1 SAMUEL 2:7 - Khasi CL Bible (BSI)

⁷ U pynduk ïa ki katto katne bad u pynriewspah ïa kiwei pat; U pynrit ïa ki katto katne bad u pynkhraw ïa kiwei pat.

KA BAIBL

⁷ U Trai uba pynshipa, bad uba pynriewspah: ma u, uba pyndem, bad uba pynkyntiew.

1 SAMUEL 2:7 ပူးပေါင်းရင်းမြစ်များ

2 SYIEM 9:6

Nangta ar ngut na ki, ki leit rung shapoh ïing, bad u nongïathuhlypa samla u theh ïa ka umphniang Olib ha ka khlieh u Jehu, bad u ong ha u, “U Trai, U Blei ki Israel u pynbna, ‘Nga pynsleh ïa me ban long u syiem jong ki briew jong nga, ki Israel.

1 KHRONIKL 29:12

Ka spah baroh ka wan na me; me synshar halor kiei kiei baroh da ka jingkhlaiñ bad ka bor jong me, bad me lah ban pynlong ïano ïano uba khraw bad uba khlaiñ.

2 KHRONIKL 32:27

U syiem Hesekaïah u la kylla riewspah bha, bad uwei pa uwei u burom ïa u. U don ki kamra kynshew ba la shna na ka bynta ka ksiar, ka rupa, ki mawkordor, ki musla, ki stieh, bad kiwei ki tiar baremdor jong u.

2 KHRONIKL 32:29

Nalor kine, U Blei u la ai ha u ïa ki langbrot bad ki masi bad shibun ka spah ka phew ba u ïoh ban tei shibun ki nongbah.

Ka Kitab U Job 1:21

U ong, “La kha ïa nga lyngkhuit khlem don ei ei bad ngan ïap lyngkhuit khlem don ei ei. U Trai u la ai, bad mynta u la shim noh. To ai ba yn ïaroh ïa ka kyrteng jong u!”

Ka Kitab U Job 40:12

Ho-oid, to khmih ïa ki bad to pynhiar ïa ki; pynlwet ïa ki bymman ha ka jaka kaba ki ïeng.

Ka Kitab U Job 5:11

Ho-oid, dei U Blei uba kyntiew ïa uba sngewrit bad u ai jingkmen ïa baroh kiba sngewsih.

SALM 75:7

u dei U Blei, uba dei u nongbishar uba pynrem ïa ki katto katne bad uba pynksan ïa kiwei pat.

SALM 75:8

U Trai u bat ïa ka khuri ha ka kti jong u, la pyndap ïa ka da ka waiñ kaba khor jong ka jingbitar jong u. U theh noh ïa ka, bad baroh ki bymman ki dih ïa ka; ki dih ïa ka ha ban da lut.

PROBERB 22:2

Kiba riewspah bad kiba duk ki don ïa kane kajuh, U Trai u pynlong ïa ki baroh ar.

ISAÏAH 2:12

Ha kata ka sngi U Trai Badonbor Baroh un pynpoh ïa uwei pa uwei uba khrawbor, ïa uwei pa uwei uba sarong bad uba sngewmeng.

JEREMAÏAH 49:15

U Trai un pynlong ïa pha ban nang tlot, bad yn ym don baburom ïa pha.

ESEKIEL 17:24

Baroh ki dieng kin tip ba nga long U Trai. Nga khet ïa ki dieng bajrong bad nga pynlong ïa ki dieng rit ban san jrong. Nga pynïap stai ïa ki dieng bajyrngam bad pynlong ïa ki dieng ba-tyrkhong ban kylla jyrngam. Ma nga, U Trai, nga la kren. Ngan leh ïa kaei kaba nga la ong ba ngan leh.”

JAKOB 4:10

To phin pynrit ïa lade ha khmat U Trai, bad un pynkhraw ïa phi.