1 SAMUEL 2:8 - Khasi CL Bible (BSI)

⁸ U kyntiew ïa kiba duk na ka dewmet, bad u rah ïa kiba kyrduh na ka jingjynjar jong ki. U pynlong ïa ki, ki paralok jong ki khun syiem, bad buh ïa ki, ha ki jaka badonburom. Ki nongrim jong ka khyndew ki dei ki jong U Trai; bad ha ki u la pynshong ïa ka pyrthei.

KA BAIBL

⁸ U pynïeng ïa ki baduk na ka 'dewmet, u pynkyntiew ruh ïa ki bakyrduh khait na ka thliew sboh, ban pynshong ïa ki lem bad ki syiem, bad ban pynïoh ha ki ka khet ka burom; naba ki rijied jong ka khyndew ki long ki jong U Trai, bad u la pynshong ma u ïa ka pyrthei halor jong ki.

1 SAMUEL 2:8 ပူးပေါင်းရင်းမြစ်များ

JENESIS 41:14

U syiem u la phah khot ïa u Joseph, bad mar kumta la wan sei ïa u na ka ïingbyndi. Ynda u la dep khi tmain bad bujli jaiñ, u leit ha khmat u syiem.

JENESIS 41:40

Ngan buh ïa me ban khmih ïa ka ri jong nga, bad ki briew jong nga baroh kin kohnguh ïa ki hukum jong me. Ka iktiar jong me hadien ka jong nga.

2 SAMUEL 7:8

“Kumta ïathuh ha u shakri jong nga u Dabid ba nga U Trai Badonbor Baroh nga ong ha u, ‘Nga la shim ïa me na kaba sharai ïa ki langbrot ha ki pyntha phlang, bad nga la thung ïa me u nongsynshar ïa ki briew jong nga ki Israel.

1 SYIEM 16:2

“Mem shym la long ei ei ruh em, hynrei nga la pynlong ïa me u nongïalam jong ki briew jong nga ki Israel. Bad mynta me la leh pop kum u Jeroboam bad me la ïalam ïa ki briew jong nga sha ka pop.

2 SYIEM 9:6

Nangta ar ngut na ki, ki leit rung shapoh ïing, bad u nongïathuhlypa samla u theh ïa ka umphniang Olib ha ka khlieh u Jehu, bad u ong ha u, “U Trai, U Blei ki Israel u pynbna, ‘Nga pynsleh ïa me ban long u syiem jong ki briew jong nga, ki Israel.

Ka Kitab U Job 1:21

U ong, “La kha ïa nga lyngkhuit khlem don ei ei bad ngan ïap lyngkhuit khlem don ei ei. U Trai u la ai, bad mynta u la shim noh. To ai ba yn ïaroh ïa ka kyrteng jong u!”

Ka Kitab U Job 2:8

U Job u leit bad u shong ha ka kynton ñiut bad u shim da ki saraw khiew ba la pait ban trud ïa ki tohjaw kiba don ha u.

SALM 102:25

naduh slem bah me la thaw ïa ka pyrthei, bad da ki kti jong me hi me la thaw ïa ki bneng.

SALM 104:5

Me la buh ïa ka pyrthei ha ki nongrim baskhem, bad yn ym pynkhih shuh ïa ka.

SALM 107:41

Hynrei u pyllait ïa kiba kyrduh na ka jingjynjar jong ki bad pynlong ïa ki longïing jong ki ban roi kum ki jingri.

SALM 24:2

U thaw ïa ka halor ki um kiba jylliew hapoh ram-ew bad pynshong ïa ki nongrim jong ka ha ki jingjylliew ka duriaw-bah.

SALM 75:3

La baroh ki jingthaw ba-im ki khynñiuh bad ba yn pynkhih ïa ka pyrthei hi, ngan batskhem ïa ki nongrim jong ka.

SALM 75:4

Ngan ïathuh ha ki bymman ban ym sngewmeng;

SALM 75:7

u dei U Blei, uba dei u nongbishar uba pynrem ïa ki katto katne bad uba pynksan ïa kiwei pat.

ISAÏAH 22:23

Ngan pynskhem triang ïa u kum ïa u snar, bad un long ka tynrai jong ka jingpyndonburom ïa ka longïing jong u baroh kawei.

DANIEL 2:48

Te u la ai ha u Daniel ka kyrdan kaba halor, u la ai sngewbha ïa u da ki jingai kiba kynsai tam, u la buh ïa u ban khmih ïa ka probins jong ka Babilon, bad u la pynlong ïa u, u khlieh jong baroh ki nongai jingmut ïa u syiem.

DANIEL 4:17

Kane ka dei ka jingrai jong ki angel kiba la kloi bad kiba peitngor. Kumta te, shah ba ki briew baroh ha kylleng ban tip ba U Blei Bahakhlieh Tam Eh u don ka bor halor jong ki hima ki briew bad ba u lah ban ai ïa ki ha uno uno uba u jied — wat ha ki bym da paw eh na ki briew.’

DANIEL 6:3

Tang katto katne por, u Daniel u la pyn-i ba u lah ban treikam kham bha ban ïa kiwei pat ki nongpynïaidkam lane ki lat. Namar ba u long uba kham paw, u syiem u la pyrkhat ban buh ïa u ban khmih ïa ka hima baroh kawei.

HEBRU 1:3

U pynpaw ïa ka jingtyngshaiñ ka burom U Blei bad u ïasyriem thik bad ka dur U Blei hi, uba kyrshan ïa ka pyrthei da ka ktien badonbor jong u. Hadien ba u la ïohpdiang ka jingmap ïa ki pop u khunbynriew, u la shong ha bneng ha ka liang kamon jong U Blei, U Bakhrawbor Tam.

JAKOB 2:5

To shahshkor, ko parabangeit ba-ieit jong nga! U Blei u la jied ïa ki briew kiba duk ha kane ka pyrthei ban long kiba riewspah ha ka jingngeit bad ban kam kynti ïa ka hima kaba u la kular ha kito kiba ieit ïa u.

JINGPYNPAW 1:6

bad pynlong ïa ngi ka hima jong ki lyngdoh ban shakri ïa U Blei bad U Kpa jong u. Ha U Jisu Khrist, to long ka burom bad ka bor junom la junom! Amen.

JINGPYNPAW 22:5

Yn ym don shuh kano kano ka miet, bad kin ym donkam ïa ki sharak lane ïa ka jingshai ka sngi, namar U Trai uba U Blei un long ka jingshai jong ki bad kin synshar kum ki syiem junom la junom.

JINGPYNPAW 3:21

Ha kito kiba ïoh ïa ka jingjop ngan ai ïa ka hok ban shong ha syndah jong nga ha ka khet jong nga, kumba nga ruh nga la jop bad mynta nga shong ha syndah U Kpa jong nga ha ka khet jong u.

JINGPYNPAW 5:10

Me la pynlong ïa ki, ka hima ki lyngdoh ban shakri ïa U Blei jong ngi, bad kin synshar ha ka pyrthei.”

1 SAMUEL 15:17

U Samuel u ong, “Wat la phi ñiew ïa lade ba phim long ei ei, phi dei u nongïalam jong ki jait Israel. U Trai u la pynsleh ïa phi ban long u syiem jong ki Israel,