1 SAMUEL 2:9 - Khasi CL Bible (BSI)

⁹ “U ïada ïa ka jingim jong kito kiba shaniah ha u, hynrei kiba bymman kin shu jah lngaid ha ka jingdum; u briew u jop ym da ka bor la jong.

KA BAIBL

⁹ “Un sumar ïa ki sla'jat ki riewkhuid jong u, hynrei, ïa u bymman un pynsngap noh jar ha ka jingdum; namar un ym jop uno uno u briew da ka bor.

1 SAMUEL 2:9 ပူးပေါင်းရင်းမြစ်များ

Ka Kitab U Job 18:18

Yn sa beh noh ïa u na ka ri jong kiba im, yn sa beh noh na ka jingshai sha ka jingdum.

Ka Kitab U Job 40:13

Tep ïa ki baroh hapoh ka khyndew; teh ïa ki ha ka pyrthei kiba ïap.

Ka Kitab U Job 5:16

U ai jingkyrmen ïa kiba duk bad u pynsngap jar ïa ki bymman.

Ka Kitab U Job 5:24

Te men ïoh im ha ka jingsuk ha la ka ïingjaiñ; Haba me khmih ïa la ki langbrot, men shem ba ki shongsuk.

SALM 1:6

Ïa kiba hok la ïalam lynti bad ïada da U Trai, hynrei kiba sniew ki don ha ka lynti sha ka jingjot jong ki.

SALM 105:37

Nangta u pynmih bad ïalam noh ïa ki Israel; ki rah ïa ka rupa bad ka ksiar, bad baroh ki la long kiba koit kiba khiah bad kiba khlaiñ.

SALM 121:3

Un ym shah ïa phi ban kyllon; u nongïada jong phi u long borabor uba peitngor.

SALM 121:5

U Trai u long u nongap jong phi; u long ha syndah ban ïada ïa phi.

SALM 121:8

Un ïada ïa phi ha ka leit ka wan jong phi, naduh mynta bad haduh bymjukut.

SALM 145:20

U ïada ïa kito baroh kiba ieit ïa u, hynrei un pynjot ïa ki bymman.

SALM 31:17

Nga khot kyrpad ïa me, A Trai; wat ai ban pynlehrain ïa nga. Ai ba ïa ki bymman yn pynlehrain; ai ba kin leit jar jar shapoh ka pyrthei kiba ïap.

SALM 37:28

Naba U Trai u ieit ïa kaei kaba dei; bad un ym iehnoh ïa ki briew jong u kiba ïaineh skhem. U ïada ïa ki junom, hynrei ïa ki khun ki ksiew jong ki bymman yn beh noh.

SALM 94:18

Nga la ong, “Nga la kyllon noh”; hynrei ka jingieit baneh jong me, A Trai, ka batskhem ïa nga.

SALM 97:10

U Trai u ieit ïa kito kiba isih ïa kaba sniew; u ïada ïa ka jingim jong ki briew jong u; u pyllait im ïa ki na ka bor jong ki bymman.

PROBERB 16:9

Phi lah ban don la ki jingthmu, hynrei dei U Blei uba ïalam ïa ki jingpyntreikam jong phi.

PROBERB 2:8

U ïada ïa kito kiba lehhok ïa kiwei pat, bad u ïada ïa kito kiba aiti ha u.

PROBERB 3:26

U Trai un ri sumar ïa phi. Un ym shah ba phin hap ha ka jingriam.

EKLESIASTIS 5:17

Ngi ïoh ban im ka jingim jong ngi ha ka jingdum bad ka jingsngewsih kthang, ngi khuslai, bitar bad ïohpang.

EKLESIASTIS 9:11

Nga la sngewthuh sa kawei pat, ba ha kane ka pyrthei ki nongmareh kiba stet kim ju ïai jop sah ïa ki jingïamareh thong, bad kiba shlur kim ju ïai jop sah ïa ka thma. Ki briew kiba stad kim ju ïai kamai sah ban im, ki briew kiba proh jingmut kim ju ïai ïoh spah, bad ki briew kiba lah ban leh ei ei kim ju ïai kiew sha ki kyrdan bashalor. Ka kupar basniew ka jia ha uwei pa uwei.

ISAÏAH 27:3

“Ngan khmih ïa ka bad ïai ai um ïa ka. Ngan ap phira ïa ka mynmiet bad mynsngi khnang ba yn ym don mano mano u ban pynsniew ïa ka.

