1 SAMUEL 22:17 - Khasi CL Bible (BSI)

¹⁷ Nangta u ong ha ki nongap kiba ïeng hajan jong u, “Pynïap ïa ki lyngdoh jong U Trai! Ki la ïasylla bad u Dabid bad kim shym la ïathuh ïa nga ba u la phet, wat la ki la tip ïa ka baroh shi katta.” Hynrei ki nongap kim treh ban rah ïa la ka kti ban pynïap ïa ki lyngdoh jong U Trai.

KA BAIBL

¹⁷ Te u syiem u la ong ha kita ki nongphet kiba ïeng sawdong ïa u, “To phai, bad pynïap ïa ki lyngdoh jong U Trai: naba ka kti jong ki ruh ka don lem bad u Dabid, bad ba haba ki la tip ba u la phet noh, kim shym ïathuh ha nga.” Hynrei, ki shakri u syiem kim treh ban rah ïa la ka kti ban pynïap ïa ki lyngdoh jong U Trai.

1 SAMUEL 22:17 ပူးပေါင်းရင်းမြစ်များ

2 SAMUEL 15:1

Hadien kane, u Absalom u la pynbiang ïa lade kawei ka kali ïapom bad ki kulai lem bad sanphew ngut ki rangbah kiba synran ïa u.

1 SYIEM 1:5

Mynta ba u Absalom u la ïap, u Adonijah, u khun jong u Dabid bad ka Haggith, u dei u khun heh uba dang im. U long u briew uba bhabriew. U Dabid um pat ju sneng tyngeh ïa u shaphang kano kano, bad u la kwah eh ban long syiem. U la pynkhreh ïa lade ki kali ïapom, ki kulai, bad ka kynhun synran kaba don sanphew ngut ki rangbah.

1 SYIEM 14:27

Ban buh bujli ïa ki, u syiem Rehoboam u thaw da ki stieh rnong bad u aiti ïa ki ha ki rangbah pynïaidkam kiba kitkhlieh ban ïada ïa ki khyrdop jong ka ïingsyiem.

1 SYIEM 18:4

bad haba ka Jesebel ka dang pynïap ïa ki nongïathuhlypa jong U Trai, u Obadaïah u la shim bad pynrieh ïa ki shispah ngut ki nongïathuhlypa ha ki krem, da kaba phiah ïa ki ha ki ar kynhun kiba sanphew ngut ha kawei kawei ka kynhun, bad u la pynbiang jingbam bad um ïa ki.)

2 SYIEM 10:25

Tang mar shu dep ai ïa ki jingkñia, u Jehu u ong ha kita ki nongap bad ki rangbah pynïaidkam, “Khie rung bad pynïap ïa ki baroh, wat shah ïano ïano ban lait im!” Ki la leit rung shapoh bad ki waitlam, ki la pynïap ïa ki baroh, bad ki la paring shabar ïa ki met. Nangta ki la leit sha ka jaka kyntang kaba shapoh jong ka templ,

EKSODOS 1:17

Hynrei kita ki nongpynkha khun ki dei kiba sheptieng ïa U Blei; kumta kim shym kohnguh ïa u, hynrei ki shah ba ki khun shynrang kin im.

KI KAM 4:19

Hynrei u Petros bad u Ïoannis ki la jubab ïa ki, “Phi hi bishar kano kaba dei ha khmat U Blei — ban kohnguh ïa phi ne ban kohnguh ïa U Blei.

1 SAMUEL 14:45

Hynrei ki paidbah ki ong ha u Saul, “Hato u Jonathan, uba la jop ka jingjop kaba khraw na ka bynta ki Israel, un shah pynïap? Em! Ngi kular ha U Trai uba im ba uwei u shñiuh na ka khlieh jong u ruh un ym hap ha khyndew. Kaei kaba u la leh ha kane ka sngi la leh da ka jingïarap jong U Blei.” Kumta ki paidbah ki la pyllait im ïa u Jonathan na kaba shah pynïap.

1 SAMUEL 2:31

Ha sngap, ka por kan poi ha kaba ngan pynïap lut ïa ki samla shynrang baroh kiba na ka longïing jong me bad na ka kur jong me, kumta ba yn ym don uwei ruh u briew u ban im tymmen ha ka ïing jong me.

1 SAMUEL 20:33

Mar kumta, u Saul u rah ïa la u sum sha u Jonathan ban pynïap ïa u, bad u Jonathan u sngewthuh ba u kpa jong u, u la da kut jingmut shisha ban pynïap ïa u Dabid.

1 SAMUEL 22:13

U Saul u kylli ïa u, “Balei ma me bad u Dabid me ïasylla pyrshah ïa nga? Balei ba me la ai ha u katto katne ka jingbam bad ka waitlam, bad ba me kylli na U Blei na ka bynta jong u? Mynta u la phai pyrshah ïa nga bad u da ap ïa ka kabu ban ïoh pynïap ïa nga!”

1 SAMUEL 22:16

U syiem u ong, “Ahimelekh, ma me bad ki ba-ha-ïing ha-sem jong me baroh phi dei ban ïap.”

1 SAMUEL 25:17

Sngewbha da pyrkhat shaphang kane bad sa rai ïa kaei ban leh. Kane ka lah ban long kaba shyrkhei ïa u kynrad jong ngi bad ïa ka longïing jong u baroh. U long uba sniew jinglong ba un ym sngap ïano ïano ruh!”

1 SAMUEL 8:11

“Uta u syiem u ban synshar ïa phi un leh kumne,” u Samuel u pynshai. “Un pynlong shipai ïa ki khun shynrang jong phi; don na ki, ki ban trei ha ki kali ïapom jong u, don ki ban long ki shipai shong kulai, bad don ruh ki ban mareh na khmat ki kali ïapom jong u.