1 SAMUEL 23:6 - Khasi CL Bible (BSI)

⁶ Mynba u Abiathar u khun jong u Ahimelekh u la lait phet bad leit ïasoh bad u Dabid ha Keilah, u la rah ïa ka ephod lem bad u.

KA BAIBL

⁶ Ka la long te, haba u Abiathar u khun u Ahimelekh u la phet ïap sha u Dabid ha Keilah, ba u la wallam ruh ïa ka ephod ha la ka kti.

1 SAMUEL 23:6 ပူးပေါင်းရင်းမြစ်များ

1 SYIEM 2:26

Nangta u Syiem Solomon u ong ha u Abiathar u lyngdoh, “Khie leit sha la ka jong ka ri ha Anathoth. Me dei hok ban ïap, hynrei ngan ym phah pynïap ïa me mynta, namar ba me la khmih sumar ïa ka Synduk ka Jutang jong U Trai mynba me dang don bad u Dabid, u kpa jong nga, bad me la ïoh bynta lem ha ki jingjynjar jong u baroh.”

EKSODOS 28:6

“Kin suh ïa ka ephod da u 'saiwul uba jngum, uba sawbthuh, bad uba rong saw, u 'sai ksiar, bad da ka jaiñ linen bani.

1 SAMUEL 14:18

“Wallam hangne ïa ka Ephod,” u Saul u ong ha u Ahijah u lyngdoh. (Ha kata ka sngi u Ahijah u dang rah ïa ka ha khmat ki paid Israel.)

1 SAMUEL 14:3

(U lyngdoh uba rah ïa ka ephod u dei u Ahijah, u khun jong u Ahitub uba shi para bad u Ikhabod, uba dei u khun jong u Phinehas bad u khun ksiew jong u Eli, u lyngdoh jong U Trai ha Shiloh.) Ki rangbah kim shym tip ba u Jonathan u la lah mih.

1 SAMUEL 22:20

Hynrei u Abiathar, uwei na ki khun shynrang jong u Ahimelekh, u la lait im, bad u leit ïasoh bad u Dabid.

1 SAMUEL 23:2

Kumta u kylli na U Trai, “Hato ngan leit bad tur ïaleh ïa ki Philistia?” “Ho-oid” U Trai u jubab. “Tur ïaleh ïa ki bad pyllait im ïa ka Keilah.”

1 SAMUEL 23:5

Kumta u Dabid bad ki rangbah jong u ki la leit sha Keilah bad ki la tur ïaleh ïa ki Philistia; ki la pynïap bun ngut na ki bad ki la shim ïa ki jingri jong ki. Bad ka la long kumta ba u Dabid u la pyllait im ïa kata ka shnong.

1 SAMUEL 23:7

La ïathuh ha u Saul ba u Dabid u la leit sha Keilah, bad u ong, “U Blei u la buh ïa u ha ka bor jong nga. U Dabid u la pynngat ïa lade da kaba leit sha ka nongrit ba la ker kynroh bad ki khyrdop kiba skhem.”

1 SAMUEL 23:9

Haba u Dabid u tip ba u Saul u la pynkhreh ban tur ïaleh ïa u, u la ong ha u Abiathar u lyngdoh, “Wallam hangne ïa ka ephod.”

1 SAMUEL 30:7

U Dabid u ong ha u Abiathar, u lyngdoh, u khun jong u Ahimelekh, “Wanrah ha nga ka ephod,” bad u Abiathar u wanrah ïa ka ha u.