1 SAMUEL 25:39 - Khasi CL Bible (BSI)

³⁹ Haba u Dabid u ïohsngew ba u Nabal u la ïap, u ong, “Ïaroh ïa U Trai! U la pynhiarkput ïa u Nabal namar ba u la ñiewbeiñ ïa nga, bad ba u la khang ïa nga u shakri jong u na kaba leh bakla. U Trai u la pynshitom ïa u Nabal namar ka jingbymman jong u.” Nangta u Dabid u phah ka jingtyrwa sha ka Abigail ban ïakyntiew kurim.

KA BAIBL

³⁹ Te haba u Dabid u la ïohsngew ba la ïap u Nabal, u la ong, “Long ba la kyrkhu U Trai, uba la ïasaid ïa ka daw ka jingjahburom jong nga na ka kti u Nabal, bad uba la khang ïa la u shakri na kaba leh sniew: naba U Trai u la pynphai ïa ka jinglehsniew u Nabal halor ka khlieh jong u hi.” Bad u Dabid u la phah ïakren bad ka Abigail, ïa ka ban shim kurim ïa ka.

1 SAMUEL 25:39 ပူးပေါင်းရင်းမြစ်များ

2 SAMUEL 1:16

bad u Dabid u ong ha uta u nong Amalek, “Me la wallam ïa kane halor lade. Me la pynrem ïa lade haba me phla ba me la pynïap ïa uta uba U Trai u la jied ban long syiem.”

1 SYIEM 2:44

Me tip biang biang ïa ka jingleh bakla baroh kaba me la leh ïa u Dabid u kpa jong nga. U Trai un pynshitom ïa me namar kata.

ESTHER 7:10

Kumta ïa u Haman la sdien ha ka diengphasi kaba u la shna na ka bynta u Mordekai. Nangta ka jingbitar u syiem ka la long jai jai.

ESTHER 9:25

Hynrei ka Esther ka la leit sha u syiem bad u syiem u la pynmih ki hukum da ka jingthoh, kaba ka jingmih ka long ba u Haman u la shah ïa ka kupar kaba u la thmu na ka bynta ki Jiw — ma u bad ki khun shynrang jong u ki la shah sdien ha u diengphasi.

SALM 7:16

Kumta ïa ki la pynshitom da ki kam sniew jong ki hi bad ki mynsaw na ka jingleh jubor jong ki hi.

SALM 9:5

Me la pynrem ïa ki bymngeit blei, bad me la pynjot ïa ki bymman; yn ym kynmaw shuh ïa ki.

PROBERB 18:22

Haba shem ïa ka tnga, phi shem ïa kaei kaba bha; ka pynpaw ba U Trai u lehbha ïa phi.

PROBERB 19:14

U briew u lah ban ïohpateng ïa ka ïing bad ka spah na la ki kmie ki kpa, hynrei tang U Trai uba lah ban ai ha u ïa ka tnga kaba shemphang.

PROBERB 22:23

U Trai un ïasaid ïa ka kam jong ki na ka bynta jong ki, bad un byrngem ïa ka jingim jong uno uno uba byrngem ïa ki.

PROBERB 31:10

A katno ka long kaba eh ban shem ïa ka tnga kaba lah! ka dor jong ka, ka kham kor shibun ban ïa ki mawkordor.

PROBERB 31:30

Ka jingbhabriew ka long ka jingshukor bad ka jingitynnat ka jah noh, hynrei ka kynthei kaba tiengburom ïa U Trai ka dei ban ïoh ïaroh.

JINGRWAI SOLOMON 8:8

Ngi don ka para kaba dang khynnah, bad ka shadem jong ka, ka dang rit. Kaei kaba ngin leh ïa ka haba u samla shynrang u wan ïaluh samla?

MIKAH 7:9

Ngi la leh pop pyrshah ïa U Trai, te mynta ngi dei ban ïaishah ïa ka jingbitar jong u shipor. Hynrei ha kaba kut un ïada ïa ngi bad un pynbeit ïa ka bymdei kaba la leh ha ngi. Un wallam ïa ngi shabar sha ka jingshai; ngin im ban ïohi ba u pyllait im ïa ngi.

2 KORINTH 13:7

Ngi duwai ha U Blei ba phin ym leh ïa ka bymdei — ym ban pynpaw ba ngi long kiba la jop, te hynrei ba phin ïoh leh ïa kaba dei, wat la ka i kumba ngi long kiba la shahjop.

1 THESSALONI 5:23

To U Blei uba ai ha ngi ka jingsuk un pynlong ïa phi kiba khuid ha ki liang baroh bad un sumar ïa ka longrynïeng jong phi — ka mynsiem, ka jingim, bad ka met — kaba lait na kano kano ka jingbakla ha ka jingwan jong U Jisu Khrist uba U Trai jong ngi.

2 TIMOTHI 4:18

Bad U Trai un pyllait im ïa nga na ka jingmynsaw baroh bad un ri pynim bad ïalam ïa nga sha ka hima jong u ha bneng.

NONGBISHAR 5:2

Ïaroh ïa U Trai! Ki Israel ki la kut jingmut ban ïaleh; U paidbah da kaba kmen u tyrwa mon sngewbha.

1 SAMUEL 24:15

U Trai un bishar bad un rai mano ba bakla napdeng jong ngi. To un khmih ïa kane ka kam, un ïada ïa nga, bad un pyllait im ïa nga na phi.”

1 SAMUEL 25:26

U dei U Trai uba la khang ïa phi ban pynhiarkput bad pynïap ïa ki nongshun jong phi. Bad mynta nga smai ha phi da U Trai uba im ba ki nongshun jong phi bad baroh kiba kwah ban pynmynsaw ïa phi kin shah pynshitom kum u Nabal.

1 SAMUEL 25:32

U Dabid u ong ha ka, “Ïaroh ïa U Trai, U Blei ki Israel, uba la phah ïa phi ha kane ka sngi ban ïashem bad nga!

1 SAMUEL 25:34

U Trai u la khang ïa nga na kaba pynmynsaw ïa phi. Hynrei nga smai da U Blei uba im jong ki Israel ba lymda phi la pynkloi ban ïashem bad nga, baroh ki briew jong u Nabal kin jin da la ïap lut kat ban da mih ka step!”

1 SAMUEL 25:40

Ki shakri jong u ki la leit sha ka ha Karmel bad ki ong ha ka, “U Dabid u la phah ïa ngi ban shim ïa phi sha u ban long ka tnga jong u.”

1 SAMUEL 26:10

Da U Trai uba im,” u Dabid u bteng biang, “nga tip ba U Trai hi un shoh ïap ïa u, lane un ïap hi ynda poi ka por ba un ïap, lane haba un ïap ha ka thma.