1 SAMUEL 23:13 - Khasi CL Bible (BSI)

¹³ Kumta u Dabid bad ki rangbah jong u — kumba hynriewspah ngut baroh — ki mihnoh shisyndon na Keilah bad ki ïaid sa ïaid. Haba u Saul u tip ba u Dabid u la phet noh na Keilah, u la sangeh noh ïa la ka jingpynkhreh.

KA BAIBL

¹³ Ynda kumta, u Dabid bad u paidbah jong u, kumba hynriewspah ngut, ki la ïeng bad ki la leit noh na Keilah, bad ki la leit kylleng kat sha kaba ki lah. Te la ïathuh ha u Saul ba u Dabid u la phet noh na Keilah; u ruh u la pep ban leit mih noh.

1 SAMUEL 23:13 ပူးပေါင်းရင်းမြစ်များ

2 SAMUEL 15:18

Baroh ki rangbah synshar jong u ki la ïeng hajan jong u, katba ka kynhun ki shipai ïada syiem ki dang ïaid na khmat jong u. Ki hynriewspah ngut ki shipai kiba la bud ïa u na Gath ki la ïaid,

2 SAMUEL 15:20

Phi la sah hangne tang khyndiat por, kumta balei ngan pynlong ïa phi ban ïaid sakma kylleng bad nga? Ngam tip shano ngan leit. Khie leit phai noh bad ïalam bad phi ïa la ki jong ki briew — bad to U Trai un lehsbun bad ïaineh bad phi.”

Ka Kitab U Job 5:12

U pynkylla khongpong ïa ki jingthmu jong ki briew kiba sianti, bad u riam ïa kiba sngewstad ha ki jingpyrshang la jong, khnang ba yn ym don kano kano kaba kin jop; wat ha ka por shiteng sngi kin tare kum ha ka jingdum.

SALM 34:5

Kiba shah banbeiñ ki khmih sha u bad ki kmen; kin ym kutlad lano lano.

1 SAMUEL 22:2

Ki briew kiba la shah banbeiñ lane kiba dap ram lane kiba kthang mynsiem ki la leit sha u, baroh ki don kumba sawspah ngut ki rangbah, bad u kylla long u nongïalam jong ki.

1 SAMUEL 25:13

“Pyndait ïa la ki waitlam!” u la hukum, bad ki la leh kumta. U Dabid ruh u la pyndait ïa la ka waitlam bad u la mih lem bad kumba sawspah ngut ki rangbah jong u, da kaba iehnoh shadien ïa ki arspah ngut lem bad ki jingkit jingbah.