1 SAMUEL 20:30 - Khasi CL Bible (BSI)

³⁰ U Saul u bitar lep ïa u Jonathan bad u ong ha u, “Me u khun pongka! Mynta nga tip ba me ïashah liang bad u Dabid bad me pynjahburom ïa lade bad ïa kato ka kmie jong me!

KA BAIBL

³⁰ Ynda kumta, ka jingbitar u Saul ka la meh lep ïa u Jonathan, bad u la ong ha u, “Me u khun jong kata ka bakiat bad bamutlop, nga ngam tip ba me la jied ïa une u khun u Jesse ban long ka jingjahburom ïa me, bad ban long ka jinglehrain ïa ka jinglyngkhuit ka kmie jong me?

1 SAMUEL 20:30 ပူးပေါင်းရင်းမြစ်များ

Ka Kitab U Job 5:2

Ban pynkhuslai ïa lade haduh ka jingïap da kaba ïaleh pyrshah, ka long ka jingleh bieit, ka jingleh bym don jingmut.

PROBERB 14:29

Lada phi long jai jai, phi long kiba stad, hynrei lada phi long kiba shit khlieh, phi shu pyn-i katno ka jinglong mutlop phi long.

PROBERB 15:2

Haba ki briew kiba stad ki kren, ki pynlong ïa ka jingtip kaba pdiang hun, hynrei ki briew kiba mutlop ki khlei ïa ka jingbieit.

PROBERB 19:12

Ka jingbitar u syiem ka long kum ka jingkyrhuh u sing, hynrei ka jingsngewbha jong u ka long kum u slap ba pdiang hun.

PROBERB 19:19

Lada don uno uno uba bitar shen, to ai ba un shim ïa ki soh ba mih na kata. Lada phi pyllait ïa u na ka jingjynjar shisien, phin sa hap leh biang.

PROBERB 21:24

Pyni ha nga ïa u briew uba sarong bad ngan pyn-i ha phi ïa u briew uba hangamei, uba sarong bad u bym ju kheiñ briew.

PROBERB 25:28

Lada phim lah ban synshar ïa ka jingbitar jong phi, phin long khlem ka jingïarap kum ka nongbah bym don kynroh, kaba lait rynghang ban shah tur ïaleh.

PROBERB 27:3

Ka jingkhia u maw bad u shyiap kam long ei ei ban haba ïanujor bad ka jingjynjar kaba uba mutlop u lah ban pynjia.

MATHAÏOS 5:22

Hynrei mynta nga ong ha phi: ïa uno uno uba bitar ïa la u para yn wallam sha ka jingbishar, ïa uno uno uba khot ïa la u para ‘Me u bymlarkam ei ei!’ yn wallam ha khmat ka Dorbar Bah, bad ïa uno uno uba khot ïa la u para ‘u bieit bymmyntoi’ un don ha ka jingma ka jingleit sha ka dujok ding.

EPHESOS 4:31

To bret noh ïa baroh ka jingkthang mynsiem, ka jingkwah brai bad ka jingbitar. Keiñ noh ka jingkaw kaw, lane ka jingkrenbeiñ bad keiñ noh ki jingsngew isih la ha kano kano ka rukom.

EPHESOS 6:4

Phi ruh ki kmie ki kpa, wat leh ïa la ki khun ha kata ka rukom ban pynbitar ïa ki, pynban to pynheh pynsan ïa ki ha ka jingsneng bad jinghikai ba kynja mynsiem.

1 SAMUEL 20:29

‘Sngewbha, shah ba ngan leit,’ u ong, ‘namar ki ba-ha-ïing ha-sem jong ngi ki pynlong ka jingkhawai jingkñia ha shnong, bad u hynmen jong nga u la hukum ba nga dei ban don hangta. Te kumta, lada phi long u paralok jong nga, shah ba ngan leit jngoh ïa la ki kur ki jait.’ Dei namar kata ba um shym la don ha la ka jaka ha ka miej bam jong phi.”

1 SAMUEL 20:31

Hato mem sngewthuh ba katba u Dabid u dang im, lano lano men ym ïoh long u syiem jong kane ka ri? Mynta hi to khie leit bad wallam ïa u shane — u dei ban ïap!”