1 SAMUEL 22:14 - Khasi CL Bible (BSI)

¹⁴ U Ahimelekh u jubab, “U Dabid u dei u rangbah pynïaidkam uba hok tam uba phi don! U dei u pyrsa kurim jong phi, u kapten jong ki shipai kiba ïada ïa phi, bad ïa uba la ñiewburom shikatdei eh da uwei pa uwei ha ka ïingsyiem jong phi.

KA BAIBL

¹⁴ Te u Ahimelekh u la ïathuh ha u syiem, bad u la ong, “Napdeng ki shakri jong me baroh, uei uba bit ban shaniah kat u Dabid, uba long ruh u pyrsa kurim u syiem, bad uba leit ha ka hukum jong me, bad uba donburom ha ka ïing jong me?

1 SAMUEL 22:14 ပူးပေါင်းရင်းမြစ်များ

1 SAMUEL 17:25

“Peit ïa une u briew” ki ïakren para ma ki. “Sngap ïa ki jingkob jong u. U syiem Saul un ai ka nong kaba khraw ïa u briew u ban pynïap ïa u; u syiem un ai ruh ban shongkurim ïa ka khun kynthei jong u bad ka ïing u kpa jong u kam donkam ban siew khajna.”

1 SAMUEL 18:13

Kumta u Saul u phah noh ïa u bad u thung ïa u kum u nongïalam ïa ki shihajar ki rangbah.

1 SAMUEL 18:27

u Dabid bad ki briew jong u ki leit bad pynïap arspah ngut ki Philistia. U wanrah ïa ki doh otsher jong ki baroh sha u syiem bad u da ñiew ïa ki ha u, khnang ba un lah ban long u pyrsa kurim jong u. Kumta u Saul u hap ban ai ïa ka Mikhal ka khun jong u ban shongkurim ïa u Dabid.

1 SAMUEL 20:32

“Balei u dei ban ïap?” u Jonathan u jubab. “U la leh aïu eh?”

1 SAMUEL 21:2

U Dabid u jubab, “Nga wan hangne na ka bynta ka kam u syiem. U ong ïa nga ban ym don mano mano ban tip ïa kaei kaba u la phah ïa nga ban leh. Shaphang ki briew jong nga pat, nga la ïapynbeit ba kin ïakynduh ïa nga ha kawei ka jaka.

1 SAMUEL 22:13

U Saul u kylli ïa u, “Balei ma me bad u Dabid me ïasylla pyrshah ïa nga? Balei ba me la ai ha u katto katne ka jingbam bad ka waitlam, bad ba me kylli na U Blei na ka bynta jong u? Mynta u la phai pyrshah ïa nga bad u da ap ïa ka kabu ban ïoh pynïap ïa nga!”

1 SAMUEL 24:11

Ha khmih, ko pa jong nga, khmih ïa ka lyngkhot ka jaiñkup jong phi kaba nga bat! Ngan jin da la pynïap ïa phi, hynrei pynban nga shu ot noh tang ïa kane. Kane ka dei ban pynthikna ïa phi ba ngam don jingmut ei ei ban ïaleh pyrshah ne pynmynsaw ïa phi. Phi la beh mrad ïa nga ban pynïap ïa nga, wat la ngam shym leh kano kano kaba bakla ïa phi.

1 SAMUEL 25:28

Sngewbha map ïa nga, ko kynrad, na ka bynta kano kano ka jingbakla kaba nga la leh. U Trai un pynlong ïa phi u syiem, bad ïa ki khun ki ksiew jong phi ruh, naba phi ïaleh ïa ki thma jong u; bad phin ym leh kano kano kaba sniew katba phi dang im.

1 SAMUEL 26:23

U Trai un ainong ïa kito baroh kiba hok bad ïaineh. Ha kane ka sngi u la aiti ïa phi ha ka bor jong nga, hynrei ngam shym la pynmynsaw ïa phi, uta ïa uba U Trai u la pynlong syiem.