1 SAMUEL 25:26 - Khasi CL Bible (BSI)

²⁶ U dei U Trai uba la khang ïa phi ban pynhiarkput bad pynïap ïa ki nongshun jong phi. Bad mynta nga smai ha phi da U Trai uba im ba ki nongshun jong phi bad baroh kiba kwah ban pynmynsaw ïa phi kin shah pynshitom kum u Nabal.

KA BAIBL

²⁶ Mynta te, ko kynrad jong nga, katba im U Trai, bad katba im ka mynsiem jong me, namar ba U Trai u la khang ïa me ban ym pynmih snam, bad ban ym pynhiar kput da la ka jong ka kti, to ai te ïa ki nongshun jong me, bad kita kiba thew ïa ka basniew ïa u kynrad jong nga, ba kin long kum une u Nabal.

1 SAMUEL 25:26 ပူးပေါင်းရင်းမြစ်များ

JENESIS 20:6

U Blei u jubab ïa u ha kata ka jingphohsniew, “Ho-oid, nga tip ba me la leh ïa kane da ka jingïatiplem kaba sngur; kumta nga la khang ïa me ban leh pop pyrshah ïa nga, bad ngam shym la shah ïa me ban ktah ïa ka.

2 SAMUEL 18:32

“Hato u samla Absalom u dang im?” u syiem u kylli. U mraw u jubab, “Ko Kynrad, nga sngew ba kaei kaba la jia ha u kan jin da la jia ha baroh ki nongshun jong ngi, bad ha baroh kiba ïaleh pyrshah ïa phi.”

2 SYIEM 2:2

bad ha lynti u Elijah u ong ïa u Elisha, “Mynta ap hangne; U Trai u la hukum ïa nga ban leit sha Bethel.” Hynrei u Elisha u jubab, “Nga smai da ka jingïaineh skhem jong nga ha U Trai uba im bad ha phi ba ngan ym iehnoh ïa phi.” Kumta ki la leit sha Bethel.

2 SYIEM 4:6

Haba ki la pyndap ïa kita ki khra baroh, ka la kylli la dang don shuh ne em. “Uto u dei uba khatduh,” uwei na ki khun shynrang jong ka u jubab. Bad ka umphniang Olib ka la sangeh ban tuid.

SALM 44:3

Ki briew jong me kim shym la jop ïa ka ri da ki waitlam jong ki; kim shym la jop ïa ka da ka bor jong ki hi; ka la long da ka bor jong me bad ka jingkhlaiñ jong me, da ka jingthikna jong ka jingdon ryngkat jong me, kaba pyn-i ba me ieit ïa ki.

PROBERB 31:12

Katba ka dang im, ka trei ban pynbha bad ym ban pynsniew ïa u.

JEREMAÏAH 29:22

Haba ki briew kiba la shah rah noh kum ki koidi na Jerusalem sha Babilonia ki kwah ban wallam ka jingtim hano hano, kin ong, ‘To U Trai un ñiew ïa phi kum u Sedekaïah bad u Ahab, kiba u syiem ka Babilonia u la syang im!’

DANIEL 4:19

Ha kane, u Daniel, ïa uba la khot ruh u Belteshassar, u la sngewsheptieng katta katta ba um lah ban ong ei ei. U syiem u la ong ha u, “Ko Belteshassar, wat ai ba ka jingphohsniew bad ka khubor jong ka kin pynsheptieng ïa me.” U Belteshassar u la phai ktien, “Ko Syiem Kynrad, nga kwah ba ka jingphohsniew bad ka jingbatai ïa ka kan dei ïa ki nongshun jong phi bad ym ïa phi.

HEBRU 10:30

Namar ngi tip uei uta uba la ong, “Ngan sa pynhiarkput, ngan siew kylliang;” bad uba la ong ruh, “U Trai un bishar ïa la ki briew.”

1 SAMUEL 1:26

Ka Hannah ka ong ha u, “Ko kynrad! Phi dang kynmaw mo ïa nga? Nga dei kato ka briew kaba phi ïohi kaba ïeng hangne kaba duwai ha U Trai.

1 SAMUEL 2:9

“U ïada ïa ka jingim jong kito kiba shaniah ha u, hynrei kiba bymman kin shu jah lngaid ha ka jingdum; u briew u jop ym da ka bor la jong.

1 SAMUEL 20:16

ai ba kata ka jingkular markylliang jong ngi kan ym dkut noh. Lada pynkheiñ ïa ka, U Trai un pynshitom ïa phi.”

1 SAMUEL 20:3

Hynrei u Dabid u jubab, “I pa jong phi i tip bha katno ba phi sngewieit ïa nga, bad i la rai ba phin ym tip ïa kaei ba i thmu ban leh, namar ba phin sa sngewkthang eh. Nga smai ha phi da U Trai uba im ba nga don sa tang shisien jam na ka jingïap!”

1 SAMUEL 22:3

U Dabid u leit noh na kata ka jaka sha Mispah ha Moab bad u ong ha u syiem Moab, “Sngewbha shah ïa i pa bad i mei jong nga ban wan bad sah bad phi haduh ba ngan da tip aïu U Blei un leh na ka bynta jong nga.”

1 SAMUEL 25:25

Sngewbha, wat pynleit jingmut ei ei ïa u Nabal, uto u bym long ei ei! U dei hi thik kumba ka kyrteng jong u ka mut — u bieit! Kynrad, ngam shym don hangta haba ki shakri jong phi ki wan poi.

1 SAMUEL 25:39

Haba u Dabid u ïohsngew ba u Nabal u la ïap, u ong, “Ïaroh ïa U Trai! U la pynhiarkput ïa u Nabal namar ba u la ñiewbeiñ ïa nga, bad ba u la khang ïa nga u shakri jong u na kaba leh bakla. U Trai u la pynshitom ïa u Nabal namar ka jingbymman jong u.” Nangta u Dabid u phah ka jingtyrwa sha ka Abigail ban ïakyntiew kurim.

1 SAMUEL 26:10

Da U Trai uba im,” u Dabid u bteng biang, “nga tip ba U Trai hi un shoh ïap ïa u, lane un ïap hi ynda poi ka por ba un ïap, lane haba un ïap ha ka thma.