1 SAMUEL 24:19 - Khasi CL Bible (BSI)

¹⁹ Haduh katno sien ba u briew un kem ïa u nongshun jong u bad nangta un pyllait ïa u ban leit noh khlem mynsaw? U Trai un kyrkhu ïa phi ïa kaei kaba phi la leh ïa nga ha kane ka sngi!

KA BAIBL

¹⁹ Namar lada u briew un da shem ïa la u nongshun, un pyllait noh ïa u ha kaba suk? namar kata, to U Trai un ai ïa me da ka babha na ka bynta kata kaba me la leh ïa nga ha kane ka sngi.

1 SAMUEL 24:19 ပူးပေါင်းရင်းမြစ်များ

SALM 18:20

U Trai u ainong ïa nga namar nga leh ïa kaba dei; u kyrkhu ïa nga namar ba nga long uba lui lui.

NONGBISHAR 17:2

U ong ha la ka kmie, “Mynba don ba tuh ïa ki shi hajar shispah tylli ki sbai rupa na phi, phi buh ka jingtim halor uta u nongtuh. Nga la ïohsngew phi leh kumta. Khmih, nga don ka pisa. Dei ma nga uba shim ïa ki.” Ka kmie jong u ka ong, “To U Trai un kyrkhu ïa phi, ko khun jong nga!”

RUTH 2:12

To U Trai un ainong ïa phi namar kaei kaba phi la leh. Ai ba phin ïoh ka bainong kaba pura na U Trai U Blei ki Israel, sha uba phi la wan ban ïoh jingïada.”

1 SAMUEL 23:17

da kaba ong ha u, “Wat sheptieng. I pa jong nga in ym lah ban pynmynsaw ïa phi. I tip bha ba phi dei uta u ban sa long u syiem jong ki Israel bad ba ma nga, nga dei uba ar ha ka kyrdan.”

1 SAMUEL 23:21

U Saul u jubab, “To U Trai un kyrkhu ïa phi ba lehsbun ïa nga!

1 SAMUEL 26:23

U Trai un ainong ïa kito baroh kiba hok bad ïaineh. Ha kane ka sngi u la aiti ïa phi ha ka bor jong nga, hynrei ngam shym la pynmynsaw ïa phi, uta ïa uba U Trai u la pynlong syiem.

1 SAMUEL 26:25

Nangta u Saul u ong ha u Dabid, “U Blei un kyrkhu ïa phi, ko khun jong nga! Phin nang jop ha kiei kiei baroh kiba phi leh!” Kumta u Dabid u leit ha la ka lynti, bad u Saul u leit phai sha la ïing.