1 SAMUEL 20:3 - Khasi CL Bible (BSI)

³ Hynrei u Dabid u jubab, “I pa jong phi i tip bha katno ba phi sngewieit ïa nga, bad i la rai ba phin ym tip ïa kaei ba i thmu ban leh, namar ba phin sa sngewkthang eh. Nga smai ha phi da U Trai uba im ba nga don sa tang shisien jam na ka jingïap!”

KA BAIBL

³ Te u Dabid u la smai de, bad u la ong, “U kpa jong me u tip bha ba nga la shem kaba sngewbha ha khmat jong me; bad u ong, ‘Wat ai ba u Jonathan un ïoh tip ïa kane, ïoh pynsngewsih ïa u;’ da shisha katba im U Trai, bad katba im ka mynsiem jong me ruh, ka don tang kum shi sien-jam hapdeng jong nga bad ka jingïap.”

1 SAMUEL 20:3 ပူးပေါင်းရင်းမြစ်များ

2 SAMUEL 15:21

Hynrei u Ittai u jubab, “Ko Syiem kynrad, nga smai ha phi ha ka kyrteng U Trai ba ngan ïai leit bad phi kat shaba phi leit, wat la ka dei ban ïap.”

2 SYIEM 2:2

bad ha lynti u Elijah u ong ïa u Elisha, “Mynta ap hangne; U Trai u la hukum ïa nga ban leit sha Bethel.” Hynrei u Elisha u jubab, “Nga smai da ka jingïaineh skhem jong nga ha U Trai uba im bad ha phi ba ngan ym iehnoh ïa phi.” Kumta ki la leit sha Bethel.

2 SYIEM 2:4

Nangta u Elijah u ong ha u Elisha, “Mynta ap hangne; U Trai u la hukum ïa nga ban leit sha Jerikho.” Hynrei u Elisha u jubab, “Nga smai da ka jingïaineh skhem jong nga ha U Trai uba im bad ha phi ba ngan ym iehnoh ïa phi.” Kumta ki la leit sha Jerikho.

2 SYIEM 2:6

Nangta u Elijah u ong ha u Elisha, “Mynta ap hangne; U Trai u la hukum ïa nga ban leit sha ka wah Jordan.” Hynrei u Elisha u jubab, “Nga smai da ka jingshaniah skhem jong nga ha U Trai bad ha phi ba ngan ym iehnoh ïa phi.” Kumta ki la leit,

SALM 116:3

Ka jingma jong ka jingïap ka la ker sawdong jong nga; ki jingngiew jong ka jingtep ki la hajan ïa nga; la pyndap ïa nga da ka jingtieng bad ka jingkhuslai.

JEREMAÏAH 38:16

Kumta u syiem Sedekaïah u la kular ïa nga ha kaba rieh, “Nga smai da U Blei uba im, U Blei uba ai jingim ïa ngi, ba ngan ym pynïap ïa phi lane ai noh ïa phi sha ki briew kiba kwah ban pynïap ïa phi.”

JEREMAÏAH 4:2

kan long kaba dei ïa phi ban smai da ka kyrteng jong nga. Nangta baroh ki jaitbynriew kin kyrpad ïa nga ban kyrkhu ïa ki, bad kin ïaroh ïa nga.”

DEUTERONOMI 28:66

Ka jingim jong phi kan don borabor ha ka jingma. Synñia sngi phin khynñiuh da ka jingsheptieng, bad phin sngew kum ban ïap ha kano kano ka khyllipmat.

DEUTERONOMI 6:13

Tiengburom ïa U Trai U Blei jong phi, mane tang ïa u, bad kular ruh tang ha ka kyrteng jong u.

HEBRU 6:16

Haba u briew u smai, u pyndonkam ïa ka kyrteng jong uno uno uba kham khraw ban ïa u, bad ka jingsmai ka pynbeit ïa baroh ki jingïatainia.

1 SAMUEL 1:26

Ka Hannah ka ong ha u, “Ko kynrad! Phi dang kynmaw mo ïa nga? Nga dei kato ka briew kaba phi ïohi kaba ïeng hangne kaba duwai ha U Trai.

1 SAMUEL 17:55

Haba u Saul u ïohi ïa u Dabid ba u leit ban ïaleh bad u Goliath, u kylli ïa u Abner, u rangbah shipai jong u, “Abner, u dei u khun jongno mo?” “Ngam don jingtip, syiem Kynrad,” u Abner u jubab.

1 SAMUEL 20:2

U Jonathan u jubab, “U Blei un ym shah ba phin shu ïap! I pa i da ïathuh shuwa ha nga ïa kaei kaei ba i leh, kaba donkam ne ka bymdonkam, bad im ju buhrieh ïa kane na nga: Kam long kaba shisha!”

1 SAMUEL 20:4

U Jonathan u ong, “Ngan leh ïa kano kano kaba phi kwah.”

1 SAMUEL 25:26

U dei U Trai uba la khang ïa phi ban pynhiarkput bad pynïap ïa ki nongshun jong phi. Bad mynta nga smai ha phi da U Trai uba im ba ki nongshun jong phi bad baroh kiba kwah ban pynmynsaw ïa phi kin shah pynshitom kum u Nabal.

1 SAMUEL 27:1

U Dabid u ong ha lade, “Ha kawei na kine ka sngi, u Saul un sa pynïap ïa nga. Kaba bha tam eh ïa nga ban leh ka long ban phet noh sha ka ri ki Philistia. Te u Saul un sa sangeh ban wad ïa nga ha Israel, bad ngan sa lait na ka kti jong u.”