1 SAMUEL 20:1 - Khasi CL Bible (BSI)

¹ Nangta u Dabid u phet na Naïoth kaba ha Ramah bad u leit sha u Jonathan. “Kaei kaba nga la leh?” u kylli. “Ka kam sniew aïu nga la leh? Ka kam palat aïu nga la leh ïa i pa jong phi ba i da thmu ban pynïap ïa nga?”

KA BAIBL

¹ Te u Dabid u la phet noh na Naioth kaba ha Ramah, bad u la wan bad u la ong ha khmat u Jonathan, “Hato nga la leh aïu? Kaei ka jingbymman jong nga? Bad kaei ka pop jong nga ha khmat u kpa jong me, ba u wad kumne ïa ka mynsiem jong nga?”

1 SAMUEL 20:1 ပူးပေါင်းရင်းမြစ်များ

SALM 54:3

Ki briew kiba sarong ki wan ban tur ïaleh ïa nga; ki briew kiba runar ki pyrshang ban pynïap ïa nga — ki briew ki bymsalia shaphang U Blei.

2 KORINTH 1:12

Ngi sngewsarong ba ka jingïatiplem jong ngi ka pynskhem ïa ngi ba ka jingim jong ngi ha kane ka pyrthei, bad khamtam eh ba ki jingïadei jong ngi bad phi, la pynïaid da kata ka jingkhuid bad ka jingsngur kaba na U Blei, da ka bor ka jingaiei U Blei bad ym da ka jingstad briew.

2 PETROS 2:9

Bad kumta U Trai u tip kumno ban pyllait im ïa ki briew kiba riewblei na ki jingtynjuh jong ki bad kumno ban pynhap ïa ki bymman ha ka jingpynshitom ha ka Sngi ka Jingbishar, khamtam ïa kito kiba beh ïa ki jingkwah brai jakhlia jong ka met bad kiba ñiewbeiñ ïa ka bor synshar jong U Blei.

1 ÏOANNIS 3:21

Bad kumta, ko ki paralok ba-ieit jong nga, lada ka jingïatiplem kam pynrem ïa ngi, ngi don ka jingshlur ha khmat U Blei.

1 SAMUEL 12:3

Hangne nga don. Lada nga la leh ïa kano kano kaba bakla, sakhi pyrshah ïa nga ha khmat U Trai bad ha khmat u syiem uba u la pynsleh. Hato nga la shim ïa ka masi ne ka kada jongno jongno? Hato nga la shukor ne banbeiñ ïano ïano? Hato nga la bamsap nano nano? Lada nga la leh ïa kine kiei kiei ngan pynphai noh ïa kata kaba nga la shim.”

1 SAMUEL 19:1

U Saul u ïathuh ha u Jonathan u khun jong u bad ha ki rangbah synshar jong u baroh ba u thmu ban pynïap ïa u Dabid. Hynrei u Jonathan u sngew jan eh ïa u Dabid,

1 SAMUEL 19:18

U Dabid u phet ïap bad u leit sha u Samuel ha Ramah bad u ïathuh ha u ïa kata baroh kaba u Saul u la leh ïa u. Nangta ma u bad u Samuel ki leit sha Naïoth bad ki sah hangta.

1 SAMUEL 20:2

U Jonathan u jubab, “U Blei un ym shah ba phin shu ïap! I pa i da ïathuh shuwa ha nga ïa kaei kaei ba i leh, kaba donkam ne ka bymdonkam, bad im ju buhrieh ïa kane na nga: Kam long kaba shisha!”

1 SAMUEL 20:32

“Balei u dei ban ïap?” u Jonathan u jubab. “U la leh aïu eh?”

1 SAMUEL 24:11

Ha khmih, ko pa jong nga, khmih ïa ka lyngkhot ka jaiñkup jong phi kaba nga bat! Ngan jin da la pynïap ïa phi, hynrei pynban nga shu ot noh tang ïa kane. Kane ka dei ban pynthikna ïa phi ba ngam don jingmut ei ei ban ïaleh pyrshah ne pynmynsaw ïa phi. Phi la beh mrad ïa nga ban pynïap ïa nga, wat la ngam shym leh kano kano kaba bakla ïa phi.

1 SAMUEL 24:12

To U Trai un bishar mano ba bakla napdeng jong ngi! To un pynshitom ïa phi namar ka jingleh jong phi pyrshah ïa nga, naba ngan ym pynmynsaw ïa phi da lei lei ruh.

1 SAMUEL 24:17

Nangta u ong ha u Dabid “Phi la leh ïa kaba dei, bad nga la leh bakla. Phi la lehbha shikatdei eh ïa nga, katba nga pat nga la leh haduh katne kaba sniew ïa phi!

1 SAMUEL 24:9

bad u ong, “Balei phi sngap ïa ki briew kiba ong ba nga pyrshang ban pynmynsaw ïa phi?

1 SAMUEL 26:18

Nangta u ong shuh shuh, “Balei keiñ, syiem kynrad, ba phi thwet ïa u shakri jong phi? Nga la leh aïu keiñ? Ka kam palat aïu nga la leh?