1 SAMUEL 27:10 - Khasi CL Bible (BSI)

¹⁰ Nangta u wan phai pat sha u Akhish, uba ju kylli ïa u, “Phi la leit lute shano ha kane ka kynti?” bad u Dabid ruh u ju ïathuh ïa u ba u la leit sha ka ri Judah kaba shathie, lane sha ka ri ki Jerahmeel, lane sha ka ri bashong ki Ken.

KA BAIBL

¹⁰ Te u Akhish u la kylli, “Shano phi la hiar thma ha kane ka sngi?” Te u Dabid u la ïathuh, “Pyrshah ïa ka phang shathie ka Judah, bad pyrshah ïa ka phang shathie ki Jerahmil, bad pyrshah ïa ka phang shathie ki Ken.”

1 SAMUEL 27:10 ပူးပေါင်းရင်းမြစ်များ

JENESIS 27:24

Hynrei hamar ba un sa ai artat ha u ïa ka jingkyrkhu jong u, u la kylli biang, “Phi dei shisha u Iso?” U ruh u jubab, “Nga dei!”

2 SAMUEL 17:20

Haba ki rangbah synshar jong u Absalom ki la wan sha kata ka ïing bad kylli ïa kata ka briew, “Shaei u Ahimaas bad u Jonathan?” “Ki la jam ïa ka wah,” ka la jubab. Ki rangbah ki la wad ïa ki hynrei kim lap ïa ki, bad kumta ki la leit phai noh sha Jerusalem.

1 KHRONIKL 2:25

U Jerahmeel, u khun nyngkong jong u Hesron, u don san ngut ki khun shynrang: u Ram uba nyngkong, u Bunah, u Oren, u Osem, bad u Ahijah.

1 KHRONIKL 2:9

U Hesron u don lai ngut ki khun shynrang: u Jerahmeel, u Ram, bad u Kaleb.

SALM 119:163

Nga isih bad ijli ïa ki jinglamler baroh; hynrei nga ieit ïa ka aiñ jong me.

SALM 119:29

Sumar ïa nga na kaba leit ha ka lynti kaba bakla, bad ha ka jingbha jong me to hikai ïa nga ïa ka aiñ jong me.

PROBERB 29:25

Ka long kaba ma ban sngewkhia ïa kaei kaba kiwei ki pyrkhat shaphang jong phi, hynrei lada phi shaniah ha U Trai, phi long shngain.

JINGKHEIÑ 24:21

Ha ka jingïohipaw jong u, u ïohi ïa ki Ken, bad u la kren ïa kane ka jingïathuhlypa: “Ka jaka kaba phi shong ka long kaba skhem, Kaba shngain kum ka skum ba la shna shajrong halor ka synrang;

EPHESOS 4:25

Nangta, ym don shuh ka jinglamler! Uwei pa uwei u dei ban kren ïa ka jingshisha ha la u parabangeit, namar baroh ngi long ki dkhot ba ïalong lang ha ka met U Khrist.

NONGBISHAR 1:16

Ki khun ki ksiew jong u kthaw kurim u Moses, na ka jait Ken, ki la leit ryngkat bad u paid Judah na Jerikho, ka nongbah ki dieng Tlai, sha ka ri shrah ha ka phang bashathie jong ka Arad ha Judah. Ki shongduh hangta hapdeng ki Amalek.

NONGBISHAR 4:11

Ha kajuh ka por, u Heber u jait Ken u pynïeng la ka dara marjan ïa ka Kedesh hajan u dieng Sning ha Saanannim. U la kynriah noh na kiwei pat ki jait Ken, ki khun ki ksiew jong u Hobab, u kynum jong u Moses.

NONGBISHAR 5:24

Kaba donbok tam na ki kynthei ka dei ka Jael, Ka tnga jong u Heber u jait Ken; Kaba donbok tam na ki kynthei kiba shong ha ki dara.

1 SAMUEL 15:6

U la phah ka jingmaham sha ki Ken, ki briew kiba ki kpa tymmen jong ki, ki la lehsbun ïa ki Israel mynba ki wan na Ijipt: “Khie leit bad iehnoh ïa ki Amalek, ba kumta ngan ym pynïap ïa phi lem bad ki.” Kumta ki Ken ki mihnoh.

1 SAMUEL 21:2

U Dabid u jubab, “Nga wan hangne na ka bynta ka kam u syiem. U ong ïa nga ban ym don mano mano ban tip ïa kaei kaba u la phah ïa nga ban leh. Shaphang ki briew jong nga pat, nga la ïapynbeit ba kin ïakynduh ïa nga ha kawei ka jaka.

1 SAMUEL 23:27

Hamar kata ka por u nonglamktien u wan poi bad u ong ha u Saul, “Wan phai noh shisyndon! Ki Philistia ki la wan hiarthma ïa ka ri!”

1 SAMUEL 27:11

U Dabid u ju pynïap lut, shynrang bad kynthei, khnang ba yn ym don uba leit rah khubor sha Gath bad ïathuh aïu ma u bad ki briew jong u ki la leh. Kane ka long kaba u Dabid u la ju leh katba u dang sah ha ri Philistia.

1 SAMUEL 29:8

U Dabid u jubab, “Nga la leh bakla aïu eh keiñ, kynrad? Lada, kumba phi ong, ba phim shym la shem jingbakla ha nga naduh ka sngi ba nga sdang ban shakri ïa phi, balei ba ngam dei ban leit bad phi, u kynrad bad u syiem jong nga bad ïaleh pyrshah ïa ki nongshun jong phi?”

1 SAMUEL 30:29

bad Rakal; sha ki kur u Jerahmeel, sha ki Ken,