1 SAMUEL 2:35 - Khasi CL Bible (BSI)

³⁵ Ngan jied ïa u lyngdoh u ban kohnguh ïa nga bad leh ïa kata baroh kaba nga kwah ïa u. Ngan ai ha u ki khun ki ksiew ki ban ïai shakri ha khmat u syiem uba la jied jong nga.

KA BAIBL

³⁵ Bad ngan pynmih ha lade ïa u lyngdoh uba ngeit, u ban leh kat kaba don ha ka dohnud jong nga bad ha ka jingmut jong nga: bad ngan tei ïa ka ïing kaba skhem ha u; bad un ïaid ha khmat uba la sleh jong nga junom.

1 SAMUEL 2:35 ပူးပေါင်းရင်းမြစ်များ

2 SAMUEL 7:27

A Trai Nongsynshar, U Blei ki Israel! nga sngew shlur ban duwai kane ka jingduwai ha me, namar me la pynpaw ïa kane baroh ha nga, u shakri jong me, bad ba me la ong ha nga ba men pynlong syiem ïa ki khun ki ksiew jong nga.

1 SYIEM 1:45

Ki la pynshong ïa u halor u khashor jong u syiem, bad u Sadok bad u Nathan ki la pynsleh ïa u kum u syiem ha ka Umpohliew Gihon. Nangta ki la leit sha ka nongbah, ki risa da ka jingkmen, bad ki paidbah mynta ki don ha ka jingkhihwin. Kata ka dei ka jingsawa kaba phi dang shu ïohsngew.

1 SYIEM 1:8

Hynrei u Sadok u lyngdoh, u Benaïah u khun jong u Jehoïada, u Nathan u nongïathuhlypa, u Shimei, u Rei, bad ki nongïada jong u Dabid, kim don ha ka liang jong u Adonijah.

1 SYIEM 11:38

Lada me kohnguh tylli ïa nga, me im hapoh ki hukum jong nga, bad me ïoh ïa ka jingmynjur jong nga da kaba leh ïa kaei kaba nga hukum, kumba u Dabid u shakri jong nga u la leh, ngan ïai don ryngkat bad me. Ngan pynlong ïa me u syiem ki Israel bad ngan pynthikna ba kiba hiarpateng na me kin synshar hadien jong me, kumba nga la leh ïa u Dabid.

1 SYIEM 2:35

U syiem u thung ïa u Benaïah kum u rangbah ai hukum jong ka kynhun shipai ha ka jaka u Joab bad u buh ïa u Sadok u lyngdoh ha ka jaka u Abiathar.

1 KHRONIKL 29:22

Kumta ha kata ka sngi ki la kmen shikatdei katba ki ïabam ïadih ha ka jingdon ryngkat U Trai. Ha ka sien kaba ar ki la thung syiem ïa u Solomon. Ha ka kyrteng jong U Trai ki la pynsleh ïa u kum u nongsynshar jong ki bad ïa u Sadok kum u lyngdoh.

SALM 18:50

U Blei u ai ki jingjop kiba khraw ha u syiem jong u; u pynpaw ïa ka jingieit kaba neh ha uta uba u la jied, ha u Dabid bad ha ki khun ki ksiew jong u junom.

SALM 2:2

Ki syiem jong ki, ki ïeng pyrshah, ki nongsynshar jong ki, ki ïasylla lang pyrshah ïa U Trai bad pyrshah ïa u syiem uba u la jied.

ESEKIEL 34:23

Ngan ai ha ki ïa u syiem uba kum u shakri jong nga u Dabid ba un long uwei u nongsharai jong ki, bad un sumar bha ïa ki.

JINGKHEIÑ 25:13

Ma u bad ki khun ki ksiew jong u kin bat ïa ka kam lyngdoh junom, namar ba um shym la shah ïa kiba ïakob bor bad nga bad ba u la wallam ka jingïohmap na ka bynta ka pop jong ki briew.”

