1 SAMUEL 23:8 - Khasi CL Bible (BSI)

⁸ Kumta u Saul u khot ïa ki kynhun nongïapom jong u sha ka thma, ban ïaid pyrshah ïa ka Keilah bad ban kem ïa u Dabid bad ki rangbah jong u.

KA BAIBL

⁸ Bad u Saul u la lum khar paid ban ïaleh thma, ban leit hiar sha Keilah, ban ker kut ïa u Dabid bad ïa ki rangbah jong u.

1 SAMUEL 23:8 ပူးပေါင်းရင်းမြစ်များ

1 SYIEM 2:26

Nangta u Syiem Solomon u ong ha u Abiathar u lyngdoh, “Khie leit sha la ka jong ka ri ha Anathoth. Me dei hok ban ïap, hynrei ngan ym phah pynïap ïa me mynta, namar ba me la khmih sumar ïa ka Synduk ka Jutang jong U Trai mynba me dang don bad u Dabid, u kpa jong nga, bad me la ïoh bynta lem ha ki jingjynjar jong u baroh.”

1 SAMUEL 23:10

Nangta u Dabid u ong, “Ko Trai, U Blei ki Israel, nga la ïohsngew ba u Saul u pynkhreh ban wan sha Keilah bad ban pynjot ïa ka namar jong nga, u shakri jong me.

1 SAMUEL 23:7

La ïathuh ha u Saul ba u Dabid u la leit sha Keilah, bad u ong, “U Blei u la buh ïa u ha ka bor jong nga. U Dabid u la pynngat ïa lade da kaba leit sha ka nongrit ba la ker kynroh bad ki khyrdop kiba skhem.”

1 SAMUEL 23:9

Haba u Dabid u tip ba u Saul u la pynkhreh ban tur ïaleh ïa u, u la ong ha u Abiathar u lyngdoh, “Wallam hangne ïa ka ephod.”