1 SAMUEL 24:18 - Khasi CL Bible (BSI)

¹⁸ Ha kane ka sngi phi la pyn-i haduh katno phi long uba bha ïa nga, naba phim shym la pynïap ïa nga, wat la U Trai u la buh ïa nga ha ka bor jong phi.

KA BAIBL

¹⁸ Bad ha kane ka sngi me la pyni ba me la leh ïa ka babha ïa nga: namar haba U Trai u la aiti ïa nga ha ka kti jong me, ma me pynban mem shym la pynïap ïa nga.

1 SAMUEL 24:18 ပူးပေါင်းရင်းမြစ်များ

JENESIS 38:26

U Judah u la ithuh ïa kita ki tiar, bad u ong, “Ka don ha ka hok. Ngam shym la pyndep ïa ka kamram ha ka — nga dei ban ai ha ka ïa u Shelah u khun jong nga ha ka jingshongkurim.” Bad u Judah um shym ïathiah shongkha shuh bad ka.

SALM 31:8

Mem shym la shah ïa ki nongshun jong nga ban knieh ïa nga; me la ai laitluid ïa nga ban leit kat shaba nga mon.

SALM 7:5

te ai ba ki nongshun jong nga kin beh kthong ïa nga bad kem ïa nga, ai ba kin ot ïa nga bad pynïap ïa nga bad ieh ïa nga uba khlem don jingim ha khyndew!

PROBERB 25:22

Phin pynlong ïa u ba la thang da ka jinglehrain bad U Trai un ainong ïa phi.

1 SAMUEL 23:12

“Bad hato ki nongshong shnong jong ka Keilah kin aiti ïa nga bad ïa ki rangbah jong nga ha u Saul?” u Dabid u kylli biang. “Kin ai,” U Trai u jubab.

1 SAMUEL 23:7

La ïathuh ha u Saul ba u Dabid u la leit sha Keilah, bad u ong, “U Blei u la buh ïa u ha ka bor jong nga. U Dabid u la pynngat ïa lade da kaba leit sha ka nongrit ba la ker kynroh bad ki khyrdop kiba skhem.”

1 SAMUEL 24:10

Phi lah ban shem da lade hi ba dang myntan hapoh ka krem U Trai u la buh ïa phi hapoh ka bor jong nga. Katto katne ki rangbah jong nga ki ong ïa nga ban pynïap ïa phi, hynrei nga sngewsynei ïa phi bad ong ba ngan ym pynmynsaw ïa phi, namar phi dei uta uba U Trai u la jied ban long syiem.

1 SAMUEL 24:19

Haduh katno sien ba u briew un kem ïa u nongshun jong u bad nangta un pyllait ïa u ban leit noh khlem mynsaw? U Trai un kyrkhu ïa phi ïa kaei kaba phi la leh ïa nga ha kane ka sngi!

1 SAMUEL 26:23

U Trai un ainong ïa kito baroh kiba hok bad ïaineh. Ha kane ka sngi u la aiti ïa phi ha ka bor jong nga, hynrei ngam shym la pynmynsaw ïa phi, uta ïa uba U Trai u la pynlong syiem.

1 SAMUEL 26:8

U Abishai u ong ha u Dabid, “Ha kane ka miet, U Blei u la aiti ïa u nongshun jong phi ha ka bor jong phi. Mynta shah ngan tynrah tang shisien tynrah da une u sum jong u hi haduh khyndew; ngam donkam ban da tynrah ïa u ar sien!”