1 SAMUEL 26:10 - Khasi CL Bible (BSI)

¹⁰ Da U Trai uba im,” u Dabid u bteng biang, “nga tip ba U Trai hi un shoh ïap ïa u, lane un ïap hi ynda poi ka por ba un ïap, lane haba un ïap ha ka thma.

KA BAIBL

¹⁰ U Dabid u la ong ruh, “Katba im U Trai, U Trai hi un shoh ïap ïa u; lane kan poi hi ka sngi jong u ïa ka ban ïap; lane un hiar thma, bad un ïap.

1 SAMUEL 26:10 ပူးပေါင်းရင်းမြစ်များ

JENESIS 47:29

Shuwa ba u Jakob un ïap, u khot ïa u Joseph u khun jong u, bad u ong ha u, “Buh ïa la ka kti hapdeng ki lbong jong nga, bad kular da shisha ba phin ym tep ïa nga ha Ijipt.

Ka Kitab U Job 14:14

Lada u briew u ïap noh, hato u lah mo ban im pat? Hynrei ngan ap ïa ki aïom kiba kham bha, ban ap haduh ka por jong ka jingjynjar kan wai noh.

Ka Kitab U Job 14:5

Ka jingjrong ka rta ka jingim jong ngi la rai lypa — Ka jingkheiñ ki bnai ba ngin im. Lah dep buh ïa u pud, bad ym lah ban pynkylla.

Ka Kitab U Job 7:1

Ka jingim briew ka long kum ka jingshakri u shipai ba shu pynbor, kum ka jingim u nongbylla sngi uba hap ban trei shitom,

SALM 37:10

Shen shen ki bymman kin sa jah noh; phi lah ban ïohi ïa ki, hynrei phin ym lap ïa ki.

SALM 37:13

hynrei U Trai u rkhiebeiñ ïa ki bymman, namar u tip ba shen kin sa shah pynjot.

SALM 94:23

Un pynshitom ïa ki namar ki kam bymman jong ki bad un pynjot ïa ki namar ki pop jong ki; U Trai U Blei jong ngi un pynjot ïa ki.

EKLESIASTIS 3:2

U buh ka por ban kha bad ka por ban ïap, ka por ban thung bad ka por ban rat noh,

LOUKAS 18:7

Mynta, hato U Blei un ym bishar ha ka liang jong ki briew jong u kiba kyang sha u mynsngi bad mynmiet ban ïoh jingïarap? Hato un long uba suki ban ïarap ïa ki?

Ka Shithi U Paul Sha Ki Nong Rom 12:19

Wat ju pynhiarkput, ko ki paralok jong nga, hynrei pynban, to ai ba ka jingbitar jong U Blei kan leh ïa kata. Namar ka Jingthoh Bakhuid ka ong, “Ngan pynhiarkput, ngan siew kylliang, ong U Trai.”

DEUTERONOMI 31:14

Nangta U Trai u ong ha u Moses, “Me te, men ym im slem shuh. Khot ïa u Joshua bad wan ïalam ïa u sha ka Ïingjaiñ khnang ba ngan ai hukum ïa u.”

DEUTERONOMI 32:35

U Trai un pynhiarkput bad pynshitom ïa ki; ka por kan poi haba kin kyllon; ka sngi ka jingjot jong ki ka la jan.

HEBRU 10:30

Namar ngi tip uei uta uba la ong, “Ngan sa pynhiarkput, ngan siew kylliang;” bad uba la ong ruh, “U Trai un bishar ïa la ki briew.”

HEBRU 9:27

Uwei pa uwei u dei ban ïap tang shisien, bad hadien kata yn bishar da U Blei.

JINGPYNPAW 18:8

Namar kane, ha ka shi sngi yn sa shoh ïa ka da ki khlam — ka jingpang, ka jingsngewsih bad ka 'nemsniew. Bad yn thang ïa ka da ka ding, namar ba U Trai uba U Blei, uba bishar ïa ka, u long uba khlaiñbor.”

1 SAMUEL 24:12

To U Trai un bishar mano ba bakla napdeng jong ngi! To un pynshitom ïa phi namar ka jingleh jong phi pyrshah ïa nga, naba ngan ym pynmynsaw ïa phi da lei lei ruh.

1 SAMUEL 24:15

U Trai un bishar bad un rai mano ba bakla napdeng jong ngi. To un khmih ïa kane ka kam, un ïada ïa nga, bad un pyllait im ïa nga na phi.”

1 SAMUEL 25:26

U dei U Trai uba la khang ïa phi ban pynhiarkput bad pynïap ïa ki nongshun jong phi. Bad mynta nga smai ha phi da U Trai uba im ba ki nongshun jong phi bad baroh kiba kwah ban pynmynsaw ïa phi kin shah pynshitom kum u Nabal.

1 SAMUEL 25:38

Kumba hadien shiphew sngi, U Trai u shoh ïa u Nabal bad u la ïap.

1 SAMUEL 25:39

Haba u Dabid u ïohsngew ba u Nabal u la ïap, u ong, “Ïaroh ïa U Trai! U la pynhiarkput ïa u Nabal namar ba u la ñiewbeiñ ïa nga, bad ba u la khang ïa nga u shakri jong u na kaba leh bakla. U Trai u la pynshitom ïa u Nabal namar ka jingbymman jong u.” Nangta u Dabid u phah ka jingtyrwa sha ka Abigail ban ïakyntiew kurim.

1 SAMUEL 31:4

U ong ha u samla uba rah atiar jong u, “Sei ïa la ka waitlam bad dung ïap ïa nga, kumta ba kine ki Philistia bymriewblei kin ym ïoh dung bad pynïap ïa nga.” Hynrei uta u samla u la sheptieng eh ban leh ïa kata. Kumta u Saul u shim ïa la ka waitlam bad u rynsied ïa lade ha ka.

1 SAMUEL 31:6

Bad da kumta u Saul, ki khun shynrang jong u lai ngut, bad uta u samla, ki la ïap; baroh ki briew jong u Saul ki ïap ryngkat ha kajuh ka sngi.