1 SAMUEL 23:1 - Khasi CL Bible (BSI)

¹ U Dabid u ïohsngew ba ki Philistia ki tur ïaleh ïa ka nongrit Keilah bad lute ïa ki kew ba dang shu lah ot.

KA BAIBL

¹ Ynda kumta, ki la ïathuh ha u Dabid, ki ïa-ong, “Ha khmih, ki Philistia ki ïaleh thma ïa ka Keilah, bad ki ïalute ïa ki kyntem.”

1 SAMUEL 23:1 ပူးပေါင်းရင်းမြစ်များ

DANIEL 2:35

Kumta hi ka nar, ka dewbyrtha, ka rnong, ka rupa bad ka ksiar ki la khyllem bad ki la long kum u pui pui ha ka jaka shoh kew ha ka por lyiur. Ka lyer ka la kit noh ïa u, khlem da pynsah dien ei ei. Hynrei u maw u la san ban long u lumbah uba tap ïa ka pyrthei baroh kawei.

LEBITIKOS 26:16

Ngan pynngat ha phi ïa ka jingjynjar — ki jingpang bym lah pynkhiah, bad ki jingpang shit ki ban pynmatlah ïa phi bad ban pynlong ïa ka jingim jong phi ban sep-ei. Phin bet ïa u symbai, hynrei um myntoi ïa phi, naba ki nongshun jong phi kin jop ïa phi bad kin bam ïa kaba phi la thung.

MIKAH 6:15

Phin bet ïa u kew, hynrei phin ym ïoh ban ot. Phin khem ïa ka umphniang na ki soh Olib, hynrei phin ym lah da lei lei ban pyndonkam ïa ka. Phin ïoh shna ïa ka waiñ, hynrei phin ym ïoh dih da lei lei ïa ka.

DEUTERONOMI 28:33

Ki nongwei kin bam ei ïa ki jingmih na ki lyngkha jong phi ha kiba phi la trei shitom, katba phi pat phim ym ïoh ei ei lait tang ka jingshah banbeiñ bad ka jingshah lehbeiñ suda.

DEUTERONOMI 28:51

Kin bam ïa ki jingri jingdup bad ïa ki jingthung jingtep jong phi, bad phin ïapthngan. Kin ym pynsah ei ei, ïa u kew, ka waiñ, ka umphniang Olib, ki masi, lane ki langbrot; bad phin ïap.

JOSHUA 15:44

ka Keilah, ka Akhsib, bad ka Mareshah: khyndai tylli ki nongbah lem ruh bad ki nongrit kiba sawdong jong ki.

NONGBISHAR 6:11

Nangta u angel jong U Trai u la wan sha ka nongrit Ophrah bad u shong ha trai u dieng Sning jong u Joash, u briew na ka kur u Abieser. U Gideon u khun jong u, u dang shoh kew jar jar ha ka thliew khem um sohwaiñ, khnang ba ki Midian kin ym ïohi ïa u.

NONGBISHAR 6:4

Ki sher dara ha ka ri bad ki pynjot ïa ki jingthung baroh shaduh ka jaka bashaphang shathie sawdong ïa ka Gasa. Ki shim ïa baroh ki langbrot, ki jingri, bad ki kada, bad kim shym pynsah ei ei shuh ïa ki Israel ban bam.