1 SAMUEL 22:7 - Khasi CL Bible (BSI)

⁷ La ïathuh ha u ba la lap ïa u Dabid bad ki nongbud jong u, bad u ong ha ki rangbah pynïaidkam jong u, “Shahshkor, ko rangbah Benjamin! Hato phi pyrkhat ba u Dabid un ai ïa ki lyngkha bad ki bri sohwaiñ ha phi baroh, bad ban thung ïa phi ki rangbah nongïalam ha ka kynhun shipai jong u?

KA BAIBL

⁷ ynda kumta, u Saul u la ong ha la ki shakri kiba ïeng baroh sawdong ïa u, “To sngap mynta, phi ki Benjamin; une u khun u Jesse un ai mo ha uwei uwei baroh na phi da ki lyngkha bad ki brisoh Waiñ, un pynlong ne em ïa phi baroh ki nongïalam halor ki hajar, bad ki nongïalam halor ki spah;

1 SAMUEL 22:7 ပူးပေါင်းရင်းမြစ်များ

2 SAMUEL 18:1

U Syiem Dabid u la lumlang ïa ki rangbah jong u baroh, u pynbynta ïa ki ha ki kynhun kiba shihajar ngut bad kiba shispah ngut, bad u buh ki rangbah pynïaidkam ban ai hukum ïa ki.

2 SAMUEL 20:1

Ka leit jia ryngkhat ba don ha Gilgal, uwei u riewkai uba kyrteng u Sheba, u khun jong u Bikri, uba na ka jait Benjamin. U put ïa ka turoi bad u pyrta, “Weng ïa u Dabid! Ngin ym bud ïa u! Ïa noh sha ïing, ko Israel!”

1 SYIEM 12:16

Haba ki paidbah ki la ïohi ba u syiem um shahshkor ïa ki, ki la pyrta, “Long ba la ñiewbeiñ ïa u Dabid bad ka longïing jong u! Ki la leh aïu na ka bynta jong ngi? Ko ki rangbah Israel, ïa ngin leit noh sha ïing! To ai ba u Rehoboam un khmih hi ïa lade!”

1 KHRONIKL 12:16

Shisien ka kynhun ki rangbah na ki jait Benjamin bad Judah ki la leit sha ka kut ha kaba u Dabid u don.

ISAÏAH 11:1

Ka pateng longsyiem jong u Dabid ka long kum u dieng ba la khet; hynrei kumba ki tnat bathymmai ki khie lung na ka dyngkhong, kumta u syiem bathymmai un mih napdeng ki khun ki ksiew jong u Dabid.

ISAÏAH 11:10

Ka sngi ka wan ha kaba u syiem bathymmai na ka longïing syiem jong u Dabid un long ka dak ka shin ïa ki jaitbynriew. Kin ïalumlang ha ka nongbah ba kynja syiem jong u bad ai ka jingpyndonburom ïa u.

1 SAMUEL 18:14

U Dabid u ïalam ïa la ki briew sha ka thma bad u jop ha kat kaba u leh, namar U Trai u don ryngkat bad u.

1 SAMUEL 20:27

Ha ka sngi kaba bud, ka sngi hadien ka jingkhawai mih bnai thymmai, ka jaka shong bam u Dabid ka dang thylli hi, bad u Saul u kylli ïa u Jonathan, “Balei u Dabid um shym wan sha ka jingkhawai mynhynnin bad mynta ka sngi ruh?”

1 SAMUEL 20:30

U Saul u bitar lep ïa u Jonathan bad u ong ha u, “Me u khun pongka! Mynta nga tip ba me ïashah liang bad u Dabid bad me pynjahburom ïa lade bad ïa kato ka kmie jong me!

1 SAMUEL 22:13

U Saul u kylli ïa u, “Balei ma me bad u Dabid me ïasylla pyrshah ïa nga? Balei ba me la ai ha u katto katne ka jingbam bad ka waitlam, bad ba me kylli na U Blei na ka bynta jong u? Mynta u la phai pyrshah ïa nga bad u da ap ïa ka kabu ban ïoh pynïap ïa nga!”

1 SAMUEL 22:9

U Doeg u dang ïeng hangta bad ki rangbah pynïaidkam jong u Saul, bad u ong, “Nga la ïohi ïa u Dabid mynba u leit sha u Ahimelekh u khun jong u Ahitub ha Nob.

1 SAMUEL 25:10

Nangta ki la ap hangta, bad u Nabal ha kaba khatduh u la jubab, “U Dabid? Uei uta? Ngam pat ju ïohsngew ïa u! Ha kine ki sngi ka ri ka dap da ki mraw kiba phet na la ki kynrad!