1 SAMUEL 2:33 - Khasi CL Bible (BSI)

³³ Pynban ngan pynsah ïa uwei na ki khun ki ksiew jong me bad un shakri ïa nga kum u lyngdoh. Hynrei uta ruh un sa matlah bad duh jingkyrmen, bad baroh ki ba-ha-ïing ha-sem jong me kin ïap shyrkhei.

KA BAIBL

³³ Bad uta u briew jong me, ïa uba ngan ym ot noh na ka duwan jong nga, un sah ba un bam duh ïa ki khmat jong me, bad ba un pynjynjar ïa ka dohnud jong me: bad ka jingroi ka ïing jong me baroh kin ïap ruh ha kaba dang shiteng met.

1 SAMUEL 2:33 ပူးပေါင်းရင်းမြစ်များ

1 SYIEM 1:19

U la ai ka jingkñia da shibun ki masi, ki langbrot, bad ki khun masi ba la pynsngaid, bad u la khot sngewbha ruh sha ka jingkhawai ïa ki khun shynrang jong phi, ïa u Abiathar u lyngdoh, bad ïa u Joab u rangbah ai hukum jong ka kynhun shipai jong phi, hynrei ïa u Solomon u khun jong phi um shym la khot.

1 SYIEM 1:7

U la ïakren bad u Joab (uba ka kmie jong u ka dei ka Seruïah) bad u Abiathar u lyngdoh, bad ki la ïamynjur ban kyrshan ïa ka jingthmu jong u.

LEBITIKOS 26:16

Ngan pynngat ha phi ïa ka jingjynjar — ki jingpang bym lah pynkhiah, bad ki jingpang shit ki ban pynmatlah ïa phi bad ban pynlong ïa ka jingim jong phi ban sep-ei. Phin bet ïa u symbai, hynrei um myntoi ïa phi, naba ki nongshun jong phi kin jop ïa phi bad kin bam ïa kaba phi la thung.

1 SAMUEL 2:32

Te yn pynkordit ïa me bad men peit da ka jingsngewpihuiñ haba me ïohi ïa ki jingkyrkhu baroh ïa kiba ngan ai ha kiwei pat ki briew jong ka Israel, hynrei yn ym don uwei ruh na ka ïing jong me u ban im tymmen.

1 SAMUEL 2:34

Haba ki ar ngut ki khun shynrang jong me, u Hophni bad u Phinehas kin ïap ha kajuh ka sngi, kane kan pyn-i ïa me ba baroh kaba nga la kren kan urlong.

1 SAMUEL 22:18

Kumta u Saul u ong ïa u Doeg, “Ma me, pynïap ïa ki!” — bad u Doeg u la pynïap ïa ki baroh. Ha kata ka sngi u la pynïap phraphew san ngut ki lyngdoh kiba bit ban phong ïa ka ephod.