1 SAMUEL 25:23 - Khasi CL Bible (BSI)

²³ Haba ka Abigail ka ïohi ïa u Dabid, ka la hiar kloi kloi bad ka dem khrup ha khyndew

KA BAIBL

²³ Te haba ka Abigail ka la ïohi ïa u Dabid, ka la pynkloi bad ka la hiar na kata ka kadda, bad ka la hap dem la ka khmat ha khmat u Dabid, bad ka la dem ngon haduh khyndew.

1 SAMUEL 25:23 ပူးပေါင်းရင်းမြစ်များ

2 SAMUEL 1:2

Ha ka sngi kaba bud, uwei u samla u la wan poi na ka jaka sher dara jong u Saul. Ban pynpaw ïa la ka jingsngewsih, u la kad ïa la ki jaiñ bad sleh ïa la ka khlieh da ka khyndew. U leit sha u Dabid bad u dem ngon da kaba burom haduh khyndew.

2 SAMUEL 14:4

Kata ka briew ka leit sha u syiem, ka dem ngon haduh khyndew ha ka jingñiewburom bad ka ong, “Ïarap ïa nga, ko Syiem Kynrad!”

2 SAMUEL 18:28

U Ahimaas u pyrta khublei ïa u syiem, u rynsied ïa lade ha madan ha khmat jong u, bad ong, “Ïaroh ïa U Trai U Blei jong phi, uba la ai ha phi ka jingjop halor ki rangbah kiba la ïaleh pyrshah ïa u Syiem Kynrad!”

2 SAMUEL 9:6

Haba u Mephibosheth, u khun jong u Jonathan bad u ksiew jong u Saul, u wan poi, u la dem ngon ha khmat u Dabid da ka jingburom. U Dabid u ong, “Mephibosheth!” bad u jubab, “Nga hangne, ko Kynrad.”

1 KHRONIKL 21:21

U Araunah mar ïa-ïohi ba u Syiem Dabid u wan, u la iehnoh ïa ka jaka shoh kew bad u dem rit, bad la ka khlieh kaba kynduh ha madan.

JOSHUA 15:18

Ha ka sngi kyntiew kurim, u Othniel u kyntu ïa ka ban pan lyngkha na u kpa jong ka. Ka la hiar na ka kada ba ka shong, bad u Kaleb u kylli aïu ba ka kwah.

NONGBISHAR 1:14

Ha ka sngi kyntiew kurim, u Othniel u kyntu ïa ka, ban pan lyngkha na u kpa jong ka. Ka la hiar na ka kada jong ka, bad u Kaleb u kylli ïa ka aïu ka kwah.

RUTH 2:10

Ka Ruth ka nguh ngon haduh khyndew, bad ka ong ha u Boas, “Balei phi da pyrkhat ïa nga haduh katta katta? Balei phi da lehsbun haduh katta katta ïa ka nongwei?”

1 SAMUEL 20:41

Hadien ba uta u khynnah u la leit, u Dabid u ïeng nadien kata ka kynton maw, bad u dem khohsiew bad u nguh lai sien. Baroh ar ngut, ma u bad u Jonathan ki ïa-ïam katba ki dang ïadoh markylliang; ka jingsngewsih u Dabid ka kham jur ban ïa ka jong u Jonathan.

1 SAMUEL 24:8

Nangta u Dabid ruh u mih shabar hadien jong u bad u khot ïa u, “Syiem kynrad!” U Saul u phai dien, bad u Dabid u dem ngon sha khyndew ha ka jingburom

1 SAMUEL 25:24

ha ki kjat jong u Dabid, bad ka ong ha u, “Sngewbha, ko kynrad, to sngap ïa nga! Ai ngan kit pop ma nga.

1 SAMUEL 25:41

Ka Abigail ka dem ngon ha khyndew bad ka ong, “Nga long ka shakri jong u, kaba kloi ban sait ïa ki kjat jong ki shakri jong u.”