1 SAMUEL 23:21 - Khasi CL Bible (BSI)

²¹ U Saul u jubab, “To U Trai un kyrkhu ïa phi ba lehsbun ïa nga!

KA BAIBL

²¹ Bad u Saul u la ong, “To long phi ïa kiba la kyrkhu na U Trai; namar phi la leh isynei ïa nga.

1 SAMUEL 23:21 ပူးပေါင်းရင်းမြစ်များ

JENESIS 20:13

Kumta haba U Blei u la phah noh ïa nga na ka ïing u kpa jong nga sha ki ri nongwei, nga ong ha ka, ‘Pha lah ban pyn-i haduh katno pha shaniah ïa nga da kaba ïathuh ïa iwei pa iwei ba nga long u hynmen jong pha.’ ”

2 SAMUEL 2:5

u la phah shata katto katne ngut ki rangbah lem bad kane ka khubor: “To U Trai un kyrkhu ïa phi namar ka jingpyn-i ïa ka jingieit ïa la u syiem da kaba tep ïa u.

SALM 10:3

U riewbymman u sngewsarong ha la ki jong ki jingkwah basniew; u riewlalot u tim bad kyntait ïa U Trai.

ISAÏAH 66:5

To sngap ïa kaei kaba U Trai u kren, phi kiba sheptieng bad kohnguh ïa u: “Namar phi long kiba ïaineh ha nga, katto katne na ki briew jong phi hi ki shun ïa phi bad kin ym don ïadon bynta ei ei bad phi. Ki rkhiebeiñ ïa phi bad ong, ‘Ai ba U Trai un pyn-i ïa ka jingkhraw jong u bad pynim ïa phi, kumta ba ngin ïohi ïa phi ba phi shadkmen.’ Hynrei dei ma ki hi, ki ban jahburom!

MIKAH 3:11

Ïa ki nongsynshar ka nongbah la tap-lup da ki jingbamsap, ki lyngdoh ki pynbatai ïa ka hukum na ka bynta ka tulop, ki nongïathuhlypa ki ai ïa ki jingpynpaw jong ki na ka bynta ka pisa — bad baroh ki kam ba U Trai u don bad ki. “Yn ym don jingma ka ban hap halor jong ngi,” ki ong. “U Trai u long lem bad ngi.”

NONGBISHAR 17:2

U ong ha la ka kmie, “Mynba don ba tuh ïa ki shi hajar shispah tylli ki sbai rupa na phi, phi buh ka jingtim halor uta u nongtuh. Nga la ïohsngew phi leh kumta. Khmih, nga don ka pisa. Dei ma nga uba shim ïa ki.” Ka kmie jong u ka ong, “To U Trai un kyrkhu ïa phi, ko khun jong nga!”

1 SAMUEL 15:13

U Samuel u la leit sha u Saul, uba la khublei ïa u, da kaba ong, “U Trai u kyrkhu ïa phi, Samuel! Nga la kohnguh ïa ka hukum U Trai.”

1 SAMUEL 22:8

Hato dei na kata ba phi baroh phi la ïasylla pyrshah ïa nga? Ym don uwei ruh na phi uba la ïathuh ha nga ba u khun jong nga hi u la ïateh kular bad u Dabid. Ym don uwei ruh uba pyrkhat sngewlem ïa nga lane ïathuh ha nga ba u Dabid, uwei na ki rangbah jong nga, u don hangne mynta, u da wad ïa ka kabu ban pynïap ïa nga, bad ba u khun jong nga u la pynshlur ïa u!”

1 SAMUEL 23:22

Khie leit bad da pynthikna bha sa shisien pat; wad biang biang ha-ei u don, bad uei uba la ïohi ïa u hangta. Nga tip ba u long uba sianti bha.