1 SAMUEL 2:30 - Khasi CL Bible (BSI)

³⁰ Ma nga, U Trai U Blei ki Israel, nga la kular mynshuwa ba ka ïing jong me bad ka kur ka jait jong me kin shakri ïa nga junom kum ki lyngdoh. Hynrei mynta ngam shah shuh ba kan long kumta. Pynban, ngan pyndonburom ïa kito kiba pyndonburom ïa nga, bad ngan ibeiñ ïa kito kiba ibeiñ ïa nga.

KA BAIBL

³⁰ Namar kata, U Trai, uba U Blei ki Israel, u ong, ‘Nga la ong shisha ba ka ïing jong me, bad ka ïing u kpa jong me, kin ïaid ha khmat jong nga junom:’ hynrei, mynta U Trai u ong, ‘Kata kaba eh ïa nga; naba kiba pyndonburom ïa nga, ïa kita nga ruh ngan pyndonburom, te ïa kita kiba ñiewbeiñ ïa nga, yn ñiewbeiñ kylliang ïa ki.

1 SAMUEL 2:30 ပူးပေါင်းရင်းမြစ်များ

1 SYIEM 11:11

Kumta U Trai u la bitar ïa u Solomon, bad u la ong ha u, “Namar ba me la leh khnang ban pynkheiñ ïa ka jutang ba me la ïateh bad nga bad ba mem kohnguh ïa ki hukum jong nga, nga kular ban shim noh ïa ka hima na me bad ngan ai ha uwei na ki rangbah synshar jong me.

1 SYIEM 2:27

Nangta u Solomon u la pynkut noh ïa u Abiathar na kaba shakri kum u lyngdoh jong U Trai, bad kumta u la pynurlong ïa kaei kaba U Trai u la ong ha Shiloh shaphang u Eli, u lyngdoh bad ki khun ki ksiew jong u.

1 KHRONIKL 17:18

Aïu ngan ong shuh ha me! Me tip bha ïa nga, bad pynban me pyndonburom ïa nga, u shakri jong me.

2 KHRONIKL 15:2

U la ong, “Shahshkor ïa nga, ko syiem Asa, bad phi u paidbah baroh jong ka Judah bad Benjamin! U Trai u long lem bad phi katba phi dang ïailong bad u. Lada phi ap khmih ïa u, un shah ba phin shem ïa u, hynrei lada phi phai na u, un iehnoh noh ïa phi.

2 KHRONIKL 26:18

Ki ong, “Ko Ussaïah! Phim don hok ban thang jingiwbih ha U Trai. Dei tang ki lyngdoh kiba hiarpateng na u Aaron ïa kiba la pynkyntang ban leh ïa kane. Khie mihnoh na kane ka jaka kyntang. Phi la pynsngewsih ïa U Trai U Blei, bad phin ym ïoh shuh ïa ka jingkyrkhu jong u.”

SALM 18:20

U Trai u ainong ïa nga namar nga leh ïa kaba dei; u kyrkhu ïa nga namar ba nga long uba lui lui.

SALM 18:26

Me long uba khuid ha kito kiba khuid, hynrei me kyntait ïa kito kiba long bymman.

SALM 50:23

Kaba ai ïa ka jingsngewnguh ka long ka jingkñia kaba pyndonburom ïa nga, bad da shisha ngan pynim ïa baroh kiba kohnguh ïa nga.”

SALM 73:20

Ki long kum ka jingphohsniew kaba jah noh ha ka por mynstep; haba me pynkhie ïa lade, A Trai, ki jah noh.

SALM 91:14

U Blei u ong, “Ngan pynim ïa kito kiba ieit ïa nga, bad ngan ïada ïa kito kiba ithuh ïa nga kum U Trai.

SALM 91:15

Haba ki khot ïa nga, ngan jubab ïa ki; haba ki don ha ka jingjynjar, ngan long ryngkat bad ki. Ngan pyllait im ïa ki bad ngan pyndonburom ïa ki.

EKSODOS 28:43

U Aaron bad ki khun shynrang jong u ki dei ban phong ïa ki man ka por ba ki leit rung shapoh ka Ïingjaiñ ka Jingdon Ryngkat jong nga ne haba ki leit sha jan ka duwan ban shakri kum ki lyngdoh ha ka Jaka kaba Kyntang, khnang ba kin ym shah pynïap ba ki thad burom ïa lade. Kane ka long ka aiñ kaba neh shi rta ïa u Aaron bad ki khun ki ksiew jong u.

EKSODOS 29:9

Buh ïa ki panpoh ha ki syngkai jong ki, bad teh ïa ki tupia ha ki khlieh jong ki. Ha kane ka rukom men pynkyntang ïa u Aaron bad ïa ki khun shynrang jong u. Ma ki bad ki khun ki ksiew jong ki kin shakri ïa nga junom kum ki lyngdoh.

PROBERB 12:8

Lada phi long kiba shemphang, phin ïoh jingïaroh; lada phi long kiba mutlop, ki briew kin peitbeiñ ïa phi.

