1 SAMUEL 24:16 - Khasi CL Bible (BSI)

¹⁶ Haba u Dabid u la dep kren, u Saul u ong, “Hato dei ma phi shisha, ko Dabid u khun jong nga?” Bad u la sdang ban ïam.

KA BAIBL

¹⁶ Te haba u Dabid u la wai noh ban kren ïa kine ki ktien ha u Saul, u Saul u la ong, “Kane ka long ka jingsawa ktien jong me, ko Dabid u khun jong nga?” Bad u Saul u la pynjam ïa la ka ktien, bad u la ïam.

1 SAMUEL 24:16 ပူးပေါင်းရင်းမြစ်များ

JENESIS 16:5

Te ka Sarai ka ong ha u Abram, “Dei namar jong me ba ka Hagar ka ibeiñ ïa nga! Nga hi nga la ai ïa ka ha me, bad naduh ba ka tip ba ka la punkhun, ka ibeiñ ïa nga. Ai ba U Trai un bishar mano ba dei napdeng jong ngi, ma me lane ma nga!”

JENESIS 2:2

Ha ka sngi kaba hynñiew U Blei u la pyndep ïa kaei kaba u la trei bad u la sangeh treikam.

JENESIS 33:4

Hynrei u Iso u mareh ban ïakynduh ïa u, u kdup ïa u, bad u doh ïa u. Ki ïa-ïam baroh ar ngut.

1 KHRONIKL 12:18

U Mynsiem U Blei u wan ha uwei na ki, u Amasai, uba hadien u long u nongai hukum jong ki “Laiphew ngut”, bad u pyrta, “Ko Dabid u khun jong u Jesse, ngi long ki jong phi! Ka Jingjop ka long ïa phi bad ïa kito kiba ïarap ïa phi! U Blei u don ha ka liang jong phi.” U Dabid u pdiang sngewbha ïa ki bad u pynlong ïa ki, ki rangbah pynïaidkam ha ka kynhun shipai jong u.

Ka Kitab U Job 6:25

Ki ktien hok ki long kiba lah ban pynngeit, hynrei phi kren khlem don jingmut.

SALM 119:154

To ïasaid ma me ïa ka hok jong nga, bad to pyllait ïa nga, to pynim ïa nga, kumba me la kular.

PROBERB 15:1

Ka jubab kaba jem ka tem ïa ka jingbitar, hynrei kaba khor ka pynkhih bitar.

PROBERB 25:11

Ka jingmut kaba la pynshai bha ka long kum ka dur oh-shrong ksiar ba la pyndait ha ka rupa.

LOUKAS 21:15

namar ngan ai ha phi ki kyntien bad ka jingstad kiba ym don na ki nongshun jong phi kiba lah ban kyntait lane ïa-pyrshah ïa kaei kaba phi ong.

KI KAM 6:10

Hynrei U Mynsiem u la ai ha u Stephan ïa ka jingstad kum kane ba haba u la kren, kim shym lah ban pynrem ïa u.

NONGBISHAR 11:27

Em, ngam shym leh bymdei ei ei ïa me. Ma me uba leh bymdei ïa nga da kaba ïaleh thma pyrshah ïa nga. U Trai u long u Nongbishar. Un rai mynta ka sngi hapdeng ki Israel bad ki Ammon.”

1 SAMUEL 26:17

U Saul u sngewthuh ïa ka sur u Dabid, bad u kylli, “Dabid, hato dei ma phi ko khun jong nga?” “Ho-oid, Syiem Kynrad,” u Dabid u jubab.

1 SAMUEL 26:24

Kumba nga la pyllait im ïa ka jingim jong phi ha kane ka sngi, ai ba U Trai un leh kumjuh ïa nga bad pyllait ïa nga na ki jingjynjar jong nga baroh!”