1 SAMUEL 24:12 - Khasi CL Bible (BSI)

¹² To U Trai un bishar mano ba bakla napdeng jong ngi! To un pynshitom ïa phi namar ka jingleh jong phi pyrshah ïa nga, naba ngan ym pynmynsaw ïa phi da lei lei ruh.

KA BAIBL

¹² To U Trai un bishar hapdeng jong nga bad jong me, bad to U Trai un pynhiar kput ïa nga halor jong me: hynrei, ka kti jong nga kan ym long halor jong me.

1 SAMUEL 24:12 ပူးပေါင်းရင်းမြစ်များ

JENESIS 16:5

Te ka Sarai ka ong ha u Abram, “Dei namar jong me ba ka Hagar ka ibeiñ ïa nga! Nga hi nga la ai ïa ka ha me, bad naduh ba ka tip ba ka la punkhun, ka ibeiñ ïa nga. Ai ba U Trai un bishar mano ba dei napdeng jong ngi, ma me lane ma nga!”

JENESIS 31:53

U Blei jong u Abraham bad U Blei jong u Nahor un bishar hapdeng jong ngi.” Kumta, ha ka kyrteng U Blei ïa uba u Isaak u kpa jong u, u la mane, u Jakob u la smai da kaba sngew kyntang ban bat ïa kane ka kular.

2 SAMUEL 22:48

U ai ha nga ka jingjop halor ki nongshun jong nga, U pyndem ïa ki jaitbynriew hapoh jong nga,

1 KHRONIKL 12:18

U Mynsiem U Blei u wan ha uwei na ki, u Amasai, uba hadien u long u nongai hukum jong ki “Laiphew ngut”, bad u pyrta, “Ko Dabid u khun jong u Jesse, ngi long ki jong phi! Ka Jingjop ka long ïa phi bad ïa kito kiba ïarap ïa phi! U Blei u don ha ka liang jong phi.” U Dabid u pdiang sngewbha ïa ki bad u pynlong ïa ki, ki rangbah pynïaidkam ha ka kynhun shipai jong u.

Ka Kitab U Job 5:8

Lada nga long ha ka jaka jong me, ngan phai khmat sha U Blei bad pynpaw ïa ka jingjia jong nga ha u.

SALM 35:1

To ïeng pyrshah ïa kito kiba pyrshah ïa nga, A Trai, bad to ïeng ïaleh ïa kito kiba ïaleh pyrshah ïa nga!

SALM 43:1

A Blei, to pynbna ba nga long uba lui lui, bad ïasaid da ïa nga na ki bymriewblei; pyllait ïa nga na ki briew kiba shukor bad kiba sniew!

SALM 94:1

A Trai, me long U Blei uba pynshitom; to pynpaw ïa ka jingbitar jong me!

Ka Shithi U Paul Sha Ki Nong Rom 12:19

Wat ju pynhiarkput, ko ki paralok jong nga, hynrei pynban, to ai ba ka jingbitar jong U Blei kan leh ïa kata. Namar ka Jingthoh Bakhuid ka ong, “Ngan pynhiarkput, ngan siew kylliang, ong U Trai.”

1 PETROS 2:23

Haba la krenbeiñ ïa u, um shym pynphai ktien kylliang da kaba krenbeiñ; haba u shahshitom, um shym la byrngem, hynrei u la buh ïa la ki jingkyrmen ha U Blei, u Nongbishar bahok.

JINGPYNPAW 6:10

Ki la pyrta da ka sur kaba jam, “Ko Trai Badonbor Baroh, u bakhuid bad uba shisha! Sa katno kan long haduh ba men da bishar ïa ki briew ha ka pyrthei bad pynshitom ïa ki namar ba ki pynïap ïa ngi?”

NONGBISHAR 11:27

Em, ngam shym leh bymdei ei ei ïa me. Ma me uba leh bymdei ïa nga da kaba ïaleh thma pyrshah ïa nga. U Trai u long u Nongbishar. Un rai mynta ka sngi hapdeng ki Israel bad ki Ammon.”

1 SAMUEL 20:1

Nangta u Dabid u phet na Naïoth kaba ha Ramah bad u leit sha u Jonathan. “Kaei kaba nga la leh?” u kylli. “Ka kam sniew aïu nga la leh? Ka kam palat aïu nga la leh ïa i pa jong phi ba i da thmu ban pynïap ïa nga?”

1 SAMUEL 24:15

U Trai un bishar bad un rai mano ba bakla napdeng jong ngi. To un khmih ïa kane ka kam, un ïada ïa nga, bad un pyllait im ïa nga na phi.”

1 SAMUEL 26:23

U Trai un ainong ïa kito baroh kiba hok bad ïaineh. Ha kane ka sngi u la aiti ïa phi ha ka bor jong nga, hynrei ngam shym la pynmynsaw ïa phi, uta ïa uba U Trai u la pynlong syiem.