1 SAMUEL 22:18 - Khasi CL Bible (BSI)

¹⁸ Kumta u Saul u ong ïa u Doeg, “Ma me, pynïap ïa ki!” — bad u Doeg u la pynïap ïa ki baroh. Ha kata ka sngi u la pynïap phraphew san ngut ki lyngdoh kiba bit ban phong ïa ka ephod.

KA BAIBL

¹⁸ Te u syiem u la ong ha u Doeg, “To phai ma me, to pynïap ïa kita ki lyngdoh.” Bad u Doeg u nong Edom u la phai, bad u la tur ha kita ki lyngdoh, bad u la pynïap ha kata ka sngi phraphew san ngut ki rangbah kiba ju phong ïa ka ephod linen.

1 SAMUEL 22:18 ပူးပေါင်းရင်းမြစ်များ

2 KHRONIKL 24:21

U syiem Joash u la ïasnohkti ha ka jingïasylla pyrshah ïa u Sekharaïah, bad ha ka hukum jong u syiem, ki paidbah ki la lynthem maw ïa u Sekharaïah ha ka phyllaw ka Templ.

SALM 78:64

Ki lyngdoh ki ïap da ka jinglehbor, bad ïa ki riewkynthei jong ki ym shym la shah ban ïambriew.

EKSODOS 28:40

“Suh ki sopti, ki panpoh, bad ki tupia na ka bynta ki khun shynrang jong u Aaron ba kin ishongkun shongkhia bad itynnat.

PROBERB 24:15

Wat long kum ki riewsniew kiba thmu ban lute ïa u briew uba hok ne ban knieh noh ïa ka ïing jong u.

HOSIA 5:11

Ki Israel kin shah ka jingshah banbeiñ; ka la duh noh ïa ka khyndew kaba dei hok jong ka, namar ka ïai kwah ban wad jingïarap na kito ki bym don ei ei ban ai.

HOSIA 7:3

U Trai u ong, “Ki briew ki shukor ïa u syiem bad ki rangbah synshar jong u da ki buit bymman jong ki.

MIKAH 6:16

Kane kan jia namar ba phi la bud ïa ki jingleh ba-ijli jong u syiem Omri bad jong u khun jong u, u syiem Ahab. Phi la ïai bteng ban bud ïa ki rukom pynïaidkam jong ki, bad kumta ngan wallam ïa ka jingjot ha phi, bad baroh kin kyntait ïa phi. Ki briew ha kylleng kin ñiewbeiñ ïa phi.”

SEPHANAÏAH 3:3

Ki rangbah pynïaidkam jong ka ki long kum ki sing bakyrhuh; ki nongbishar jong ka ki long kum ki suri bathngan, kiba lalot eh kat ban pynsah sa tang ka shyieng haduh mynstep.

1 SAMUEL 2:18

Ha kata ka por u khynnah Samuel u ïai shakri ïa U Trai, u da phong da ka sopti-lor da ka jaiñ linen kaba kyntang.

1 SAMUEL 2:28

Napdeng ki jait Israel baroh nga la jied ïa ka longïing jong u ban long ki lyngdoh jong nga, ban shakri ha ka duwan, ban thang ïa ka jingiwbih, bad ban phong ïa ka ephod ban ïakren bad nga. Bad nga la ai ha ki ïa ka hok ban ïoh bynta ïa ki jingainguh thang ba-halor ka duwan.

1 SAMUEL 2:36

Kat uba dang sah na ki khun ki ksiew jong me un leit ha uta u lyngdoh bad pan na u ïa ka pisa bad ka jingbam, bad kyrpad ïa u ban shah ba un ïarap ïa ki lyngdoh khnang ba un ïoh ei ei ban bam.”