HEBRU 2:17

Kane ka mut, ba u dei ban long uba syriem kum ki para jong u ha kiei kiei baroh, ba un ïoh long u rangbah lyngdoh uba lah ban shaniah bad uba sngewsynei ha ka jingshakri ïa U Blei, kumta ba yn ïohmap noh ïa ki pop ki briew.

1 SAMUEL 10:10

Haba u Saul bad u shakri jong u ki poi ha Gibeah, shi kynhun ki nongïathuhlypa ki ïakynduh ïa u. Kynsan kynsan U Mynsiem jong U Blei u wan da ka bor ha u, bad u ïasoh lang bad ki ha ka jingïashad bashongshit bad ha ka jingïarisa.

1 SAMUEL 10:9

Ynda u Saul u phai ban leit noh na u Samuel, U Blei u buh ha u ka jinglong kaba thymmai. Bad kita baroh kiba u Samuel u la ïathuh ha u ki wan jia long ha kata ka sngi.

1 SAMUEL 12:3

Hangne nga don. Lada nga la leh ïa kano kano kaba bakla, sakhi pyrshah ïa nga ha khmat U Trai bad ha khmat u syiem uba u la pynsleh. Hato nga la shim ïa ka masi ne ka kada jongno jongno? Hato nga la shukor ne banbeiñ ïano ïano? Hato nga la bamsap nano nano? Lada nga la leh ïa kine kiei kiei ngan pynphai noh ïa kata kaba nga la shim.”

1 SAMUEL 16:13

U Samuel u shim ïa ka umphniang Olib bad u pynsleh ïa u Dabid ha khmat ki hynmen jong u. Hangta hi U Mynsiem U Trai u wan borbah ha u Dabid bad u long ryngkat bad u naduh kata ka sngi. Nangta u Samuel u leit phai noh sha Ramah.

1 SAMUEL 2:36

Kat uba dang sah na ki khun ki ksiew jong me un leit ha uta u lyngdoh bad pan na u ïa ka pisa bad ka jingbam, bad kyrpad ïa u ban shah ba un ïarap ïa ki lyngdoh khnang ba un ïoh ei ei ban bam.”

1 SAMUEL 25:28

Sngewbha map ïa nga, ko kynrad, na ka bynta kano kano ka jingbakla kaba nga la leh. U Trai un pynlong ïa phi u syiem, bad ïa ki khun ki ksiew jong phi ruh, naba phi ïaleh ïa ki thma jong u; bad phin ym leh kano kano kaba sniew katba phi dang im.

1 SAMUEL 3:1

Ha kita ki sngi, haba uta u khynnah Samuel, u shakri ïa U Trai hapoh ka jingïalam u Eli, don tang khyndiat eh ki khubor na U Trai; bad ñiar eh ban don ki jingïohipaw.

1 SAMUEL 7:9

U Samuel u pynïap uwei u khunlangbrot bad u thang tylli ïa u kum ka jingkñia ainguh ha U Trai. Nangta u duwai ha U Trai ban ïarap ïa ki Israel, bad U Trai u jubab ïa ka jingduwai jong u.

1 SAMUEL 8:3

Hynrei kim shym bud ïa ka nuksa u kpa jong ki; ki im sngi tang ha kaba kamai spah, kumta ki bamsap bad kim bishar hok ïa ki jingïakajia.

1 SAMUEL 9:12

“Ho-oid, u don,” kita ki samla kynthei ki jubab. “Utai u dang ïaid sha khmat jong phi. Khie leit kloi; ban lap ïa u. Shen shen haba phin rung ha shnong, phin shem ïa u. U dang shu wan myntan sha shnong, namar ki briew kin leit kñia ainguh ha ka duwan kaba ha une u lum. Ki briew kiba la shah khot sngewbha kin ym bam tad ynda u poi hangta, naba nyngkong u dei ban da kyrkhu ïa ka jingkñia. Lada phi leit noh mynta, phin ïakynduh ïa u shuwa ba un kiew sha lum ban bam.”