SYIEM 6:33

Katba un da dep kren ïa kane, haba u syiem u wan poi bad u la ong, “U long U Trai uba la wallam ïa kane ka jingjynjar ha ngi! Balei ba ngan ap slem ïa u ban leh ei ei?”

1 KHRONIKL 10:13

U Saul u la ïap namar ka jingbymïaineh jong u ha U Trai. Um shym la kohnguh ïa ki hukum U Trai; u pyrshang ban wad jingshai da kaba kylli na ki mynsiem jong kiba la ïap, ha ka jaka ba un kylli na U Trai.

SALM 83:10

Me la jop ïa ki ha Endor, bad ki met jong ki, ki la pyut ha ka khyndew.

ISAÏAH 19:3

Ngan pynpulom ïa ki jingthmu jong ki nong Ijipt bad ngan pynjot ïa ka jingsngewskhem jong ki. Kin kyrpad ïa ki bleithaw jong ki ban ïarap ïa ki, bad kin leit ban kylli na ki nongleh byrtong bad kylli na ki mynsiem jong kiba ïap ban ïoh jingmut.

LEBITIKOS 19:31

“Wat leit ban pan jingmut na ki briew kiba wad jingtip na ki mynsiem jong ki briew kiba la ïap. Lada phi leh kumta, yn ñiew ïa phi ki bymkhuid. Nga long U Trai U Blei jong phi.

HABAKKUK 2:3

To buh ha ka jingthoh, namar kam pat dei ka por ba kan urlong. Hynrei ka por ka wan kloi, bad kaei kaba nga pyn-i ha me kan urlong. Ka i kumba ka wan suki jai, hynrei to ap ïa ka; kan sa jia long shisha, bad yn ym pyntud ïa ka.

KI KAM 16:16

Ha kawei ka sngi katba ngi dang ïaleit sha ka jaka duwai, kawei ka shakri samla kaba la don u mynsiem bymman uba la pynlah ïa ka ban ïathuh lypa ïa ka ban sa wan, ka la ïakynduh ïa ngi. Ka la kamai bun ka pisa na ka bynta ki trai jong ka da kaba batai kupar.

DEUTERONOMI 18:11

lane ban leh myntor, lane ban ïakren bad ki mynsiem jong kiba la ïap.

JOSHUA 17:11

Hapoh ka ri Issakhar bad Asher, ki Manasseh ki ïohkynti ïa ka Beth Shan bad ka Ibleam, lem bad ki nongrit kiba sawdong jong ki, kumjuh ruh ïa ka Dor (kata kaba harud duriaw), ka Endor, ka Taanakh, ka Megiddo, bad ki nongrit kiba sawdong jong ki.

1 SAMUEL 28:3

Mynta u Samuel u la ïap, bad baroh ki Israel ki la ïambriew ïa u bad ki la tep ïa u ha ka shnong jong u hi, ha Ramah. U Saul u la lah beh lut ïa ki nongai ksuid bad ki nongkren byrtong baroh na Israel.