1 SAMUEL 26:20 - Khasi CL Bible (BSI)

²⁰ Wai ai ba ngan shah pynïap ha ka ri nongwei, jngai na U Trai. Balei u syiem Israel un wan ban pynïap ïa u thyllah kum ïa nga? Balei un beh ïa nga kumba beh ïa ka sim khlaw?”

KA BAIBL

²⁰ Te namar kata, wat ai ïa ka snam jong nga ba kan hap ha ka khyndew shawei shawei na khmat U Trai: naba u syiem ki Israel u la wan mih noh ïa ka ban wad ïa u thyllah, kumba uwei u beh ïa ka 'iar khlaw ha ki lum.”

1 SAMUEL 26:20 ပူးပေါင်းရင်းမြစ်များ

JEREMAÏAH 16:16

U Trai u ong, “Nga phah khot ïa shibun ki nongtong dohkha ban wan bad kem ïa kine ki briew. Nangta ngan phah khot ïa shibun ki nongbeh mrad ban thwet pynïap ïa ki halor uwei pa uwei u lumbah bad u lumrit bad hapoh ki krem hapdeng ki mawsiang.

SNGEWSYNEI 3:52

“Nga la shah riam kum ka sim ha ki nongshun ki bym don daw ban isih ïa nga.

MATHAÏOS 26:47

U Jisu u dang kren haba u Judas, uwei na ki khat-ar ngut ki synran, u la wan poi. Ryngkat bad u, la don u paidbah babun uba la kieng atiar da ki waitlam bad ki dieng tangon, ïa kiba la phah da ki rangbah lyngdoh bad ki tymmen ki san.

MATHAÏOS 26:55

Nangta U Jisu u la kren ha u paidbah, “Hato phi donkam ban wan bad ki waitlam bad ki dieng tangon ban kem ïa nga, la kumba nga dei u riewsniew? Man la ka sngi nga la shong bad hikai hapoh ka Templ, bad phim shym la kem ïa nga.

1 SAMUEL 2:9

“U ïada ïa ka jingim jong kito kiba shaniah ha u, hynrei kiba bymman kin shu jah lngaid ha ka jingdum; u briew u jop ym da ka bor la jong.

1 SAMUEL 24:11

Ha khmih, ko pa jong nga, khmih ïa ka lyngkhot ka jaiñkup jong phi kaba nga bat! Ngan jin da la pynïap ïa phi, hynrei pynban nga shu ot noh tang ïa kane. Kane ka dei ban pynthikna ïa phi ba ngam don jingmut ei ei ban ïaleh pyrshah ne pynmynsaw ïa phi. Phi la beh mrad ïa nga ban pynïap ïa nga, wat la ngam shym leh kano kano kaba bakla ïa phi.

1 SAMUEL 24:14

Ha khmih ïa kaei u syiem Israel u pyrshang ban pynïap? Ha khmih ïano u beh kthong! Ïa u ksew ïap, ïa u thyllah!

1 SAMUEL 24:15

U Trai un bishar bad un rai mano ba bakla napdeng jong ngi. To un khmih ïa kane ka kam, un ïada ïa nga, bad un pyllait im ïa nga na phi.”

1 SAMUEL 25:29

Lada uno uno un ktah kti ïa phi bad pyrshang ban pynïap ïa phi, U Trai U Blei jong phi un ri sumar ïa phi, kumba uno uno u ap phira ïa ka jingkynshew kaba kordor. Katba ïa ki nongshun jong phi, un bret ïa ki sharud, kumba uno uno u kawang maw da ka jingshat maw.