1 SAMUEL 2:5 - Khasi CL Bible (BSI)

⁵ Kito kiba la im pahuh pahai shisien mynta ki leit bylla ban ïoh bam, hynrei kito kiba thngan kim thngan shuh. Ka briew kaba lyngki ka ïoh khun hynñiew ngut, hynrei ka kmie kaba bun ki khun ka sah marwei.

KA BAIBL

⁵ Kita kiba la ju dap kyrhai ki la tyrwa nong ïa lade ban ïoh kpu: bad kita kiba ju thngan kim long kumta shuh: kumta, kaba lyngki ka la kha hynñiew ngut; bad kata kaba bun ki khun ka nangswai.

1 SAMUEL 2:5 ပူးပေါင်းရင်းမြစ်များ

SALM 113:9

U pyndonburom ïa ka tnga ka bym don khun ha ka ïingshong jong ka; u pynkmen ïa ka da kaba ai ki khun ha ka. A to ïaroh ïa U Trai!

SALM 34:10

Wat ki sing ki shahthngan namar ba ki kyrduh jingbam, hynrei kito kiba kohnguh ïa U Trai kin ym duna ïa kaei kaei kaba bha.

ISAÏAH 33:9

Ka ri ka sah shrah bad long ri shyiap. Ki khlaw ka Lebanon ki la tyrkhong, ka them baseisoh ka Sharon ka long kum ka ri shyiap, bad ha Bashan bad ha u lum Karmel ki sla ki hap na ki dieng.

ISAÏAH 54:1

Ko Jerusalem, pha la long kum ka briew ka bym don khun, hynrei mynta pha lah ban rwai bad risa da ka jingkmen. Mynta phan sa ïoh kham bun ki khun ban ïa ka briew kaba u tnga jong ka um ju iehnoh ïa ka!

JEREMAÏAH 15:9

Ka kmie kaba la duh noh ïa ki hynñiew ngut ki khun jong ka, ka la ïapler, ka da thrang ïa ka jingring mynsiem. Ka jingshai jong ka sngi jong ka, ka la kylla sha ka jingdum; la pynjahburom ïa ka bad ka pang ka dohnud. Ngan shah ïa ki nongshun jong phi ban pynïap ïa kito na phi kiba dang im. Ma nga, U Trai, nga la kren.”

LOUKAS 1:53

U la pyndap ïa kiba thngan da kiei kiei kiba bha, bad u la phah noh thylli ïa kiba riewspah.

LOUKAS 16:25

“Hynrei, u Abraham u la ong, ‘To kynmaw, ko khun jong nga, ba ha ka por ka jingim jong me la ai ha me ïa baroh kiei kiei kiba bha, katba u Lasaros u la ïohpdiang ïa kiei kiei baroh kiba sniew. Hynrei mynta u lehkmen ïa lade hangne, katba me don ha ka jingshitom.

GALATIA 4:27

Naba ka Jingthoh Bakhuid ka ong, “Suk, pha ka kynthei kaba lyngki! To risa bad kyang da ka jingkmen, pha ka bym ju la ïohmad ïa ki jingpang jong ka jingsuh kha! Naba kata ka kynthei kaba la shah iehnoh kan ïoh kham bun ki khun ban ïa ka kynthei kaba u tnga um ju iehnoh ïa ka.”

RUTH 4:15

Ka pyrsa kurim jong phi ka ieit ïa phi, bad ka la leh kham bun na ka bynta jong phi ban ïa ki hynñiew ngut ki khun shynrang. Bad mynta ka la ai ha phi u khun ksiew, u ban wallam ka jingim thymmai ha phi bad ai ha phi ka jingshngain ha ka rta tymmen jong phi.”

1 SAMUEL 1:20

Kumta ka Hannah ka punkhun bad ka kha khun shynrang. Ka la pynkyrteng ïa u, u Samuel, naba ka ong, “Nga la pan ïa u na U Trai.”

1 SAMUEL 1:6

Ka Peninnah, kaba ju pyrshah ïa ka, ka pynshitom bad ñiewbeiñ ïa ka, namar ba U Trai u la pynlyngki ïa ka.