1 SAMUEL 22:8 - Khasi CL Bible (BSI)

⁸ Hato dei na kata ba phi baroh phi la ïasylla pyrshah ïa nga? Ym don uwei ruh na phi uba la ïathuh ha nga ba u khun jong nga hi u la ïateh kular bad u Dabid. Ym don uwei ruh uba pyrkhat sngewlem ïa nga lane ïathuh ha nga ba u Dabid, uwei na ki rangbah jong nga, u don hangne mynta, u da wad ïa ka kabu ban pynïap ïa nga, bad ba u khun jong nga u la pynshlur ïa u!”

KA BAIBL

⁸ ba phi baroh phi la ïabuit lem pyrshah ïa nga, bad ba ym don u ban ïathuh ha nga haba u khun jong nga u la ïateh jutang bad une u khun u Jesse, bad ba ym don uno uno na phi uba sngewsih na ka bynta jong nga, lymne uba ïathuh ha nga ba u khun jong nga u la pynkhih ïa u shakri jong nga, ban ap thap, kumba ha kane ka sngi?”

1 SAMUEL 22:8 ပူးပေါင်းရင်းမြစ်များ

2 SYIEM 6:11

U syiem Syria u khuslai jingmut shibun shaphang kane; u la khot ïa la ki rangbah pynïaidkam bad u kylli ïa ki, “Uno napdeng jong phi uba long ha ka liang jong u syiem ka Israel?”

Ka Kitab U Job 33:16

U pynlong ïa ki ban shahshkor ïa kaei ba u ong, bad ki sheptieng ïa ki jingmaham jong u.

1 SAMUEL 18:1

U Saul bad u Dabid ki la dep ka jingïakren hapdeng jong ki. Hadien kata, u Jonathan u khun jong u Saul u la sngew jan eh ïa u Dabid bad u sngewieit ïa u kumba u ieit ïa lade hi.

1 SAMUEL 18:3

U Jonathan u ïateh jutang jingïadei paralok bad u Dabid namar ka jingieit bajylliew ïa u.

1 SAMUEL 20:2

U Jonathan u jubab, “U Blei un ym shah ba phin shu ïap! I pa i da ïathuh shuwa ha nga ïa kaei kaei ba i leh, kaba donkam ne ka bymdonkam, bad im ju buhrieh ïa kane na nga: Kam long kaba shisha!”

1 SAMUEL 20:42

Nangta u Jonathan u ong ha u Dabid, “U Blei un don ryngkat bad phi. U Trai un pynthikna ba ma nga bad ma phi, bad kiba hiarpateng na phi bad kiba hiarpateng na nga, kin bat ïa ka kular bakyntang kaba ngi la pynlong iwei ïa iwei.” Nangta u Dabid u leit noh, bad u Jonathan u leit phai pat sha shnong.

1 SAMUEL 20:8

Sngewbha leh ïa kane namar jong nga; bad bat ïa ka jingkular bakyntang kaba phi la ai ha nga. Hynrei lada nga long ba la pynrem, pynïap ïa nga da lade hi! Balei phin shim ïa nga sha i pa jong phi ban shah pynïap?”

1 SAMUEL 22:13

U Saul u kylli ïa u, “Balei ma me bad u Dabid me ïasylla pyrshah ïa nga? Balei ba me la ai ha u katto katne ka jingbam bad ka waitlam, bad ba me kylli na U Blei na ka bynta jong u? Mynta u la phai pyrshah ïa nga bad u da ap ïa ka kabu ban ïoh pynïap ïa nga!”

1 SAMUEL 23:21

U Saul u jubab, “To U Trai un kyrkhu ïa phi ba lehsbun ïa nga!