1 SAMUEL 26:9 - Khasi CL Bible (BSI)

⁹ Hynrei u Dabid u ong, “Phim dei ban pynmynsaw ïa u. U Trai un pynshitom shisha ïa uta uba pynmynsaw ïa u syiem ba la jied jong u.

KA BAIBL

⁹ Te u Dabid u la ong ïa u Abishai, “Wat pynjot ïa u: naba uei ba lah ban rah ïa la ka kti pyrshah ïa uba la sleh jong U Trai khlem kit pop?”

1 SAMUEL 26:9 ပူးပေါင်းရင်းမြစ်များ

2 SAMUEL 1:14

U Dabid u kylli ïa u, “Kumno keiñ me nud ban pynïap ïa u syiem ba la jied da U Trai?”

2 SAMUEL 1:16

bad u Dabid u ong ha uta u nong Amalek, “Me la wallam ïa kane halor lade. Me la pynrem ïa lade haba me phla ba me la pynïap ïa uta uba U Trai u la jied ban long syiem.”

2 SAMUEL 19:22

Hynrei u Dabid u ong ïa u Abishai bad ïa u Joab, u para jong u, “Mano ba pan ïa ka jingmut na phi? Hato phi thmu ban pynwit ïa nga? Mynta, nga dei ma nga u Syiem jong ka Israel bad ha kane ka sngi yn ym pynïap ïa uno uno ruh u Israel.”

SALM 105:15

“Wat pynmynsaw ïa ki shakri ba la jied jong nga; wat ktah ïa ki nongïathuhlypa jong nga.”

SALM 17:4

Ngam kren sniew kumba kiwei pat ki leh; nga la kohnguh ïa ka hukum jong me, bad ngam shym bud ïa ki lynti ka jingleh jubor.

SALM 57:1

To leh-isynei ïa nga, A Blei, to leh-isynei, namar nga wan sha me ban ïoh jingshngain. Ha ka syrngiew jong ki thapniang jong me nga shem ka jingïada haduh ba ki 'erïong bajur ki kut noh.

1 SAMUEL 10:1

Nangta u Samuel u shim shi klong ka umphniang Olib bad u theh ïa ka ha ka khlieh u Saul, u doh ïa u, bad u ong, “U Trai u la pynsleh ïa me kum u nongsynshar ki briew jong u, ki Israel. Men synshar ïa ki briew jong u bad men ïada ïa ki na ki nongshun jong ki. Bad kane kan long ka jingpynshisha ïa me ba U Trai u la pynsleh ïa me ban long u nongsynshar ïa ki briew jong u:

1 SAMUEL 12:3

Hangne nga don. Lada nga la leh ïa kano kano kaba bakla, sakhi pyrshah ïa nga ha khmat U Trai bad ha khmat u syiem uba u la pynsleh. Hato nga la shim ïa ka masi ne ka kada jongno jongno? Hato nga la shukor ne banbeiñ ïano ïano? Hato nga la bamsap nano nano? Lada nga la leh ïa kine kiei kiei ngan pynphai noh ïa kata kaba nga la shim.”

1 SAMUEL 26:8

U Abishai u ong ha u Dabid, “Ha kane ka miet, U Blei u la aiti ïa u nongshun jong phi ha ka bor jong phi. Mynta shah ngan tynrah tang shisien tynrah da une u sum jong u hi haduh khyndew; ngam donkam ban da tynrah ïa u ar sien!”