PROBERB 4:8

Ieit ïa ka jingstad, te kan pynkhraw ïa phi; pdiang ïa ka, te kan ai burom ïa phi.

PROBERB 8:17

Nga ieit ïa kito kiba ieit ïa nga; kita kiba wad ïa nga kin shem ïa nga.

ISAÏAH 29:13

U Trai u la ong, “Kine ki briew ki ong ba ki mane ïa nga, hynrei ki ktien jong ki kim don jingmut ei ei, bad ki dohnud jong ki, ki long shawei pat. Ka niam jong ki kam long ei ei, hynrei ka long tang ki aiñ bad ki rukom briew, kiba ki shu spel lyndet.

JEREMAÏAH 49:15

U Trai un pynlong ïa pha ban nang tlot, bad yn ym don baburom ïa pha.

ESEKIEL 34:10

Ma nga, U Trai Nongsynshar, nga pynbna ba nga long u nongshun jong phi. Ngan shim noh ïa ki langbrot jong nga na phi, bad ngan ym shah shuh ba phin long ki nongsharai jong ki; ngan ym shah shuh ba phin sumar bha tang ïa lade. Ngan pyllait im ïa ki langbrot jong nga na phi bad ngan ym shah ba phin bam ïa ki.

DANIEL 4:34

“Haba ki hynñiew snem ki la leit,” la ong u syiem, “Nga la khmih shajrong sha sahit bneng, bad ka jingtipbriew jong nga ka la wan phai. Nga la ïaroh ïa U Blei Bahakhlieh Tam Eh bad nga la ai ka jingpyndonburom bad ka burom ïa uta uba im junom. “Un synshar junom, bad ka hima jong u kan neh ha ki por baroh.

MALAKHI 1:6

U Trai Badonbor Baroh u ong ha ki lyngdoh, “U khun u burom ïa la u kpa, bad u shakri u burom ïa la u kynrad. Nga long u kpa jong phi — balei phim burom ïa nga? Nga long u kynrad jong phi — balei phim ñiewkor ïa nga? Phi ñiewbeiñ ïa nga, bad pynban phi kylli, ‘Da kumno ngi ñiewbeiñ ïa me?’

MALAKHI 2:3

Ngan pynshitom ïa ki khun jong phi bad kyllan ïa ki durkhmat jong phi ha ka jakhlia jong ki jingri kiba phi kñia — bad yn ïalam ïa phi sha ka kynton jakhlia.

JINGKHEIÑ 11:20

hynrei baroh shi bnai, haduh ba kan da mihnoh shabar na ki shkor jong phi, haduh ba phin da sngewjli ïa ka. Kane kan jia namar ba phi la kyntait ïa U Trai uba don hangne hapdeng jong phi bad ba phi la ïakhñium ha u ba phim dei ban iehnoh ïa ka Ijipt.’”

JINGKHEIÑ 35:34

Wat pynjakhlia ïa ka ri ha kaba phi shong phi sah, namar nga long U Trai bad nga shong hapdeng ki paid Israel.”

ÏOANNIS 12:26

Uno uno uba kwah ban shakri ïa nga u dei ban bud ïa nga, khnang ba u shakri jong nga un long lem bad nga hangno hangno ba nga don. Bad u Kpa jong nga un pyndonburom ïa uno uno uba shakri ïa nga.

ÏOANNIS 5:23

Uno uno u bym burom ïa U Khun um burom ïa U Kpa uba la phah ïa u.

ÏOANNIS 5:44

Phi sngewtynnat ban ïohpdiang jingïaroh uwei na uwei pat, hynrei phim pyrshang ban ïoh ïa ka jingïaroh na uta uba ma u hi u long U Blei; kumno, te, phi lah ban ngeit ha nga?

ÏOANNIS 8:49

“Nga ngam don u ksuid,” U Jisu u la jubab, “Nga burom ïa la U Kpa, hynrei phi pynjahburom ïa nga.

1 KORINTH 4:5

Kumta phim dei ban bishar ïano ïano shuwa ba ka por kaba dei kan poi. Ka jingbishar bakhatduh ka dei ban ap tad ynda U Trai un wan; un wallam ha ka jingshai ïa ki jingbuhrieh ba-dum bad pynpaw ïa ki jingthmu barieh jong ki jingmut ki briew. Bad nangta uwei pa uwei un ïohpdiang na U Blei ïa ka jingïaroh kaba u dei hok ban ïoh.

1 PETROS 1:7

Ka jingthmu jong ki ka long ban pynshisha ba ka jingngeit jong phi ka long kaba sngur. Wat ïa ka ksiar, ïa kaba lah ban pynduh, la phrang da ka ding; bad kumta ïa ka jingngeit jong phi, kaba kham kordor shuh shuh ban ïa ka ksiar, dei ruh ban phrang, khnang ba kan lah ban shah. Te phin sa ïohpdiang ïa ka jingïaroh bad ka burom bad ka jingpyndonburom ha ka Sngi haba ïa U Jisu Khrist yn pynpaw.

NONGBISHAR 9:10

Nangta ki dieng ki ong ïa u dieng Dumbur, ‘Ale wan bad long u syiem jong ngi.’