ISAÏAH 47:5

U Trai u ong ïa ka Babilon, “To shong ha ka jingjar jar bad ha ka jingdum; kin ym khot shuh ïa pha ka syiem jong ki jaitbynriew!

JEREMAÏAH 8:14

“Balei ba ngi ïashong khop?” Ki briew jong U Blei ki ïakylli. “Ale, ngin ïaphet sha ki nongbah ba la ker kynroh, bad ïap hangta. U Trai U Blei jong ngi u la pynrem ïa ngi ban ïap; u la ai ha ngi ka bih ban dih, namar ngi la leh pop pyrshah ïa u.

JEREMAÏAH 9:23

U Trai u ong, “Ki rangbah bastad kim dei ban kob sarong ïa ka jingstad jong ki, lymne ki rangbah bakhlaiñ ïa ka jingkhlaiñ jong ki, lymne ki rangbah bariewspah ïa ka spah jong ki.

NAHUM 1:8

Kum ka jingsyllad ka jingshlei um bakhraw u pynjot thiaw ïa ki nongshun jong u; u phah sha ka jingïap jong ki ïa kito kiba pyrshah ïa u.

SEPHANAÏAH 1:15

Kan long ka sngi jong ka jingbitar shla, ka sngi ka jingjynjar bad ka jingnoh mynsiem, ka sngi ka jingjot bad ka jingpynjot, ka sngi ka jingdum bad ka jingsngewsih, kaba dum bad ka sngi ba kah lyoh,

SEKHARAÏAH 4:6

U angel u la bthah ïa nga ban ai ha u Serubbabel ïa kane ka khubor na U Trai: “Men jop, ym da ka bor shipai lymne da ka bor ka jingkhlaiñ jong me, hynrei da U Mynsiem jong nga.

JINGKHEIÑ 6:24

To U Trai un kyrkhu kyrdoh bad sumar sukher ïa phi;

MATHAÏOS 8:12

Hynrei ïa kito kiba dei ban don hapoh ka Hima yn bret noh sha ka jingdum, ha kaba kin lynñiar bad kyr-iat la ki bniat.”

Ka Shithi U Paul Sha Ki Nong Rom 3:19

Mynta ngi tip ba kiei kiei baroh ha ka Hukum ki dei ïa kito kiba im hapoh ka Hukum, khnang ban pynsangeh ïa baroh ki jingaidaw jong ki briew bad wallam ïa ka pyrthei baroh kawei hapoh ka jingbishar U Blei.

DEUTERONOMI 33:3

U Trai u ieit ïa la ki briew, bad u ïada ïa la ki jong. Kumta ngi dem ha ki kjat jong u, bad kohnguh ïa ki hukum jong u.

1 PETROS 1:5

Ki long na ka bynta jong phi, kiba da ka jingngeit la ri kyndong da ka bor U Blei ïa ka jingpynim kaba la pynkhreh ban sa pynpaw ha kaba kut jong ka por.

2 PETROS 2:17

Kine ki briew ki long kum ki pukri ba la tyrkhong, kum ki lyoh ba la rong noh da ka 'erïong; U Blei u la buh tyngkai ïa ka jaka na ka bynta jong ki ha ka jingdum tliw tliw.

JUDAH 1:1

Na u Judah, u shakri jong U Jisu Khrist, bad u para jong u Jakob — Sha kito kiba la khot da U Blei, kiba im hapoh ka jingieit jong U Blei U Kpa bad ha ka jingsumar U Jisu Khrist:

JUDAH 1:13

Ki long kum ki jingat phyllung ba khih phaloh jong ka duriaw, da ki jingleh bakhlemrain jong ki, ki pynpaw kum ki sboh sabon. Ki long kum ki khlur ba ïaid sakma, ïa kiba U Blei u la buh lypa ïa ka jaka kaba dum tliw tliw junom.

JUDAH 1:3

Ko ki paralok ba-ieit jong nga, nga la leh ïa kaba bha tam ban thoh sha phi shaphang ka jingpynim kaba ngi ïoh lang, haba nga la shem ïa ka jingdonkam ban thoh shisyndon ban pynshlur ïa phi, ban ïaleh na ka bynta ka jingngeit kaba U Blei u la ai shisien ai ha ki briew jong u.

1 SAMUEL 25:26

U dei U Trai uba la khang ïa phi ban pynhiarkput bad pynïap ïa ki nongshun jong phi. Bad mynta nga smai ha phi da U Trai uba im ba ki nongshun jong phi bad baroh kiba kwah ban pynmynsaw ïa phi kin shah pynshitom kum u Nabal.