1 SAMUEL 24:11 - Khasi CL Bible (BSI)

¹¹ Ha khmih, ko pa jong nga, khmih ïa ka lyngkhot ka jaiñkup jong phi kaba nga bat! Ngan jin da la pynïap ïa phi, hynrei pynban nga shu ot noh tang ïa kane. Kane ka dei ban pynthikna ïa phi ba ngam don jingmut ei ei ban ïaleh pyrshah ne pynmynsaw ïa phi. Phi la beh mrad ïa nga ban pynïap ïa nga, wat la ngam shym leh kano kano kaba bakla ïa phi.

KA BAIBL

¹¹ Bad nalor kata ruh, to khmih, ko kpa jong nga, shisha, to khmih ïa ka rmiang ka barandi jong me ha ka kti jong nga; namar na kaba nga la ot noh ïa ka rmiang ka barandi jong me, khlem da pynïap ïa me, to tip keiñ bad to khmih ba ha ka kti jong nga ym don ka jingbymman lymne ka jingsniew, bad ba ngam shym la leh pop ïa me, pynban, ma me, me beh mrad ïa ka mynsiem jong nga khnang ban kem ïa ka.

1 SAMUEL 24:11 ပူးပေါင်းရင်းမြစ်များ

2 SAMUEL 1:14

U Dabid u kylli ïa u, “Kumno keiñ me nud ban pynïap ïa u syiem ba la jied da U Trai?”

2 SYIEM 5:13

Ki shakri jong u ki leit sha u, bad ki ong, “Ko kynrad, lada u nongïathuhlypa u la phah ïa phi ban leh ïa kaei kaei kaba jwat, phin jin da la leh ïa ka. Mynta balei phim shu sait ïa lade, kumba u ong bad ban ïohkhiah?”

Ka Kitab U Job 10:16

Lada nga ïoh ïa kano kano ka jingjop, me beh kthong ïa nga kum u sing; ban pynmynsaw ïa nga me leh wat da ki kambah.

SALM 119:161

Ki briew kiba donbor ki tur ïaleh ïa nga khlem nongrim, hynrei nga ñiewkor ïa ka aiñ jong me.

SALM 140:11

Ai ba kito kiba pharep bymdei ïa kiwei kin ym jop; ai ba kaba sniew kan lap ïa ki briew kiba leh jubor bad pynjot ïa ki.

SALM 35:7

Naba khlem daw ki pynap ka jingriam ïa nga, bad ki tih ka 'liewlep ba ngan liat ha ka.

SALM 59:3

Ha khmih! Ki ap ban pynïap ïa nga; ki briew kiba runar ki ïalumlang pyrshah ïa nga. Kam dei namar kano kano ka pop ne jingbakla ba nga la leh,

SALM 7:5

te ai ba ki nongshun jong nga kin beh kthong ïa nga bad kem ïa nga, ai ba kin ot ïa nga bad pynïap ïa nga bad ieh ïa nga uba khlem don jingim ha khyndew!

PROBERB 15:1

Ka jubab kaba jem ka tem ïa ka jingbitar, hynrei kaba khor ka pynkhih bitar.

SNGEWSYNEI 4:18

U Nongshun u la ap khmih ïa ngi; ngim lah wat ban ïaid ha ki lynti bah. Ki sngi jong ngi ki la kut; kaba kut ka la wan.

ESEKIEL 13:18

bad ïathuh ïa ki ïa kaei kaba U Trai Nongsynshar u ong ïa ki: “Ma phi ki kynthei phi long kiba la tim! Phi suh ki jingteh kti myntor na ka bynta uwei uwei baroh bad phi thaw ki jaiñ teh khlieh myntor na ka bynta uwei uwei ban phong ha ki khlieh jong ki, khnang ba ki lah ban don ka bor halor ka jingim jong kiwei pat ki briew. Phi kwah ban don ka bor jong ka jingim bad jingïap halor ki briew jong nga bad ban pyndonkam ïa ka na ka bynta ka jingmyntoi ïa lade hi.

MIKAH 7:2

Ym don shuh u briew uba hok uba dang don ha ka ri, ym don mano mano baïaineh bad U Blei. Uwei pa uwei u ap ïa ka kabu ban pynïap briew. Uwei pa uwei u behmrad ïa la u para shnong.

ÏOANNIS 15:25

Kane, pynban, kaba la dei ban jia, khnang ba ïa kaei kaba la thoh ha ka Hukum jong ki kan urlong shisha: ‘Ki la shun ïa nga khlem daw ei ei.’

1 SAMUEL 12:3

Hangne nga don. Lada nga la leh ïa kano kano kaba bakla, sakhi pyrshah ïa nga ha khmat U Trai bad ha khmat u syiem uba u la pynsleh. Hato nga la shim ïa ka masi ne ka kada jongno jongno? Hato nga la shukor ne banbeiñ ïano ïano? Hato nga la bamsap nano nano? Lada nga la leh ïa kine kiei kiei ngan pynphai noh ïa kata kaba nga la shim.”

1 SAMUEL 18:27

u Dabid bad ki briew jong u ki leit bad pynïap arspah ngut ki Philistia. U wanrah ïa ki doh otsher jong ki baroh sha u syiem bad u da ñiew ïa ki ha u, khnang ba un lah ban long u pyrsa kurim jong u. Kumta u Saul u hap ban ai ïa ka Mikhal ka khun jong u ban shongkurim ïa u Dabid.

1 SAMUEL 23:14

U Dabid u sah ha ka jakarieh ha ri lum kaba ha ka ri khlaw hajan ka Siph. U Saul u ïai pyrshang ban shem ïa u, hynrei U Blei um shym la aiti ïa u Dabid ha u.

1 SAMUEL 23:23

Wad bha ïa ki jaka ha kiba u rieh, bad da kynmaw ban wanrah khubor beit beit sha nga. Te ngan sa leit bad phi; bad lada u dang don ha kata ka thain, ngan kthong ïa u, wat la nga hap ban wad ha ka ri Judah baroh kawei.”

1 SAMUEL 25:28

Sngewbha map ïa nga, ko kynrad, na ka bynta kano kano ka jingbakla kaba nga la leh. U Trai un pynlong ïa phi u syiem, bad ïa ki khun ki ksiew jong phi ruh, naba phi ïaleh ïa ki thma jong u; bad phin ym leh kano kano kaba sniew katba phi dang im.

1 SAMUEL 26:18

Nangta u ong shuh shuh, “Balei keiñ, syiem kynrad, ba phi thwet ïa u shakri jong phi? Nga la leh aïu keiñ? Ka kam palat aïu nga la leh?

1 SAMUEL 26:20

Wai ai ba ngan shah pynïap ha ka ri nongwei, jngai na U Trai. Balei u syiem Israel un wan ban pynïap ïa u thyllah kum ïa nga? Balei un beh ïa nga kumba beh ïa ka sim khlaw?”

1 SAMUEL 26:23

U Trai un ainong ïa kito baroh kiba hok bad ïaineh. Ha kane ka sngi u la aiti ïa phi ha ka bor jong nga, hynrei ngam shym la pynmynsaw ïa phi, uta ïa uba U Trai u la pynlong syiem.