1 SAMUEL 22:2 - Khasi CL Bible (BSI)

² Ki briew kiba la shah banbeiñ lane kiba dap ram lane kiba kthang mynsiem ki la leit sha u, baroh ki don kumba sawspah ngut ki rangbah, bad u kylla long u nongïalam jong ki.

KA BAIBL

² Bad uwei uwei baroh uba ha ka jynjar, bad uwei uwei baroh uba dap ram, bad uwei uwei baroh uba la kthang la ka mynsiem, ki la ïalum lang sha u; te u la long rangbah halor jong ki: te ki la don hangta lem bad u kumba sawspah ki rangbah.

1 SAMUEL 22:2 ပူးပေါင်းရင်းမြစ်များ

2 SAMUEL 17:8

Phi tip ba u Dabid, u kpa jong phi bad ki rangbah jong u ki long ki nongïaleh kiba satar, bad ba ki long kiba shyrkhei kum ka dngiem kmie kaba la shah knieh ïa ki khun jong ka. U kpa jong phi u dei u shipai uba la mlien bha bad um ju sah bad la ki rangbah mynmiet.

2 SAMUEL 5:2

Ha ka por ba la leit, wat haba u Saul u dang long u syiem jong ngi, phi la ïalam ïa ki rangbah Israel ha ka thma bad U Trai u la kular ïa phi ba phin ïalam ïa ki briew jong u bad ban long u nongsynshar jong ki.”

2 SYIEM 20:5

ban leit phai pat sha u Hesekaïah, u nongsynshar jong ki briew U Trai, bad ban ong ha u, “Nga, U Trai U Blei jong u Dabid u kpa tymmen jong me, nga la ïohsngew ïa ka jingduwai jong me bad nga la ïohi ïa ki ummat jong me. Ngan pynkhiah ïa me, bad hadien lai sngi men leit sha ka Templ.

2 SYIEM 4:1

Ka riewkynthei jong u dkhot ka kynhun ki nongïathuhlypa ka la leit sha u Elisha bad ka ong, “Kynrad, u tnga jong nga u la ïap! Kumba phi tip, u dei u briew uba sheptieng ïa U Blei, hynrei mynta u briew uba ai ram ïa u, u la wan ban shim noh ïa ki ar ngut ki khun shynrang jong nga ban long ki mraw kum ka jingsiew ïa ka ram u tnga jong nga.”

PROBERB 31:6

Ka kyiad ka long ïa ki briew kiba la jan ïap, ïa kito kiba shem jynjar sat.

MATHAÏOS 11:12

Naduh ka por ba u Ïoannis u la ïalap ïa ka khubor jong u haduh kane ka sngi hi, ka Hima ki bneng ka la shah ïa ka jingleh jubor, bad ki nongleh jubor ki pyrshang ban kurup ïa ka.

MATHAÏOS 11:28

“To wan ha nga, phi baroh kiba thait na kaba kit ïa ki jingkit kiba khia, bad ngan ai ha phi ka jingjahthait.

HEBRU 2:10

Ka long kaba dei eh ba U Blei, uba thaw bad pynneh ïa kiei kiei baroh, un pynlong ïa U Jisu uba janai lyngba ka jingshah shitom, khnang ban pynwan ïa kiba bun ki khun ban ïoh bynta ha ka burom jong u. Namar U Jisu u long uta uba ïalam ïa ki sha ka jingpynim.

NONGBISHAR 11:3

U Jephthah u phet na la ki hynmen bad u leit shong ha ri Tob. Hangta shi kynhun ki nongkamsniew ki ïapynlong paralok bad u, bad ki leit lang kylleng lem bad u.

NONGBISHAR 18:25

Ki rangbah na Dan ki ong, “Kan bha ba phin ym bunktien lymda phi kwah ïa kine ki briew ban bitar bad ban kynrup ïa phi. Nangta ma phi bad ka longïing jong phi baroh phin ïap.”

1 SAMUEL 22:3

U Dabid u leit noh na kata ka jaka sha Mispah ha Moab bad u ong ha u syiem Moab, “Sngewbha shah ïa i pa bad i mei jong nga ban wan bad sah bad phi haduh ba ngan da tip aïu U Blei un leh na ka bynta jong nga.”

1 SAMUEL 23:13

Kumta u Dabid bad ki rangbah jong u — kumba hynriewspah ngut baroh — ki mihnoh shisyndon na Keilah bad ki ïaid sa ïaid. Haba u Saul u tip ba u Dabid u la phet noh na Keilah, u la sangeh noh ïa la ka jingpynkhreh.

1 SAMUEL 25:13

“Pyndait ïa la ki waitlam!” u la hukum, bad ki la leh kumta. U Dabid ruh u la pyndait ïa la ka waitlam bad u la mih lem bad kumba sawspah ngut ki rangbah jong u, da kaba iehnoh shadien ïa ki arspah ngut lem bad ki jingkit jingbah.

1 SAMUEL 30:6

U Dabid u don mynta ha ka jingma kaba khraw, namar ki briew jong u kiba la sngewkthang haba ki la duh ïa la ki khun ki kti bad ki byrngem ban lynthem maw ïa u; hynrei U Trai U Blei jong u, u ai ha u ka jingshlur.

1 SAMUEL 9:16

“La shai kumba katne por ngan phah ha me ïa u briew uba na ka jait Benjamin; pynsleh ïa u kum u nongsynshar ïa ki briew jong nga ki Israel, bad un sa pyllait ïa ki na ki Philistia. Nga la ïohi ïa ka jingshah shitom ki briew jong nga, bad nga la ïohsngew ïa ki jinglynñiar jong ki ban ïoh jingïarap.”