1 SAMUEL 23:27 - Khasi CL Bible (BSI)

²⁷ Hamar kata ka por u nonglamktien u wan poi bad u ong ha u Saul, “Wan phai noh shisyndon! Ki Philistia ki la wan hiarthma ïa ka ri!”

KA BAIBL

²⁷ Hynrei, u nongkit-ktien u la wan ha u Saul, u da ong, “To pynkloi, bad to wan noh; naba ki Philistia ki la wan hiar thma ha ka ri.”

1 SAMUEL 23:27 ပူးပေါင်းရင်းမြစ်များ

JENESIS 22:14

U Abraham u khot kyrteng ïa kata ka jaka “U Trai U Pynbiang.” Bad haduh kane ka sngi ruh, ki briew ki dang ong, “Ha u lum jong U Trai u pynbiang.”

2 SYIEM 19:9

Ka ktien ka leit poi sha ki Assyria ba ka kynhun shipai Ijipt, ba la ïalam da u Tirhakah u syiem ka Ithiopia, u wan ban tur ïaleh ïa ki. Haba u nongsynshar u ïohsngew ïa kane, u phah ïa ka shithi sha u Hesekaïah u syiem ka Judah

1 KHRONIKL 14:13

Shen ki Philistia ki wan phai sha ka ri them bad ki sdang ban lute biang ïa ka.

SALM 116:3

Ka jingma jong ka jingïap ka la ker sawdong jong nga; ki jingngiew jong ka jingtep ki la hajan ïa nga; la pyndap ïa nga da ka jingtieng bad ka jingkhuslai.

DEUTERONOMI 32:36

U Trai un pyllait im ïa la ki briew haba u ïohi ba kim donbor shuh. Un isynei ïa kito kiba shakri ïa u haba u ïohi ba kim lah leh ei ei shuh.

JINGPYNPAW 12:16

Hynrei ka khyndew ka la ïarap ïa kata ka briew; ka la ang ïa la ka shyntur bad ka la nguid ïa ka um kaba la wan tuid na ka shyntur jong u Ïakjakor.

1 SAMUEL 23:26

U Saul bad ki rangbah jong u ki don ha kawei ka liang jong u lum, la pynïakhlad na u Dabid bad ki rangbah jong u, kiba don ha kawei pat ka liang. Ki la pynstet ban phet krad na u Saul bad ki rangbah jong u, kiba nang kham hajan ïa ki bad kiba la jan ïohkem ïa ki.

1 SAMUEL 23:28

Kumta u Saul u sangeh noh na kaba thwet ïa u Dabid bad u leit noh ban ïaleh ïa ki Philistia. Na kata ka daw, ïa kata ka jaka la khot U Lum ka Jingpynïakhlad.

1 SAMUEL 27:10

Nangta u wan phai pat sha u Akhish, uba ju kylli ïa u, “Phi la leit lute shano ha kane ka kynti?” bad u Dabid ruh u ju ïathuh ïa u ba u la leit sha ka ri Judah kaba shathie, lane sha ka ri ki Jerahmeel, lane sha ka ri bashong ki Ken.