1 SAMUEL 20:13 - Khasi CL Bible (BSI)

¹³ Lada i thmu ban pynsniew ïa phi, to U Trai un shoh ïap ïa nga lada ngam pyntip ïa phi ïa kata bad ba phin ïohlait na ka jingma. To U Trai un long lem bad phi kumba u la long bad i pa jong nga!

KA BAIBL

¹³ U Trai un leh kumta, bad tam ruh, ïa u Jonathan, lada u kpa jong nga un ibit ban pynsniew ïa me, bad ba ngan ym ïathuh ïa me bad pyllait noh ïa me, ba men ïoh leit ha kaba suk: te U Trai to un long lem bad me, kumba u la long bad u kpa jong nga.

1 SAMUEL 20:13 ပူးပေါင်းရင်းမြစ်များ

2 SAMUEL 19:13

U Dabid u la bthah ruh ïa ki ban ong ha u Amasa, “Phi dei u ba-ha-ïing jong nga. Naduh mynta nga buh ïa phi ban ïalam ïa ka kynhun shipai ha ka jaka jong u Joab. To U Blei un shoh ïap ïa nga lada ngam leh kumta!”

2 SAMUEL 3:35

Baroh shi sngi ki briew ki wan kyntu ïa u Dabid ban bam ei ei, hynrei u Dabid u la pynlong ka kular kaba shongkhia, “Ieh U Blei un shoh ïap ïa nga lada nga bam ei ei shuwa ba ka sngi kan sep!”

2 SAMUEL 7:15

Hynrei ngan ym weng noh na u ïa la ka jingkyrshan kumba nga la weng noh na u Saul, ïa uba nga la pynkynriah noh khnang ba men long syiem ma me.

1 SYIEM 1:37

Kumba U Trai u la don ryngkat bad u Syiem Kynrad, kumta ruh ai un don ryngkat bad u Solomon, bad pynlong ïa ka jingsynshar jong u kaba kham roi ban ïa ka jong phi.”

1 SYIEM 19:2

Ka la phah khubor sha u Elijah: “Ai ba ki blei kin pynïap ïa nga lashai kum ha kane ka por lada ngam leh ïa kajuh kaba me la leh ïa ki nongïathuhlypa.”

1 SYIEM 20:10

“Ngan wallam bun ki rangbah ban pynjot ïa kane ka nongbah jong me bad ban rah mar shi kham ka khyndew ha ki kti jong ki. Ai ba ki blei kin shoh ïap ïa nga lada ngam leh kumta!”

1 KHRONIKL 22:11

U Dabid u bteng, “Mynta, ko khun jong nga, ai ba U Trai U Blei jong me un long ryngkat bad me, bad ai ba un bat ïa ka kular jong u ban pynlah ïa me ban pyndep ha kaba tei ïa ka Templ na ka bynta jong u.

1 KHRONIKL 22:16

Mynta sdang noh ïa ka kam, bad to U Trai un long ryngkat bad me.”

MATHAÏOS 28:20

bad hikai ïa ki ban kohnguh ha kiei kiei baroh kiba nga la hukum ïa phi. Bad ngan ïai don ryngkat lem bad phi, haduh kaba kut ka Ïa.”

PHILIPPI 4:9

Pyntreikam ïa kaei kaba phi la nang bad ïohpdiang na nga, na ki ktien jong nga bad ki kam jong nga. Bad U Blei uba ai ha ngi ka jingsuk, un long lem bad phi.

JOSHUA 1:5

Joshua, yn ym don mano mano uba lah ban jop ïa me katba me dang im. Ngan don ryngkat lem bad me kumba nga la don bad u Moses. Ngan ïailong lem bad me borabor; ngan ym iehnoh ïa me.

RUTH 1:17

Hangno hangno ba phi ïap, hangta ngan ïap, bad dei hangta ba yn tep ïa nga. Ai ba ka jingpynshitom bashyrkhei eh jong U Trai kan wan hap halor jong nga lada nga shah ïa kaei kaei lait noh ka jingïap hi ka ban pynïakhlad ïa nga na phi!”

1 SAMUEL 10:7

Haba kine kiei kiei kin jia, leh ïa kaba U Blei u ïalam ïa me ban leh.

1 SAMUEL 14:47

Hadien ba u Saul u la long u syiem ki Israel, u la ïaleh ïa baroh ki nongshun jong u kylleng: ki paid Moab, Ammon, Edom, ki syiem ka Sobah, bad ki Philistia. Man kaba u ïaleh u jop.

1 SAMUEL 17:37

U Trai uba la pyllait im ïa nga na ki sing bad na ki dngiem; un pyllait im ïa nga na une u Philistia.” “To kata,” u Saul u jubab. “Khie leit, bad U Trai un long ryngkat bad me.”

1 SAMUEL 18:12

U Saul u sheptieng ïa u Dabid namar ba U Trai u don ryngkat bad u Dabid hynrei U la kynriah noh na u Saul.

1 SAMUEL 19:3

Ngan leit bad ngan ïeng hajan i pa ha kata ka jaka ba phi rieh, bad ngan ïakren bad i shaphang jong phi. Lada nga shem ei ei, ngan sa ïathuh ïa phi.”

1 SAMUEL 20:12

U Jonathan u ong ha u Dabid, “To ai ba U Trai U Blei ki Israel un long u Sakhi hapdeng jong ngi! Ha kum kane ka por lashai bad ha ka sngi kaba bud ngan kylli jingkylli ïa i pa. Lada ka jingthmu jong i ïa phi ka bha, ngan sa phah ktien ïa phi.

1 SAMUEL 20:14

Bad lada nga dang im, sngewbha bat ïa la ka kular bakyntang bad ïaineh skhem bad nga; hynrei lada jia ba nga ïap,

1 SAMUEL 25:22

To U Blei un shoh ïap ïa nga lada ngam shym pynïap ïa uba khatduh eh na kito ki briew ha shuwa ban mih ka step!”

1 SAMUEL 3:17

“U Trai u ïathuh aïu ha phi?” u Eli u kylli. “Wat buhrieh ei ei na nga. U Blei un pynshitom jur ïa phi lada phim ïathuh lut ha nga kat ïa kaba u la ong.”