1 SAMUEL 20:5 - Khasi CL Bible (BSI)

⁵ “Lashai ka sngi ka dei ka jingkhawai mih bnai thymmai” u Dabid u jubab “bad nga dei ban ïashong bam ryngkat bad u syiem. Hynrei lada ka long kaba biang ïa phi, ngan leit noh ban rieh ha ki bri haduh la shi sngi janmiet.

KA BAIBL

⁵ Te u Dabid u la ong ha u Jonathan, “Ha khmih, lashai long u bnai u bathymmai, te da lei lei nga dei ban shong bam bad u syiem: hynrei, to shah ba ngan leit, ngan rieh ïa lade ha lyngkha, haduh ka sngi ka balai ynda janmiet.

1 SAMUEL 20:5 ပူးပေါင်းရင်းမြစ်များ

2 SYIEM 4:23

“Balei phi hap ban leit mynta ka sngi?” u tnga jong ka u kylli. “Kam shym dei ka Sabbaton lane ka Jingkhawai Niam Bnai Thymmai.” “Kam lei lei,” ka jubab.

SALM 55:12

Lada dei u nongshun uba krenbeiñ ïa nga, ngan lah ban shah ïa kata; lada dei u nongïaleh pyrshah uba leh meng halor jong nga, ngan lah ban buhrieh ïa lade na u.

SALM 81:3

To put ïa ka turoi ha ka jinglehniam, haba dang lung bnai bad haba pyllun bnai.

PROBERB 22:3

Ki briew kiba sngewthuh ki ïohi ïa ka jingma ba ka wan bad ki kynriah na ka, hynrei u briew u bym pyrkhat un ïaid beit ha ka bad un babe kylla hadien.

AMOS 8:5

Phi ong ha lade, “Ngim lah ap slem ïa ki sngi bakhuid ba kin kut noh khnang ba ngi lah ban die ïa u kew jong ngi. Lano ka sngi Sabbaton kan kut, khnang ba ngin ïoh sdang ban die biang? Nangta ngi lah ban oh dor rem, pyndonkam da ki jingthew bymhok, bad pynbakla ïa ki tarajur ban thok ïa ki nongthied jong ngi.

JINGKHEIÑ 10:10

Kumjuh ruh ha ki por lehkmen — ha ki Jingkhawai Niam Bnai Thymmai bad ha kiwei pat ki Jingkhawai Niam jong phi — phi dei ban put ïa ki turoi haba phi wanrah ïa ki jingainguh thang bad ki jingainguh ïasyllok jong phi. Te ngan ïarap ïa phi. Nga long U Trai U Blei jong phi.”

JINGKHEIÑ 28:11

Man ba sdang u bnai, wanrah ka jingainguh thang sha U Trai: ar tylli ki masi lyngraw, uwei u langbrot, bad hynñiew tylli ki khunlangbrot shynrang kiba shisnem ka rta, ki bym don kano kano ka jingduna.

ÏOANNIS 8:59

Nangta ki la ïa-khar ïa ki maw ban lynthem ïa u, hynrei U Jisu u la buhrieh ïa lade bad u la mihnoh na ka Templ.

KI KAM 17:14

Mar kumta hi, ki parabangeit ki la phah noh ïa u Paul sha ka rud duriaw; hynrei u Silas bad u Timothi ki la sah ha Beria.

KOLOSSAI 2:16

Kumta wat shah ïano ïano ban shna kyndon shaphang kaei kaba phi bam lane dih lane shaphang ki sngi bakhuid lane ki Jingkhawai Niam Bnai Thymmai lane ka Sabbaton.

1 SAMUEL 19:2

kumta u ong ha u, “I pa i pyrshang ban pynïap ïa phi. Sngewbha da leh husiar lashai mynstep; rieh ha ka jaka bym don batip bad sah hangta.

1 SAMUEL 20:18

Nangta u Jonathan u ong ha u, “Naba lashai ka dei ka jingkhawai mih bnai thymmai, ka jingbymdon jong phi kan paw shai lada phim don ha jingïabam.

1 SAMUEL 20:19

La shi sngi, ka jingbymdon jong phi kan kham paw shuh shuh; te leit hiar sha kato ka jaka ha kaba phi rieh mynshuwa; bad rieh ha lyndet ka kynton maw hangto.

1 SAMUEL 20:24

Kumta u Dabid u leit rieh ïa lade ha ki bri. Ha ka jingkhawai mih bnai thymmai, u syiem Saul u wan shong bam,

1 SAMUEL 20:27

Ha ka sngi kaba bud, ka sngi hadien ka jingkhawai mih bnai thymmai, ka jaka shong bam u Dabid ka dang thylli hi, bad u Saul u kylli ïa u Jonathan, “Balei u Dabid um shym wan sha ka jingkhawai mynhynnin bad mynta ka sngi ruh?”

1 SAMUEL 20:4

U Jonathan u ong, “Ngan leh ïa kano kano kaba phi kwah.”

1 SAMUEL 20:6

Lada i pa jong phi i shem ba ngam don lang ha ka miej bam, ïathuh ïa i ba nga la pan jingbit na phi ban leit sha la ïing ha Bethlehem, namar ba ka dei ka por jong ka jingkñia ainguh ba shisien shisnem hangta ïa ki ba-ha-ïing ha-sem jong nga baroh.