1 SAMUEL 26:8 - Khasi CL Bible (BSI)

⁸ U Abishai u ong ha u Dabid, “Ha kane ka miet, U Blei u la aiti ïa u nongshun jong phi ha ka bor jong phi. Mynta shah ngan tynrah tang shisien tynrah da une u sum jong u hi haduh khyndew; ngam donkam ban da tynrah ïa u ar sien!”

KA BAIBL

⁸ Ynda kumta, u Abishai u la ong ha u Dabid, “U Blei ha kane ka sngi u la aiti ïa u nongshun jong me ha ka kti jong me: mynta te namar kata, to shah ïa nga, nga kyrpad ïa me, ba ngan sum syndon ïa u da une u sum haduh khyndew, te ngan ym sum ar sien ïa u.”

1 SAMUEL 26:8 ပူးပေါင်းရင်းမြစ်များ

2 SAMUEL 16:9

U Abishai, uba ka kmie jong u, ka Seruïah, u ong ha u syiem, “Ko Syiem Kynrad, balei phi shah ïa une u ksew ban tim ïa phi? Shah ngan leit hangtai bad khrai ïa ka khlieh jong u!”

SALM 31:8

Mem shym la shah ïa ki nongshun jong nga ban knieh ïa nga; me la ai laitluid ïa nga ban leit kat shaba nga mon.

JEREMAÏAH 40:15

Te u Johanan u la ong ha kaba rieh ha u, “Ai ba ngan leit ban pynïap ïa u Ishmael, bad yn ym don batip mano ba la leh ïa kata. Balei ba yn shah ïa u ban pynïap ïa phi? Kata kan pynlong ïa ki Jiw baroh kiba ïalum sawdong jong phi ban shah pynsakma, bad kan wallam ïa ka jingjot ha baroh ki briew ïa kiba la pynsah ha Judah.”

NAHUM 1:9

Aïu phi ïasylla pyrshah ïa U Trai? un pynjot ïa phi. Ym don mano mano uba ïeng ïaleh pyrshah ïa u palat ïa ka shisien.

Ka Shithi U Paul Sha Ki Nong Rom 11:32

Naba U Blei u la pynlong ïa baroh ki briew, ki koidi jong ka jingbymkohnguh, khnang ba un lah ban pyn-i ïa ka jingisynei ïa ki baroh.

DEUTERONOMI 32:30

Balei ba shihajar kin shahjop tang ha uwei, bad shiphew hajar pat tang ha ki ar ngut? U Trai U Blei jong ki u la iehnoh ïa ki, bad U Blei badonbor jong ki u la kyntait noh ïa ki?

JOSHUA 21:44

U Trai u la ai ha ki ka jingshongsuk ha kata ka ri baroh kawei, kumba u la kular ïa ki kpa tymmen jong ki. Ym don uwei ruh na ki nongshun jong ki baroh uba lah ban ïeng pyrshah ïa ki, namar U Trai u la ai ha ki Israel ka jingjop ïa ki nongshun jong ki baroh.

NONGBISHAR 1:4

bad Judah ki la leit ryngkat sha ka thma. U Trai u la ai ha ki ka jingjop halor ki Kanaan bad ki Peris, bad ki la jop ïa ki shiphew hajar ngut ki rangbah ha Besek.

1 SAMUEL 23:14

U Dabid u sah ha ka jakarieh ha ri lum kaba ha ka ri khlaw hajan ka Siph. U Saul u ïai pyrshang ban shem ïa u, hynrei U Blei um shym la aiti ïa u Dabid ha u.

1 SAMUEL 24:4

Ki ong ha u, “Kane ka dei ka kabu jong phi! U Trai u la ïathuh ïa phi ba un buh ïa u nongshun ha ka bor jong phi bad phi lah ban leh ïa u kat kaba phi kwah.” U Dabid u par sor sor bad u ot shi lyngkhot na ka jaiñkup u Saul khlem ka jingtip u Saul.

1 SAMUEL 24:5

Hynrei ka jingïatiplem jong u Dabid ka sdang ban pynjynjar ïa u,

1 SAMUEL 26:23

U Trai un ainong ïa kito baroh kiba hok bad ïaineh. Ha kane ka sngi u la aiti ïa phi ha ka bor jong nga, hynrei ngam shym la pynmynsaw ïa phi, uta ïa uba U Trai u la pynlong syiem.

1 SAMUEL 26:7

Kumta ynda la miet u Dabid bad u Abishai ki leit rung shapoh ka jaka shong dara u Saul bad ki shem ïa u Saul ba u dang ïohthiah hapdeng kata ka jaka shong dara, bad hajan ka khlieh jong u la sieh ïa u sum jong u ha khyndew; u Abner bad ka kynhun shipai ki dang ïohthiah lut sawdong jong u.

1 SAMUEL 26:9

Hynrei u Dabid u ong, “Phim dei ban pynmynsaw ïa u. U Trai un pynshitom shisha ïa uta uba pynmynsaw ïa u syiem ba la jied jong u.