1 SAMUEL 2:6 - Khasi CL Bible (BSI)

⁶ U Trai u pynïap bad u pynim pat; u pynhiar ïa ki briew sha ka pyrthei kiba ïap, bad u pynkiew pat ïa ki.

KA BAIBL

⁶ U Trai uba pynïap, bad uba pynim: u pynhiar ma u sha ka jingtep, u pynmih ruh ma u.

1 SAMUEL 2:6 ပူးပေါင်းရင်းမြစ်များ

1 SYIEM 17:22

U Trai u jubab ïa ka jingduwai u Elijah; u khynnah u sdang ban ring mynsiem biang bad u la im pat.

2 SYIEM 5:7

Haba u syiem Israel u pule ïa ka shithi, u la kad ïa la ki jaiñ ha ka jingkhuslai bad u kyang jam, “Kumno u syiem Syria u khmih lynti ïa nga ban pynkhiah ïa une u briew? Hato u pyrkhat ba nga dei U Blei, lem bad ka bor jong ka jingim bad ka jingïap? Ka shai kdar ba u pyrshang ban sdang ïakajia bad nga!”

Ka Kitab U Job 5:18

U Blei u sop spaiñ ïa ki jingmong ba u pynlong; ki kti jong u ki pynpang ïa me, bad ki kti jong u ki pynkhiah.

SALM 116:3

Ka jingma jong ka jingïap ka la ker sawdong jong nga; ki jingngiew jong ka jingtep ki la hajan ïa nga; la pyndap ïa nga da ka jingtieng bad ka jingkhuslai.

SALM 30:4

To rwai ïaroh ïa U Trai, phi ki briew baroh kiba ïaineh ha u! To kynmaw ïa kaei kaba Uta Uba Khuid u la leh, bad to ainguh ïa u!

SALM 68:20

U Blei jong ngi u long U Blei uba pynim; u long U Trai, u Trai jong ngi, uba pyllait im ïa ngi na ka jingïap.

SALM 71:20

Me la phah ki jingjynjar bad ki jingshitom halor jong nga, hynrei men pynïoh pat ka jingkhlaiñ ha nga; men sumar ïa nga na ka jingtep.

EKLESIASTIS 3:3

ka por ban pynïap bad ka por ban pynkhiah, ka por ban pynkhyllem bad ka por ban tei.

ISAÏAH 26:19

Kito kiba dei napdeng ki briew jong ngi kiba la ïap kin im biang! Ki met jong ki kin wan phai biang sha ka jingim. Baroh kito kiba ïohthiah ha ki jingtep jong ki kin kyndit thiah bad kin rwai namar ka jingkmen. Kumba ka umjer baphyrnai ka pynthymmai bor ïa ka khyndew, kumta ruh U Trai un pynkhie im pat ïa kito kiba la ïap la slem.

ESEKIEL 37:12

Kumta ïathuhlypa ha ki briew jong nga ki Israel bad ong ha ki ba ma nga, U Trai Nongsynshar, ngan plied ïa ki jingtep jong ki. Ngan sei noh ïa ki shabar, bad ngan wallam pat ïa ki sha ka ri Israel.

ESEKIEL 37:3

U la ong ha nga, “Ko khun u briew, hato kine ki shyieng ki lah ban ïoh pat ïa ka jingim?” Nga la jubab, “A Trai Nongsynshar, tang ma me uba lah ban jubab ïa kata!”

MATHAÏOS 12:40

Ha kajuh ka rukom ba u Jonah u la pynlut lai sngi bad lai miet hapoh u dohkha uba heh, kumta U Khun U Briew un pynlut lai sngi bad lai miet ha kiba jylliew jong ka khyndew.

ÏOANNIS 11:25

U Jisu u la ong ha ka, “Nga long ka jingmihpat bad ka jingim. Uno uno uba ngeit ha nga un im, wat la u la ïap; un ïoh im, bad uno uno uba im, bad uba ngeit ha nga un ym ïap lano lano ruh.

DEUTERONOMI 32:39

“ ‘Nga, bad tang ma nga hi, nga long U Blei; ym don uwei pat u blei uba shisha. Nga pynïap bad nga ai jingim, nga pynmong bad nga pynkoit, bad ym don uba lah ban ïaleh pyrshah ïa kaei ba nga leh.

JINGPYNPAW 1:18

Nga long uta uba im! Nga la ïap, hynrei mynta nga im junom la junom. Nga don ka bor halor ka jingïap bad ka pyrthei kiba ïap.

1 SAMUEL 20:3

Hynrei u Dabid u jubab, “I pa jong phi i tip bha katno ba phi sngewieit ïa nga, bad i la rai ba phin ym tip ïa kaei ba i thmu ban leh, namar ba phin sa sngewkthang eh. Nga smai ha phi da U Trai uba im ba nga don sa tang shisien jam na ka jingïap!”